Våpen
Hadde hangarskipet frå USA med seg atomvåpen til norsk (f)jord? I debatten på NRK hadde forsvarsministeren inga tru på det, ettersom ingen hadde sagt noko til han om atomvåpen (og ikkje hadde han vel spurt).
Det fekk fram minne frå Australia i 1985, der dei amerikanske krigsskipa USS «John Young» og gamle USS «Buchanan» hadde fått hamn i Sydney. Den australske regjeringa føresette, som den norske no, at skipa ikkje hadde atomvåpen om bord, og spurde ikkje.
I Auckland på New Zealand, derimot, var desse skipa ikkje velkomne i 1985. Den uredde (og urøynde) regjeringa til David Lange kom der til at dei som teier om atomvåpen, truleg har nett det, og New Zealand var imot atomvåpen, på ekte. SS «Buchanan» var såleis ikkje velkomen til hamn der i landet, trass i ANZUS, forsvarsalliansen med USA og Australia, som med det rakna, då USA kontra med at krigsskip frå New Zealand ikkje lenger var velkomne i USA, men det er ei anna historie.
Stemninga var amper i Sydney i det året. Folk i tusental demonstrerte mot atomvåpen, mot ei servil regjering og mot USA og Frankrike, som dreiv prøvesprenging på sakeslause stillehavsatoll. Det var elles inga klimakrise då (berre ei rivne i ozonlaget), medan president Tsjernenko i/og Sovjet låg fredsælt på det siste (bortsett frå i Afghanistan). Di større var mobiliseringa mot atomvåpen.
Ei einsleg svale, piloten i eit mikrofly, ein motorisert hangglider, gjekk resolutt til åtak på begge dei to krigsskipa frå USA på veg ut frå hamna i Sydney, liksom jaga dei med bomber av gulmåling, til eit helikopter la seg over og pressa mikroflyet i bakken.
Mikroflypiloten er kalla Australias fyrste eco-warrior, og me har ikkje slike her i landet, vil eg påstå. Eg vitja nemleg flokken hans eit par år etterpå. Dei var vegetarianarar, sjølvsagt. Dei hadde ein bø der dei tilsynelatande beita, medan dei heldt mikrorullebanen fri for ugras, som fleinsopp, og dei sov under open himmel. Slik kunne økokrigarane i Australia investera heile trygda i mikroflybensin.
Jox
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Hadde hangarskipet frå USA med seg atomvåpen til norsk (f)jord? I debatten på NRK hadde forsvarsministeren inga tru på det, ettersom ingen hadde sagt noko til han om atomvåpen (og ikkje hadde han vel spurt).
Det fekk fram minne frå Australia i 1985, der dei amerikanske krigsskipa USS «John Young» og gamle USS «Buchanan» hadde fått hamn i Sydney. Den australske regjeringa føresette, som den norske no, at skipa ikkje hadde atomvåpen om bord, og spurde ikkje.
I Auckland på New Zealand, derimot, var desse skipa ikkje velkomne i 1985. Den uredde (og urøynde) regjeringa til David Lange kom der til at dei som teier om atomvåpen, truleg har nett det, og New Zealand var imot atomvåpen, på ekte. SS «Buchanan» var såleis ikkje velkomen til hamn der i landet, trass i ANZUS, forsvarsalliansen med USA og Australia, som med det rakna, då USA kontra med at krigsskip frå New Zealand ikkje lenger var velkomne i USA, men det er ei anna historie.
Stemninga var amper i Sydney i det året. Folk i tusental demonstrerte mot atomvåpen, mot ei servil regjering og mot USA og Frankrike, som dreiv prøvesprenging på sakeslause stillehavsatoll. Det var elles inga klimakrise då (berre ei rivne i ozonlaget), medan president Tsjernenko i/og Sovjet låg fredsælt på det siste (bortsett frå i Afghanistan). Di større var mobiliseringa mot atomvåpen.
Ei einsleg svale, piloten i eit mikrofly, ein motorisert hangglider, gjekk resolutt til åtak på begge dei to krigsskipa frå USA på veg ut frå hamna i Sydney, liksom jaga dei med bomber av gulmåling, til eit helikopter la seg over og pressa mikroflyet i bakken.
Mikroflypiloten er kalla Australias fyrste eco-warrior, og me har ikkje slike her i landet, vil eg påstå. Eg vitja nemleg flokken hans eit par år etterpå. Dei var vegetarianarar, sjølvsagt. Dei hadde ein bø der dei tilsynelatande beita, medan dei heldt mikrorullebanen fri for ugras, som fleinsopp, og dei sov under open himmel. Slik kunne økokrigarane i Australia investera heile trygda i mikroflybensin.
Jox
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?