Valkval
I grannelaget mitt er det sett opp eit stort skur der folk kan komme og førehandsrøyste. Eg går forbi dagleg og ser køen av sjølvsikre røysteføre på veg inn.
Etterpå kjem dei høgtidsamt spankulerande ut, ranke i ryggen og med fast blikk, uendeleg nøgde med seg sjølve og valet sitt. Igjen har dei gjort «borgarplikta» si, som dei seier.
Der er ikkje eg. For meg er førehandsrøysting ein utenkjeleg tanke. Eg er alltid den siste som kjem til vallokalet på valdagen, etter ein dag med vonde valdagskvalar. Fem minutt før dei stengjer, sleper eg meg ned til vallokalet. Alle partirepresentantane som har stått heile dagen og delt ut listene sine, har gått til valvaka for å vente på prognosen som blir offentleggjord straks vallokala har stengt. Valfunksjonærane sit og ser på klokka og lurer på om dei kan begynne å rydde saman.
Eg registrerer meg, viser ID og går inn i båsen for å velje røystesetel, nedtyngd av ansvarskjensle. For dette er ikkje noka «borgarplikt» i det heile; det er ein røysterett. Plikter gjer meg ingenting, ei plikt krev knapt at ein er medviten i gjerningsaugneblinken. Eg utfører plikter på strak arm kvar bidige dag.
Ein rett, derimot, er ikkje noko å kimse av. Ein rett er eit tyngjande ansvar som må forvaltast med omhug. Det krev eit gjennomtenkt og medvite val.
Som Buridans esel står eg rådvill mellom alternativa i røystebåsen. Frykta for å gjere feil er sterkare enn trongen til å gjere rett. Og ingen veit betre enn eg at det å avstå frå å velje også er eit val.
Eg ser for meg at éi einaste røyst, den aller siste i min valkrins, mi røyst, blir den avgjerande som sender ei ny partiblokk inn i kommunestyret. Dermed vil eg i fire år framover sitje med ansvaret for kvar nedlagde skule, kvar vanrøkta vegstrekning, kvar prisauke i kollektivtransporten i kommunen min.
Eg forlèt vallokalet med endå større uro i kroppen enn då eg kom.
Demokrati gjer vondt, men «på den gode måten». Godt val!
OBO
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I grannelaget mitt er det sett opp eit stort skur der folk kan komme og førehandsrøyste. Eg går forbi dagleg og ser køen av sjølvsikre røysteføre på veg inn.
Etterpå kjem dei høgtidsamt spankulerande ut, ranke i ryggen og med fast blikk, uendeleg nøgde med seg sjølve og valet sitt. Igjen har dei gjort «borgarplikta» si, som dei seier.
Der er ikkje eg. For meg er førehandsrøysting ein utenkjeleg tanke. Eg er alltid den siste som kjem til vallokalet på valdagen, etter ein dag med vonde valdagskvalar. Fem minutt før dei stengjer, sleper eg meg ned til vallokalet. Alle partirepresentantane som har stått heile dagen og delt ut listene sine, har gått til valvaka for å vente på prognosen som blir offentleggjord straks vallokala har stengt. Valfunksjonærane sit og ser på klokka og lurer på om dei kan begynne å rydde saman.
Eg registrerer meg, viser ID og går inn i båsen for å velje røystesetel, nedtyngd av ansvarskjensle. For dette er ikkje noka «borgarplikt» i det heile; det er ein røysterett. Plikter gjer meg ingenting, ei plikt krev knapt at ein er medviten i gjerningsaugneblinken. Eg utfører plikter på strak arm kvar bidige dag.
Ein rett, derimot, er ikkje noko å kimse av. Ein rett er eit tyngjande ansvar som må forvaltast med omhug. Det krev eit gjennomtenkt og medvite val.
Som Buridans esel står eg rådvill mellom alternativa i røystebåsen. Frykta for å gjere feil er sterkare enn trongen til å gjere rett. Og ingen veit betre enn eg at det å avstå frå å velje også er eit val.
Eg ser for meg at éi einaste røyst, den aller siste i min valkrins, mi røyst, blir den avgjerande som sender ei ny partiblokk inn i kommunestyret. Dermed vil eg i fire år framover sitje med ansvaret for kvar nedlagde skule, kvar vanrøkta vegstrekning, kvar prisauke i kollektivtransporten i kommunen min.
Eg forlèt vallokalet med endå større uro i kroppen enn då eg kom.
Demokrati gjer vondt, men «på den gode måten». Godt val!
OBO
Fleire artiklar
Teikning: May Linn Clement
Historieforvanskingar
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.