Unyansert
Snart skjer det. Kanskje skjedde det alt seint i august, om ikkje skjer det no i september. Dei plar aldri venta heilt til oktober. Eg snakkar om meteorologar, journalistar og folk på sosiale medium som melder om at no er det indian summer.
Snart skjer det. Snart kjem far min, snikkar og flisespikkar, stabbande inn på kjøkenet medan han ristar oppgitt på hovudet over kor uvitande norske meteorologar, journalistar og nordmenn generelt er. For litt sol og varme i september, eller seint i august, er ikkje nødvendigvis indian summer.
Indian summer heiter det om gradestokken bikkar 21, fyrst etter at det har vore kuldegrader og frost. Det er i alle fall definisjonen i USA, der omgrepet kjem frå. Dette var tida urfolket nytta til å gå på bisonjakt før vinteren kom. Dagane med kuldegrader hadde teke knekken på myggen, så denne opninga med sommar var ypparleg til jakt utan å verta plaga av myggstikk.
Me brukar feile ord heile tida og misser nyansar når me tuklar med varmegradene.
Er du krenkt, eller er du snurt, forsmådd, lei deg, såra? Kanskje kjenner du deg treft?
Vart personen mobba? Var ein mobb – ein gjeng eller flokk – etter vedkommande? Eller vart han plaga, egla eller terga?
Hengde han seg? Altså, hang heile kroppen over bakken i eit tau festa om halsen? Eller kvelte han seg, sitjande eller i kneståande?
Det gjer ikkje nødvendigvis saka betre om ein plagar i staden for å mobba, eller kveler seg i staden for å hengja seg, men det er meir presist.
Dessutan må me vera påpasselege når me tek ord frå USA. Me seier scooter om ein liten motorisert moped, så når me fyrst får ein scooter på marknaden, altså det som på engelsk heiter scooter, må me kalla han sparkesykkel.
I staden for å tvihalda på indian summer kan me gå over til å kalla det husmannssommar, som alt er eit norsk ord for denne tida me meiner.
Eller me kan gje blaffen. I Noreg et me svin, drikk alkohol, me mobbar og hengjer oss, og seier indian summer når det er litt høgtrykk om hausten. Snart skjer det.
Clementine
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Snart skjer det. Kanskje skjedde det alt seint i august, om ikkje skjer det no i september. Dei plar aldri venta heilt til oktober. Eg snakkar om meteorologar, journalistar og folk på sosiale medium som melder om at no er det indian summer.
Snart skjer det. Snart kjem far min, snikkar og flisespikkar, stabbande inn på kjøkenet medan han ristar oppgitt på hovudet over kor uvitande norske meteorologar, journalistar og nordmenn generelt er. For litt sol og varme i september, eller seint i august, er ikkje nødvendigvis indian summer.
Indian summer heiter det om gradestokken bikkar 21, fyrst etter at det har vore kuldegrader og frost. Det er i alle fall definisjonen i USA, der omgrepet kjem frå. Dette var tida urfolket nytta til å gå på bisonjakt før vinteren kom. Dagane med kuldegrader hadde teke knekken på myggen, så denne opninga med sommar var ypparleg til jakt utan å verta plaga av myggstikk.
Me brukar feile ord heile tida og misser nyansar når me tuklar med varmegradene.
Er du krenkt, eller er du snurt, forsmådd, lei deg, såra? Kanskje kjenner du deg treft?
Vart personen mobba? Var ein mobb – ein gjeng eller flokk – etter vedkommande? Eller vart han plaga, egla eller terga?
Hengde han seg? Altså, hang heile kroppen over bakken i eit tau festa om halsen? Eller kvelte han seg, sitjande eller i kneståande?
Det gjer ikkje nødvendigvis saka betre om ein plagar i staden for å mobba, eller kveler seg i staden for å hengja seg, men det er meir presist.
Dessutan må me vera påpasselege når me tek ord frå USA. Me seier scooter om ein liten motorisert moped, så når me fyrst får ein scooter på marknaden, altså det som på engelsk heiter scooter, må me kalla han sparkesykkel.
I staden for å tvihalda på indian summer kan me gå over til å kalla det husmannssommar, som alt er eit norsk ord for denne tida me meiner.
Eller me kan gje blaffen. I Noreg et me svin, drikk alkohol, me mobbar og hengjer oss, og seier indian summer når det er litt høgtrykk om hausten. Snart skjer det.
Clementine
Fleire artiklar
Judith Butler er filosof og ein frontfigur innanfor kjønnsteori.
Foto: Elliott Verdier / The New York Times / NTB
Ein endrar ikkje naturen med talemåtar
Dombås Hotell brenn 19. mai 2007.
Foto: Kari Anette Austvik / NTB
Frå bridgeverda: Svidd utgang
Kjersti Halvorsen er psykolog og forfattar.
Foto: Lina Hindrum
Fadesar og fasadar
Roboten blir til mens vi ror.
Det er naturleg å rykkja til når ein skjønar at laget ein spelar eller heiar på, rykkjer ned (jf. opprykk, nedrykk), skriv Kristin Fridtun. Her tek Ranheims Mads Reginiussen til tårene etter nedrykk i eliteseriekampen i fotball mellom Rosenborg og Ranheim på Lerkendal Stadion (3-2).
Foto: Ole Martin Wold / NTB
I rykk og napp
Det er naturleg å rykkja til når ein skjønar at laget ein spelar eller heiar på, rykkjer ned.
Ein soldat ber eit portrett av den drepne våpenbroren og aktivisten Pavel Petrisjenko i gravferdsseremonien hans i Kyiv 19. april. Petrisjenko døydde i kamp mot russiske okkupantar aust i Ukraina. Han er tidlegare omtalt i denne spalta fordi han arbeidde for å stogge pengespel som finansiering av det ukrainske forsvaret.
Foto: Valentyn Ogirenko / Reuters / NTB
Hagen til Kvilinskyj finst ikkje lenger
Alle historier, det gjeld òg dei som ser ut til å ha nådd slutten, har eit framhald.