Skam
Kvinna som stod framfor meg i køen, var norsk. Ikkje så rart, sidan kiosken låg rett ved utgangen til flyet som skulle til Noreg. Eg la merke til henne medan eg gjekk langs hyllene og vurderte kva eg skulle kjøpe til lunsj. Ho var saman med ein mann og eit lite barn som forlét kiosken då ho gjekk for å betale det dei hadde plukka med seg.
Han som stod bak disken, spurde om ho ville ha bagetten varma. Ho stadfesta det medan ho fann fram bankkortet. Først prøvde ho å tappe kortet med å leggje det oppå betalingsterminalen. Ingen respons. Ho prøvde ein gong til. Niks. Han som stod bak disken, signaliserte at ho måtte prøve å setje kortet inn i terminalen. Som sagt så gjort.
Då ho skulle slå pinkoden, måtte ho tenkje seg om. Ho såg ut i lufta og sa høgt:
– 2, 8..., men gav opp.
Eg la merke til at ho hadde same bankkort som eg, altså frå ein regional sparebank. Ho gjorde fleire forsøk på begge vis, men det gjekk ikkje.
– Beklagar, men kortet vart avvist, og eg skal nå eit fly, sa ho på engelsk og viste med ei handrørsle at varene måtte bli liggjande att på disken.
Han som stod bak disken, var ikkje heilt nøgd med at ho skulle forlate ein kald oppvarma bagett.
I alle dagar, tenkte eg, det er då lenge til flyet går. Kvifor sprang ho ikkje bort til mannen sin? Kunne ho ikkje få han til å betale?
Det var då den barmhjartige samaritanen dukka opp, ein mann som hadde stått bak meg i køen ei stund.
– Eg kan betale, eg, sa han på norsk og la kortet sitt på betalingsterminalen.
– Å, tusen takk, sa ho.
Før eg rakk å betale varene mine, hadde småbarnsmora fiska mobilen opp frå baklomma og vipsa pengar attende til den gode hjelparen.
Ikkje éin einaste gong hadde det slått meg at eg kunne betale for henne. Skamfull tok eg den kalde bagetten min og gjekk.
Tiriltunga
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Kvinna som stod framfor meg i køen, var norsk. Ikkje så rart, sidan kiosken låg rett ved utgangen til flyet som skulle til Noreg. Eg la merke til henne medan eg gjekk langs hyllene og vurderte kva eg skulle kjøpe til lunsj. Ho var saman med ein mann og eit lite barn som forlét kiosken då ho gjekk for å betale det dei hadde plukka med seg.
Han som stod bak disken, spurde om ho ville ha bagetten varma. Ho stadfesta det medan ho fann fram bankkortet. Først prøvde ho å tappe kortet med å leggje det oppå betalingsterminalen. Ingen respons. Ho prøvde ein gong til. Niks. Han som stod bak disken, signaliserte at ho måtte prøve å setje kortet inn i terminalen. Som sagt så gjort.
Då ho skulle slå pinkoden, måtte ho tenkje seg om. Ho såg ut i lufta og sa høgt:
– 2, 8..., men gav opp.
Eg la merke til at ho hadde same bankkort som eg, altså frå ein regional sparebank. Ho gjorde fleire forsøk på begge vis, men det gjekk ikkje.
– Beklagar, men kortet vart avvist, og eg skal nå eit fly, sa ho på engelsk og viste med ei handrørsle at varene måtte bli liggjande att på disken.
Han som stod bak disken, var ikkje heilt nøgd med at ho skulle forlate ein kald oppvarma bagett.
I alle dagar, tenkte eg, det er då lenge til flyet går. Kvifor sprang ho ikkje bort til mannen sin? Kunne ho ikkje få han til å betale?
Det var då den barmhjartige samaritanen dukka opp, ein mann som hadde stått bak meg i køen ei stund.
– Eg kan betale, eg, sa han på norsk og la kortet sitt på betalingsterminalen.
– Å, tusen takk, sa ho.
Før eg rakk å betale varene mine, hadde småbarnsmora fiska mobilen opp frå baklomma og vipsa pengar attende til den gode hjelparen.
Ikkje éin einaste gong hadde det slått meg at eg kunne betale for henne. Skamfull tok eg den kalde bagetten min og gjekk.
Tiriltunga
Fleire artiklar
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.