Simsalabom
Ein fredag tidleg i oktober forstod eg at mobiltelefonen min var daud. Då eg prøvde å sende SMS til ein kollega, kom orda «Ikke levert» og eit raudt ropeteikn. Eg prøvde å ringje, men nei.
Mobilen påstod at han ikkje hadde simkort, men det hadde han. Eg tok det ut og sette det inn att. Det har nemleg hjelpt ein gong før, men ikkje no. Eg hadde altså ikkje telefon.
Å finne ei e-postadresse på nettsida til teleselskapet var visst for mykje å be om. Eg måtte prate med ein chatrobot. Eg fall for freistinga å spørje på nynorsk, skråsikker på at han ikkje kom til å skjøne noko som helst, men der tok eg feil. Roboten rådde meg straks til å ta ut og setje inn simkortet, altså det eg alt hadde prøvt. Neste råd var å setje simkortet inn i ein annan telefon for å sjå om det var kortet eller mobilen som svikta. Ein annan telefon? Eg har berre éin telefon!
Roboten gav opp: «En av mine menneskelige kollegaer må undersøke dette problemet nærmere. Kontakt kundeservice på nummer XXX XX XXX.» Eg. Har. Ikkje. Te. Le. Fon, freste eg frå heimekontoret, der fasttelefonen for lengst er historie.
Eg gjorde eit siste forsøk på å kommunisere skriftleg i det teleselskapet kallar eit e-postskjema. Eg byrja med friskt mot: «Hva ønsker du å kontakte oss om?» «Problem med mobil», var standardsvaret som passa. Vidare valde eg «simkort». Eg kom lenger og lenger inn i skjemaet, men aldri til ein stad der eg kunne leggje fram ærendet mitt til ein person som kunne lese meldinga og svare meg skriftleg. Eg gav opp.
Då måndagen kom, fekk eg lånt ein telefon og ringt til kundeservice. Dei kunne ikkje sende nytt simkort anna enn til den folkeregistrerte adressa mi, men der skulle eg ikkje vere på ei stund. Løysinga var å kjøpe nytt simkort i ein telebutikk, men eg var milevis unna slike butikkar.
Å ikkje ha telefon var likevel ikkje noko stort offer gjennom ei helg pluss nokre dagar. Norsk Tipping hadde ikkje ringt meg den laurdagen heller.
Tiriltunga
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ein fredag tidleg i oktober forstod eg at mobiltelefonen min var daud. Då eg prøvde å sende SMS til ein kollega, kom orda «Ikke levert» og eit raudt ropeteikn. Eg prøvde å ringje, men nei.
Mobilen påstod at han ikkje hadde simkort, men det hadde han. Eg tok det ut og sette det inn att. Det har nemleg hjelpt ein gong før, men ikkje no. Eg hadde altså ikkje telefon.
Å finne ei e-postadresse på nettsida til teleselskapet var visst for mykje å be om. Eg måtte prate med ein chatrobot. Eg fall for freistinga å spørje på nynorsk, skråsikker på at han ikkje kom til å skjøne noko som helst, men der tok eg feil. Roboten rådde meg straks til å ta ut og setje inn simkortet, altså det eg alt hadde prøvt. Neste råd var å setje simkortet inn i ein annan telefon for å sjå om det var kortet eller mobilen som svikta. Ein annan telefon? Eg har berre éin telefon!
Roboten gav opp: «En av mine menneskelige kollegaer må undersøke dette problemet nærmere. Kontakt kundeservice på nummer XXX XX XXX.» Eg. Har. Ikkje. Te. Le. Fon, freste eg frå heimekontoret, der fasttelefonen for lengst er historie.
Eg gjorde eit siste forsøk på å kommunisere skriftleg i det teleselskapet kallar eit e-postskjema. Eg byrja med friskt mot: «Hva ønsker du å kontakte oss om?» «Problem med mobil», var standardsvaret som passa. Vidare valde eg «simkort». Eg kom lenger og lenger inn i skjemaet, men aldri til ein stad der eg kunne leggje fram ærendet mitt til ein person som kunne lese meldinga og svare meg skriftleg. Eg gav opp.
Då måndagen kom, fekk eg lånt ein telefon og ringt til kundeservice. Dei kunne ikkje sende nytt simkort anna enn til den folkeregistrerte adressa mi, men der skulle eg ikkje vere på ei stund. Løysinga var å kjøpe nytt simkort i ein telebutikk, men eg var milevis unna slike butikkar.
Å ikkje ha telefon var likevel ikkje noko stort offer gjennom ei helg pluss nokre dagar. Norsk Tipping hadde ikkje ringt meg den laurdagen heller.
Tiriltunga
Fleire artiklar
Judith Butler er filosof og ein frontfigur innanfor kjønnsteori.
Foto: Elliott Verdier / The New York Times / NTB
Ein endrar ikkje naturen med talemåtar
Dombås Hotell brenn 19. mai 2007.
Foto: Kari Anette Austvik / NTB
Frå bridgeverda: Svidd utgang
Kjersti Halvorsen er psykolog og forfattar.
Foto: Lina Hindrum
Fadesar og fasadar
Roboten blir til mens vi ror.
Det er naturleg å rykkja til når ein skjønar at laget ein spelar eller heiar på, rykkjer ned (jf. opprykk, nedrykk), skriv Kristin Fridtun. Her tek Ranheims Mads Reginiussen til tårene etter nedrykk i eliteseriekampen i fotball mellom Rosenborg og Ranheim på Lerkendal Stadion (3-2).
Foto: Ole Martin Wold / NTB
I rykk og napp
Det er naturleg å rykkja til når ein skjønar at laget ein spelar eller heiar på, rykkjer ned.
Ein soldat ber eit portrett av den drepne våpenbroren og aktivisten Pavel Petrisjenko i gravferdsseremonien hans i Kyiv 19. april. Petrisjenko døydde i kamp mot russiske okkupantar aust i Ukraina. Han er tidlegare omtalt i denne spalta fordi han arbeidde for å stogge pengespel som finansiering av det ukrainske forsvaret.
Foto: Valentyn Ogirenko / Reuters / NTB
Hagen til Kvilinskyj finst ikkje lenger
Alle historier, det gjeld òg dei som ser ut til å ha nådd slutten, har eit framhald.