Oksymoron
Ukraina slåst for livet mot Putins Warszawapakt, men får ikkje vera med i Nato. Ein perfekt kandidat for Organisasjonen av alliansefrie nasjonar (Non-Aligned Movement, NAM)? Det skulle ein tru.
Organisasjonen for ikkje-
allierte blei skapt i Jugoslavia i 1961 av leiarar frå verdas fattige land. Samhald skulle gje dei styrke til å stå mot imperialismen. Han byggjer såleis på fem sunne prinsipp: Gjensidig respekt for territoriell integritet og sjølvstende. Gjensidig ikkje-aggresjon. Gjensidig ikkje-innblanding i indre tilhøve. Likskap og gjensidig nytte. Fredeleg sameksistens.
Statsleiarane i medlemslanda roterer på å vera høvedsmann, og namna er av gigantane (på godt og vondt) i den nyare verdssoga: Tito, Nehru, Nasser, Castro-brørne i tur og orden, Mugabe, Suharto, Mandela, Mubarak, Morsi, Ahmadinejad, Maduro og no den sitjande Ilham Aliyev, arvingen til Aserbajdsjan.
Dei alliansefrie leiarane deler elles ei avgrensa tru på folkestyret og ei tradisjonell mistru mot USA: Når USA tek parti i ein konflikt, berre må alliansefrie statsleiarar flokka seg på den andre, og i tilfellet Ukraina, vil det seia på parti med Putin, det siste sovjetmennesket. Det er ikkje berre namnet på alliansen som er sjølvmotseiande, oksy (frå gr. skarp) og moron (dum).
No må det leggjast til at ikkje alle av verdas 120 alliansefrie statsleiarar held med overgriparen og ikkje offeret denne gongen. Men alle nasjonar som støttar Putin no, eller lèt vera å røysta mot han i FN, eller svarer «økseskaft» på spørsmål om krigen, er i alliansen for dei alliansefrie. Den avtroppande høvedsmannen Aliyev var forresten siste statsleiaren som hadde audiens hjå Putin før invasjonen av Ukraina, og den påtroppande, Museveni frå Uganda, røysta ikkje mot fråsegna i FN mot åtaket av di han må vera «nøytral» i det nye vervet som leiar for dei allierte alliansefrie.
Ukrainas president Volodymyr Zelenskyj må difor konkludera med eit cubansk ordtak – som Cuba etter revolusjonen sjeldan har etterlevd: «Heller åleine enn i dårleg lag.»
Jox
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ukraina slåst for livet mot Putins Warszawapakt, men får ikkje vera med i Nato. Ein perfekt kandidat for Organisasjonen av alliansefrie nasjonar (Non-Aligned Movement, NAM)? Det skulle ein tru.
Organisasjonen for ikkje-
allierte blei skapt i Jugoslavia i 1961 av leiarar frå verdas fattige land. Samhald skulle gje dei styrke til å stå mot imperialismen. Han byggjer såleis på fem sunne prinsipp: Gjensidig respekt for territoriell integritet og sjølvstende. Gjensidig ikkje-aggresjon. Gjensidig ikkje-innblanding i indre tilhøve. Likskap og gjensidig nytte. Fredeleg sameksistens.
Statsleiarane i medlemslanda roterer på å vera høvedsmann, og namna er av gigantane (på godt og vondt) i den nyare verdssoga: Tito, Nehru, Nasser, Castro-brørne i tur og orden, Mugabe, Suharto, Mandela, Mubarak, Morsi, Ahmadinejad, Maduro og no den sitjande Ilham Aliyev, arvingen til Aserbajdsjan.
Dei alliansefrie leiarane deler elles ei avgrensa tru på folkestyret og ei tradisjonell mistru mot USA: Når USA tek parti i ein konflikt, berre må alliansefrie statsleiarar flokka seg på den andre, og i tilfellet Ukraina, vil det seia på parti med Putin, det siste sovjetmennesket. Det er ikkje berre namnet på alliansen som er sjølvmotseiande, oksy (frå gr. skarp) og moron (dum).
No må det leggjast til at ikkje alle av verdas 120 alliansefrie statsleiarar held med overgriparen og ikkje offeret denne gongen. Men alle nasjonar som støttar Putin no, eller lèt vera å røysta mot han i FN, eller svarer «økseskaft» på spørsmål om krigen, er i alliansen for dei alliansefrie. Den avtroppande høvedsmannen Aliyev var forresten siste statsleiaren som hadde audiens hjå Putin før invasjonen av Ukraina, og den påtroppande, Museveni frå Uganda, røysta ikkje mot fråsegna i FN mot åtaket av di han må vera «nøytral» i det nye vervet som leiar for dei allierte alliansefrie.
Ukrainas president Volodymyr Zelenskyj må difor konkludera med eit cubansk ordtak – som Cuba etter revolusjonen sjeldan har etterlevd: «Heller åleine enn i dårleg lag.»
Jox
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.