Obos bok
Nokon må ha slarva om meg, for den siste tida har Facebook-kontoen min flote over av annonsar for datingsider med «vaksne kvinner» eller «modne single» og tilbod om «vennskap og kjærlighet». Somme tilbyr ein «personlighetstest» for å skreddarsy utvalet, andre treng ikkje eingong det: «Se listen over kvinner du passer med.» (Eg må vedgå at det var litt pirrande då ein av dei kunne freiste med «akademiske» kvinner, men eg greidde å halde meg i skinnet.)
«It’s the algorithms, stupid!» seier venner som er meir oppdaterte enn eg. «Du må ha gjort nokre suspekte søk eller gått inn på lyssky nettsider. Dermed har du avslørt overdriven interesse for det andre kjønn, og verdsveven vil berre oppfylle dei inste ønska dine.»
Eg meiner sjølv at aktiviteten min på nettet ikkje kan ha signalisert noka overdriven interesse for vaksne eller modne kvinner – ikkje for barn eller umodne kvinner heller, for den saks skuld. Men same kor eg forsikrar at eg er uskuldig, trur vennene mine meir på algoritmane enn på meg.
Eg kjenner meg som Job, som vi hugsar frå bibelsoga. Gud lét djevelen ta frå han familien og alt han eigde, og kaste vonde svullar på han, berre for å setje trua hans på prøve. Dermed sit Job i oska og skrapar huda med potteskar og forbannar den dagen han vart fødd. Vennene meiner han må ha gjort noko gale for å fortene ein slik lagnad, men han sver på at han alltid har vore ein rettvis man, og krev Gud til rekneskap for ulukkene som har ramma han.
Jobs bok endar med at Gud endeleg taler til han frå ein storm. I kortversjon seier Gud at Job berre kan drite i å prøve å forstå noko som helst. Gud rår og gjer som han vil.
Eg skal vere den fyrste til å vedgå at mi ulukke ikkje heilt kan måle seg med Jobs, men eg trur kjensla av maktesløyse overfor vilkårlege krefter er den same.
Ikkje veit eg kva Job tenkte, men eg for min del skulle ønskje eg verkeleg hadde gjort noko gale for å fortene dette. Så hadde eg i det minste hatt den gleda.
OBO
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Nokon må ha slarva om meg, for den siste tida har Facebook-kontoen min flote over av annonsar for datingsider med «vaksne kvinner» eller «modne single» og tilbod om «vennskap og kjærlighet». Somme tilbyr ein «personlighetstest» for å skreddarsy utvalet, andre treng ikkje eingong det: «Se listen over kvinner du passer med.» (Eg må vedgå at det var litt pirrande då ein av dei kunne freiste med «akademiske» kvinner, men eg greidde å halde meg i skinnet.)
«It’s the algorithms, stupid!» seier venner som er meir oppdaterte enn eg. «Du må ha gjort nokre suspekte søk eller gått inn på lyssky nettsider. Dermed har du avslørt overdriven interesse for det andre kjønn, og verdsveven vil berre oppfylle dei inste ønska dine.»
Eg meiner sjølv at aktiviteten min på nettet ikkje kan ha signalisert noka overdriven interesse for vaksne eller modne kvinner – ikkje for barn eller umodne kvinner heller, for den saks skuld. Men same kor eg forsikrar at eg er uskuldig, trur vennene mine meir på algoritmane enn på meg.
Eg kjenner meg som Job, som vi hugsar frå bibelsoga. Gud lét djevelen ta frå han familien og alt han eigde, og kaste vonde svullar på han, berre for å setje trua hans på prøve. Dermed sit Job i oska og skrapar huda med potteskar og forbannar den dagen han vart fødd. Vennene meiner han må ha gjort noko gale for å fortene ein slik lagnad, men han sver på at han alltid har vore ein rettvis man, og krev Gud til rekneskap for ulukkene som har ramma han.
Jobs bok endar med at Gud endeleg taler til han frå ein storm. I kortversjon seier Gud at Job berre kan drite i å prøve å forstå noko som helst. Gud rår og gjer som han vil.
Eg skal vere den fyrste til å vedgå at mi ulukke ikkje heilt kan måle seg med Jobs, men eg trur kjensla av maktesløyse overfor vilkårlege krefter er den same.
Ikkje veit eg kva Job tenkte, men eg for min del skulle ønskje eg verkeleg hadde gjort noko gale for å fortene dette. Så hadde eg i det minste hatt den gleda.
OBO
Fleire artiklar
Isbilar er ikkje noko nytt, men heller ikkje nokon garanti for kvalitet.
Foto via Wikimedia Commons
Isbilen spelar høgt, men taper på kvalitet.
Kor mykje vatn er det eigentleg mogleg å ha i ein iskrem og framleis få han til å likne ein fløyteis?
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.