Mørkekøyring
Folk i omgangskrinsen min trur eg lever eit aktivt og hendingsrikt liv. Det er ikkje rett. Eg bruker det meste av tida på å arbeide og sove. Til og med fritidssyslane mine er stort sett gjentakingar av same mønster.
Derimot har eg alltid meint å kunne skryte på meg eit rikt indre liv. Eg kan sjå humor og dramatikk i det meste og lever meg intenst inn i både sørgjelege og oppbyggjelege historier.
Ikkje minst har det rike indre livet mitt fått spelerom nattetid, i draumeland. Så lenge eg kan hugse, har eg delteke i surrealistiske draumespel om natta og vore helt eller skurk eller begge delar samtidig i intense drama, og så vakna gjennomsveitt og med hamrande hjarte, men forløyst.
Men i det siste har denne nattlege underhaldninga blitt forunderleg flyktig.
Eg vaknar om morgonen og veit at eg har drøymt. Kunsten er å bli liggjande urørleg, halde godt fast på den vesle fliken ein hugsar av draumen, og prøve varsamt – utan å presse seg sjølv, for då glepp det – å nøste opp mest mogleg av draumen. Ofte kjem ein ikkje forbi det enkle tablået ein vakna med på netthinna, andre gonger kan ein sakte hente opp bit for bit og setje alle desse minnebrikkene saman til ei nokolunde logisk historie.
No for tida vaknar eg stadig med eit minne om at eg køyrer bil. Og bildraumar skal ein ta på alvor, sa ein venn til meg ein gong, for dei seier noko viktig om livet.
I desse draumane sit eg i førarsetet og køyrer. Eg har ratt, men ikkje gass eller bremser, og bilen går styggfort på ei smal vegbane med høge murkantar på høgre side og møtande trafikk på venstre. Eg ligg heilt i ryggen på ein stor lastebil som eg er nøydd til å passere ... Meir hugsar eg ikkje.
Ja, Freud hadde sikkert tolka inn – for å formulere det varsamt – ein erotisk lengt i desse draumane. Eg ser den. Vennen min ville sagt at eg er inne i ein frustrert livsfase.
Sjølv er eg mest oppteken av den delen av draumen som er blitt borte, og kjenner meg snytt for ei god historie.
OBO
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Folk i omgangskrinsen min trur eg lever eit aktivt og hendingsrikt liv. Det er ikkje rett. Eg bruker det meste av tida på å arbeide og sove. Til og med fritidssyslane mine er stort sett gjentakingar av same mønster.
Derimot har eg alltid meint å kunne skryte på meg eit rikt indre liv. Eg kan sjå humor og dramatikk i det meste og lever meg intenst inn i både sørgjelege og oppbyggjelege historier.
Ikkje minst har det rike indre livet mitt fått spelerom nattetid, i draumeland. Så lenge eg kan hugse, har eg delteke i surrealistiske draumespel om natta og vore helt eller skurk eller begge delar samtidig i intense drama, og så vakna gjennomsveitt og med hamrande hjarte, men forløyst.
Men i det siste har denne nattlege underhaldninga blitt forunderleg flyktig.
Eg vaknar om morgonen og veit at eg har drøymt. Kunsten er å bli liggjande urørleg, halde godt fast på den vesle fliken ein hugsar av draumen, og prøve varsamt – utan å presse seg sjølv, for då glepp det – å nøste opp mest mogleg av draumen. Ofte kjem ein ikkje forbi det enkle tablået ein vakna med på netthinna, andre gonger kan ein sakte hente opp bit for bit og setje alle desse minnebrikkene saman til ei nokolunde logisk historie.
No for tida vaknar eg stadig med eit minne om at eg køyrer bil. Og bildraumar skal ein ta på alvor, sa ein venn til meg ein gong, for dei seier noko viktig om livet.
I desse draumane sit eg i førarsetet og køyrer. Eg har ratt, men ikkje gass eller bremser, og bilen går styggfort på ei smal vegbane med høge murkantar på høgre side og møtande trafikk på venstre. Eg ligg heilt i ryggen på ein stor lastebil som eg er nøydd til å passere ... Meir hugsar eg ikkje.
Ja, Freud hadde sikkert tolka inn – for å formulere det varsamt – ein erotisk lengt i desse draumane. Eg ser den. Vennen min ville sagt at eg er inne i ein frustrert livsfase.
Sjølv er eg mest oppteken av den delen av draumen som er blitt borte, og kjenner meg snytt for ei god historie.
OBO
Fleire artiklar
New York-politiet storma 30. april Hamilton Hall ved Columbia University for å kaste ut Gaza-aktivistane som okkuperte bygningen.
Foto: Caitlin Ochs / Reuters / NTB
Guds vreide over Columbia
Fleire tusen amerikanske studentar er blitt arresterte for å demonstrere mot Israel. USAs normalt så sterke ytringsvern blir utfordra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.