Hagerøkt
I Rikard II samanliknar Shakespeare kongen med ein gartnar. Slik gartnaren må skjere vekk nokre rasktveksande greiner her og hjelpe lovande kvistar fram i lyset der, må herskaren kappe hovudet av enkelte overambisiøse adelsmenn og lønne dei trufaste undersåttane sine med gunstige embete og stillingar.
I hagen har eg to tre. Eg trur det eine er gravenstein og det andre er aromaeple, men eg er sanneleg ikkje sikker. Dei har tent meg – og naboungane, trur eg – trufast i alle år. Bortsett frå i fjor, då kulden sette inn midt i blømingstida og øydela det meste av avlinga.
Utpå seinvinteren kvart år tek eg fram hagesaks og sag og går mot epletrea med faste steg for gjere gartnarplikta mi. Eg stengjer ute all medkjensle og kuttar kvist etter kvist, kaldt, effektivt, målretta.
– Du må gå hardare til verks, seier bror min, som har lese meir hagebøker enn Shakespeare.
Eg veit at han har rett. Eg veit korleis det gjekk året før.
Eg stålset meg igjen og går endå ein ny runde i ringen med aplane.
– Endå meir, seier bror min.
– Ja, seier eg.
Men eg greier det ikkje. Trea ser så medtekne ut etter to omgangar at eg ikkje orkar å fjerne ein einaste liten knupp til.
Så kjem våren, epletrea blømer, sommaren går altfor fort, det blir haust, og eg ser resultatet av apalrøkta mi.
Dei kraftige trea som før strekte seg stolt mot himmelen, kneler no fortvila under vekta av altfor mykje frukt. Nokre greiner har brotna og heng slapt frå stammen med tørre blad og frukter. Andre er bøygde heilt i bakken og fôrar makk og mus med frisk frukt.
Heile kroppsspråket deira – ja, tre har faktisk kroppsspråk – osar av fortviling over ikkje å kunne bere fram frukta si på verdig vis. Og av velgrunna skuldingar mot gartnaren for omsorgssvikt.
– Du skulle gått hardare til verks, seier bror min.
– Ja, seier eg.
Eg er ikkje noko til gartnar, nei. Men så ville eg òg blitt ein elendig herskar.
obo
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I Rikard II samanliknar Shakespeare kongen med ein gartnar. Slik gartnaren må skjere vekk nokre rasktveksande greiner her og hjelpe lovande kvistar fram i lyset der, må herskaren kappe hovudet av enkelte overambisiøse adelsmenn og lønne dei trufaste undersåttane sine med gunstige embete og stillingar.
I hagen har eg to tre. Eg trur det eine er gravenstein og det andre er aromaeple, men eg er sanneleg ikkje sikker. Dei har tent meg – og naboungane, trur eg – trufast i alle år. Bortsett frå i fjor, då kulden sette inn midt i blømingstida og øydela det meste av avlinga.
Utpå seinvinteren kvart år tek eg fram hagesaks og sag og går mot epletrea med faste steg for gjere gartnarplikta mi. Eg stengjer ute all medkjensle og kuttar kvist etter kvist, kaldt, effektivt, målretta.
– Du må gå hardare til verks, seier bror min, som har lese meir hagebøker enn Shakespeare.
Eg veit at han har rett. Eg veit korleis det gjekk året før.
Eg stålset meg igjen og går endå ein ny runde i ringen med aplane.
– Endå meir, seier bror min.
– Ja, seier eg.
Men eg greier det ikkje. Trea ser så medtekne ut etter to omgangar at eg ikkje orkar å fjerne ein einaste liten knupp til.
Så kjem våren, epletrea blømer, sommaren går altfor fort, det blir haust, og eg ser resultatet av apalrøkta mi.
Dei kraftige trea som før strekte seg stolt mot himmelen, kneler no fortvila under vekta av altfor mykje frukt. Nokre greiner har brotna og heng slapt frå stammen med tørre blad og frukter. Andre er bøygde heilt i bakken og fôrar makk og mus med frisk frukt.
Heile kroppsspråket deira – ja, tre har faktisk kroppsspråk – osar av fortviling over ikkje å kunne bere fram frukta si på verdig vis. Og av velgrunna skuldingar mot gartnaren for omsorgssvikt.
– Du skulle gått hardare til verks, seier bror min.
– Ja, seier eg.
Eg er ikkje noko til gartnar, nei. Men så ville eg òg blitt ein elendig herskar.
obo
Fleire artiklar
Judith Butler er filosof og ein frontfigur innanfor kjønnsteori.
Foto: Elliott Verdier / The New York Times / NTB
Ein endrar ikkje naturen med talemåtar
Dombås Hotell brenn 19. mai 2007.
Foto: Kari Anette Austvik / NTB
Frå bridgeverda: Svidd utgang
Kjersti Halvorsen er psykolog og forfattar.
Foto: Lina Hindrum
Fadesar og fasadar
Roboten blir til mens vi ror.
Det er naturleg å rykkja til når ein skjønar at laget ein spelar eller heiar på, rykkjer ned (jf. opprykk, nedrykk), skriv Kristin Fridtun. Her tek Ranheims Mads Reginiussen til tårene etter nedrykk i eliteseriekampen i fotball mellom Rosenborg og Ranheim på Lerkendal Stadion (3-2).
Foto: Ole Martin Wold / NTB
I rykk og napp
Det er naturleg å rykkja til når ein skjønar at laget ein spelar eller heiar på, rykkjer ned.
Penélope Cruz i rolla som mor til Adriana eller Andrea, spelt av Luana Giuliani.
Foto: Wildside
Roma – ein lukka by
Filmmelding: Italiensk oppvekstdrama sveipt i 70-talet skildrar tronge kjønnsnormer og fridomstrong.