Alfons
For at den unge cubanske kvinna som vitja oss, skulle kjenna seg meir heime, skrudde eg opp lyden på NRK-dokumentaren om det spanske kongehuset. Denne kvelden var temaet «kongehuset Borbón og kvinnene». Uheldigvis!
Presentasjonen tok nemleg til med kong Alfons XIII (1886–1941), og brått var det usladda porno på statskanalen. Sidan klippet var meir enn hundre år gamalt, og hadde kongeleg manus og regi, er det å rekna som eit «kulturminne». Berre tre slike (med «nonner», «geistlege» og pæreforma «statsmenn» i hovudrollene) har overlevd ryddejobben til den gode katolikken Francisco Franco – diktatoren makulerte resten av den kongelege pornosamlinga. Blei det sagt. På spansk.
På telefonen googla eg kongen, før eg kom på at algoritmane no får med seg det meste og syter for at søkjehistorikk og -framlegg spreier seg som ringar i vatn, frå heimen og snart til heile kontorlandskapet.
At Alfons til nyleg var eit norsk substantiv som tydde «ein som lever av prostitusjonen til andre», det som no heiter hallik, gjer ikkje saka betre.
Men eg nådde nett å fanga opp eit rykte: Den spanske pornokongen kan ha vore oldefar til sjølvaste Carly Simon, songaren frå New York – som eg, og mange med meg, var forelska i 1970–80-åra. (Googla det, heller.) Eit rykte ho sjølv kolporterte i memoarboka Boys in the trees (2015). Der ho skriv om mormora Ofelia (eller Ofilia) Oliete (eller Ollright), kalla «Chibie»: «Ei familiesoge seier at ho er uekte dotter av kong Alfons XIII av Spania og ein maurisk slave han hadde sett barn på. ’Chibie’ vaks opp i eit kloster i England, og hadde lært å lesa på åtte språk».
Chibie (f. 1888) og den mauriske åleinemora hennar (og dei 16 syskena), søkte som så mange betre lukke i vesterveg. Såleis er Carly Simon kvart cubanar!
Og, kan hende er ho altså åttandedels Alfons, gjeve at guten som vart fødd konge, var kjønnsmogen alt som toåring (jamfør filminteressa hans). Om det då ikkje kan ha vore faren, Alfons XII (f. 1857–1885), som sette barn på slaven? I horehuset Borbón må ein vera budd på alt.
Jox
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
For at den unge cubanske kvinna som vitja oss, skulle kjenna seg meir heime, skrudde eg opp lyden på NRK-dokumentaren om det spanske kongehuset. Denne kvelden var temaet «kongehuset Borbón og kvinnene». Uheldigvis!
Presentasjonen tok nemleg til med kong Alfons XIII (1886–1941), og brått var det usladda porno på statskanalen. Sidan klippet var meir enn hundre år gamalt, og hadde kongeleg manus og regi, er det å rekna som eit «kulturminne». Berre tre slike (med «nonner», «geistlege» og pæreforma «statsmenn» i hovudrollene) har overlevd ryddejobben til den gode katolikken Francisco Franco – diktatoren makulerte resten av den kongelege pornosamlinga. Blei det sagt. På spansk.
På telefonen googla eg kongen, før eg kom på at algoritmane no får med seg det meste og syter for at søkjehistorikk og -framlegg spreier seg som ringar i vatn, frå heimen og snart til heile kontorlandskapet.
At Alfons til nyleg var eit norsk substantiv som tydde «ein som lever av prostitusjonen til andre», det som no heiter hallik, gjer ikkje saka betre.
Men eg nådde nett å fanga opp eit rykte: Den spanske pornokongen kan ha vore oldefar til sjølvaste Carly Simon, songaren frå New York – som eg, og mange med meg, var forelska i 1970–80-åra. (Googla det, heller.) Eit rykte ho sjølv kolporterte i memoarboka Boys in the trees (2015). Der ho skriv om mormora Ofelia (eller Ofilia) Oliete (eller Ollright), kalla «Chibie»: «Ei familiesoge seier at ho er uekte dotter av kong Alfons XIII av Spania og ein maurisk slave han hadde sett barn på. ’Chibie’ vaks opp i eit kloster i England, og hadde lært å lesa på åtte språk».
Chibie (f. 1888) og den mauriske åleinemora hennar (og dei 16 syskena), søkte som så mange betre lukke i vesterveg. Såleis er Carly Simon kvart cubanar!
Og, kan hende er ho altså åttandedels Alfons, gjeve at guten som vart fødd konge, var kjønnsmogen alt som toåring (jamfør filminteressa hans). Om det då ikkje kan ha vore faren, Alfons XII (f. 1857–1885), som sette barn på slaven? I horehuset Borbón må ein vera budd på alt.
Jox
Fleire artiklar
Jeffrey Wright spelar rolla som forfattaren Thelonious «Monk» Ellison.
Foto: Prime Video
Moro for middelklassen
Den er ikkje tung på labben, American Fiction, som gjer det veldig lett å le.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Papiravisa