Kva er naturen verd?
Måndag fekk verda ein historisk naturavtale. Kan økonomisk tenking berge naturen?
I 2019 publiserte ei gruppe forskarar ein rapport om dei økonomiske verdiane knytte til økosystemtenester frå Oslofjorden og tilstøytande strandsoner.
Foto: Håkon Mosvold Larsen / NTB
Naturtoppmøtet 2022
Tone Smith er økonom og skribent. Ho skriv om naturmangfald i lys av FNs naturtoppmøte, som vart avsutta denne veka. Del 3
I Montreal kom alle landa i verda, minus USA, måndag til semje om å verne minst 30 prosent av land- og havarealet på jorda. Det er viktig for å nå det overordna målet i naturavtalen om å stogge og reversere tap av natur innan 2030. Men det er ikkje nok. Derfor inneheld naturavtalen òg mange punkt om berekraftig forvalting og bruk av dei resterande 70 prosentane.
Her er det på sin plass å minne om hovudårsaka til at artar døyr ut og dei fleste dyrebestandar er sterkt reduserte, nemleg den tilsynelatande endelause omdisponeringa av naturareal til bruk for menneske. I Noreg har vi forvaltingsreglar som tek vare på natur med spesielle verdiar, men det finst ikkje noko tilsvarande for «den ordinære naturen».
Dette fører til ei rekkje små naturinngrep i tilsynelatande ikkje-verdifull natur som samla utgjer eit stort problem. Det kan vere nedbygging i samband med tettstadvekst, motorvegar, hyttefelt, industri, energiproduksjon eller skogdrift. Alarmen knytt til denne bit for bit-nedbygginga har alt gått for fullt.
Naturrekneskap
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
