Kritikken råkar særleg Venstre
Kontroll- og konstitusjonskomiteen på Stortinget retta denne veka samrøystes kritikk mot hem-meleghaldet av søknaden frå forsvarsminister Frank Bakke-Jensen på stillinga som fiskeridirektør.
Kommentar
vidar@dagogtid.no
Dette er også det einaste punktet for kritikk der komiteen er samla i det komiteen viser til i fråsegna frå Sivilombodsmannen. Utan denne fråsegna, som var framprovosert av ein klage mot Nærings- og fiskeridepartementet frå Dag og Tid mot hemmeleghaldet av søknaden, hadde den samrøystes kritikken truleg ikkje kome.
Kritikkverdig
Under klagebehandlinga peika vi nettopp på at det er ekstra grunn til innsyn når det er ein regjeringskollega som, i strid med fast statsskikk, søker ei ny offentleg stilling. Dette slo også Sivilombodsmannen fast i fråsegna si, medan næringsministeren hadde argumentert sterkt imot.
Kritikken råkar både næringsminister Iselin Nybø (V), som valde å hemmeleghalde søknaden heilt til Bakke-Jensen vart utnemnd, og Bakke-Jensen (H) sjølv, som bad om å få vere anonym. Men kritikken råkar også statsminister Erna Solberg (H) som må ha vore klar over at søknaden vart halden hemmeleg heilt til utnemninga skjedde meir enn tre månadar etter at søknaden var levert. Solberg godkjende at Bakke-Jensen søkte, før søknaden vart levert.
Under høyringa om saka i kontrollkomiteen 9. april i år gav statsminister Solberg uttrykk for at søknaden ikkje burde vore hemmeleghalden. Det synspunktet verkar tilpassa avgjerda frå Sivilombodsmannen, når ho må ha vore klar over at søknaden faktisk vart hemmeleghalden. Ho må i det minste ha undra seg over at søknaden ikkje vart kjend – utan å handle.
Brot med partilina
At ein statsråd frå Venstre – av alle parti – har valt å hemmeleghalde ein søknad frå ein kollega på ei toppleiarstilling i staten, inneber det eit brot mot det partiet har stått for i alle år. Venstre er det partiet som framfor noko anna har ivra for innsyn i offentlege dokument. Partiet var også imot innskrenking i innsynet i søkarlister då stortingsfleirtalet gjorde vedtak om det ved tusenårsskiftet, etter 30 år med fullt innsyn i alle søkarlister til offentlege stillingar.
Etter den handteringsmåten utnemninga av Bakke-Jensen fekk, er det grunnlag for å reise spørsmålet om denne framgangsmåten nettopp vart vald for å sikre at Bakke-Jensen skulle få jobben som fiskeridirektør. Det er all grunn til å tru at det ville ha blitt mykje oppstyr med offentleg debatt straks søknaden hans vart kjend, både om kameraderi og kvalifikasjonar.
Med bakgrunn i korleis Nærings- og fiskeridepartementet argumenterte mot innsynskravet frå Dag og Tid under klagebehandlinga hjå Sivilombodsmannen, er det tydeleg at departementet innsåg nettopp dette. Det gjer hemmeleghaldet til Venstre-statsråden endå meir problematisk.
Fleirtalet i komiteen, representantane frå Ap, Sp og SV, meiner at «sjølvrekruttering» er kritikkverdig, og at Bakke-Jensen ikkje skulle ha vore utnemnd. Men dei får truleg ikkje fleirtal når saka kjem til votering 9. juni, om ikkje nokre Frp-arar bryt ut og fylgjer Carl I. Hagen, som gjennom Dag og Tid tidlegare har retta sterk kritikk mot «sjølvrekrutteringspraksisen» til Solberg-regjeringa.
Vidar Ystad er journalist og fast skribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Kommentar
vidar@dagogtid.no
Dette er også det einaste punktet for kritikk der komiteen er samla i det komiteen viser til i fråsegna frå Sivilombodsmannen. Utan denne fråsegna, som var framprovosert av ein klage mot Nærings- og fiskeridepartementet frå Dag og Tid mot hemmeleghaldet av søknaden, hadde den samrøystes kritikken truleg ikkje kome.
Kritikkverdig
Under klagebehandlinga peika vi nettopp på at det er ekstra grunn til innsyn når det er ein regjeringskollega som, i strid med fast statsskikk, søker ei ny offentleg stilling. Dette slo også Sivilombodsmannen fast i fråsegna si, medan næringsministeren hadde argumentert sterkt imot.
Kritikken råkar både næringsminister Iselin Nybø (V), som valde å hemmeleghalde søknaden heilt til Bakke-Jensen vart utnemnd, og Bakke-Jensen (H) sjølv, som bad om å få vere anonym. Men kritikken råkar også statsminister Erna Solberg (H) som må ha vore klar over at søknaden vart halden hemmeleg heilt til utnemninga skjedde meir enn tre månadar etter at søknaden var levert. Solberg godkjende at Bakke-Jensen søkte, før søknaden vart levert.
Under høyringa om saka i kontrollkomiteen 9. april i år gav statsminister Solberg uttrykk for at søknaden ikkje burde vore hemmeleghalden. Det synspunktet verkar tilpassa avgjerda frå Sivilombodsmannen, når ho må ha vore klar over at søknaden faktisk vart hemmeleghalden. Ho må i det minste ha undra seg over at søknaden ikkje vart kjend – utan å handle.
Brot med partilina
At ein statsråd frå Venstre – av alle parti – har valt å hemmeleghalde ein søknad frå ein kollega på ei toppleiarstilling i staten, inneber det eit brot mot det partiet har stått for i alle år. Venstre er det partiet som framfor noko anna har ivra for innsyn i offentlege dokument. Partiet var også imot innskrenking i innsynet i søkarlister då stortingsfleirtalet gjorde vedtak om det ved tusenårsskiftet, etter 30 år med fullt innsyn i alle søkarlister til offentlege stillingar.
Etter den handteringsmåten utnemninga av Bakke-Jensen fekk, er det grunnlag for å reise spørsmålet om denne framgangsmåten nettopp vart vald for å sikre at Bakke-Jensen skulle få jobben som fiskeridirektør. Det er all grunn til å tru at det ville ha blitt mykje oppstyr med offentleg debatt straks søknaden hans vart kjend, både om kameraderi og kvalifikasjonar.
Med bakgrunn i korleis Nærings- og fiskeridepartementet argumenterte mot innsynskravet frå Dag og Tid under klagebehandlinga hjå Sivilombodsmannen, er det tydeleg at departementet innsåg nettopp dette. Det gjer hemmeleghaldet til Venstre-statsråden endå meir problematisk.
Fleirtalet i komiteen, representantane frå Ap, Sp og SV, meiner at «sjølvrekruttering» er kritikkverdig, og at Bakke-Jensen ikkje skulle ha vore utnemnd. Men dei får truleg ikkje fleirtal når saka kjem til votering 9. juni, om ikkje nokre Frp-arar bryt ut og fylgjer Carl I. Hagen, som gjennom Dag og Tid tidlegare har retta sterk kritikk mot «sjølvrekrutteringspraksisen» til Solberg-regjeringa.
Vidar Ystad er journalist og fast skribent i Dag og Tid.
Venstre er det partiet som framfor noko anna har ivra for innsyn i offentlege dokument.
Fleire artiklar
Penélope Cruz i rolla som mor til Adriana eller Andrea, spelt av Luana Giuliani.
Foto: Wildside
Roma – ein lukka by
Filmmelding: Italiensk oppvekstdrama sveipt i 70-talet skildrar tronge kjønnsnormer og fridomstrong.
Studentar på Universitetsbiblioteket på Blindern i Oslo.
Foto: Håkon Mosvold Larsen / NTB
Ja til skule, nei til studentfabrikk
Diverre er samarbeidet mellom skulen og høgre utdanningsinstitusjonar ofte dårleg.
Ein soldat ber eit portrett av den drepne våpenbroren og aktivisten Pavel Petrisjenko i gravferdsseremonien hans i Kyiv 19. april. Petrisjenko døydde i kamp mot russiske okkupantar aust i Ukraina. Han er tidlegare omtalt i denne spalta fordi han arbeidde for å stogge pengespel som finansiering av det ukrainske forsvaret.
Foto: Valentyn Ogirenko / Reuters / NTB
Hagen til Kvilinskyj finst ikkje lenger
Alle historier, det gjeld òg dei som ser ut til å ha nådd slutten, har eit framhald.
Christine Hope, Thomas Bye og Gisle Børge Styve står på scenen i revyen om E16.
Foto: Andreas Roksvåg
Syltynt
E16 Dødsvegen er ei framsyning som har lite å melde – og som melder det i over halvannan time.
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.