Krig
Krig og julegåver
Den ukrainske jernbanen har gjort i stand eit fargesprakande passasjertog dei kallar St. Nikolas jernbaneresidens, som tek med seg gåver til born frå alle frontlineregionane, inkludert Kherson.
Ei kvinne poserer saman med store peparkaker utkledde i kamuflasjeuniforma til dei ukrainske styrkane i Kyiv.
Foto: Valentyn Ogirenko / Reuters / NTB
For eit par dagar sidan var eg halvannan times tid på kontoret til tannlegen min, Victoria. Vi sat i mørkeret og venta på at straumen skulle kome på att. Han var venta attende klokka 16:00, men det skjedde ikkje.
Først prata vi i levande lys, og da det var nedbrent, heldt vi fram i mørkeret. Vi snakka mest om tidlegare reiser rundt omkring i Ukraina og Europa. Ikkje eitt ord om krigen.
Victoria fortalde om ein fast pasient som nyleg kom springande til henne med akutt tannverk. Og med eitt forsvann elektrisiteten. Han skreik og bad henne trekkje tanna som hadde gjeve han fryktelege smerter ei tid. Han freista overtyde tannlegen om å trekkje tanna utan elektrisitet.
– Vi treng ikkje straum! skreik han.
– Eg kan halde ei lykt og lyse inn i kjeften på meg.
Da ho såg kor desperat mannen var, gjekk Victoria til sist med på det. Ho sette han i tannlegestolen, han opna munnen og heldt lyset frå mobiltelefonen mot gapet. Lyset var svært svakt, og Victoria innsåg at det ville vere farleg å trekkje ei tann i slike tilhøve.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
