JavaScript is disabled in your web browser or browser is too old to support JavaScript. Today almost all web pages contain JavaScript, a scripting programming language that runs on visitor's web browser. It makes web pages functional for specific purposes and if disabled for some reason, the content or the functionality of the web page can be limited or unavailable.

Takk for at du vil dele artikkelen

Den du deler artikkelen med, kan lese og eventuelt lytte til heile artikkelen.
Det gjer vi for at fleire skal oppdage DAG OG TID.

Namnet ditt vert synleg for alle du deler artikkelen med.

KommentarSamfunn

Fridomen på fjellet

«Folk blir latere og prioriterer alt annet enn jobb», slo Norsk Industri-sjef Stein Lier-Hansen fast i 2012.

Kvar veke les vi inn utvalde artiklar, som abonnentane våre kan lytte til.
Lytt til artikkelen
Stein Lier Hansen som direktør i Norsk Industri i 2022.

Stein Lier Hansen som direktør i Norsk Industri i 2022.

Foto: Håkon Mosvold Larsen / NTB

Stein Lier Hansen som direktør i Norsk Industri i 2022.

Stein Lier Hansen som direktør i Norsk Industri i 2022.

Foto: Håkon Mosvold Larsen / NTB

3742
20240216
3742
20240216

Kommentar

peranders@dagogtid.no

Som dei fleste truleg har fått med seg: Stein Lier-Hansen, som inntil desember var adm. dir. i Norsk industri, er i hardt vêr. På åtte år brukte han 11 millionar på såkalla relasjonaktivitetar i form av jakt- og fisketurar, fortalde E24 førre veke. Mykje av pengane vart nytta til hytteturar, sjøflyleige og jaktrettar på Hardangervidda.

«Uakseptabel bruk av medlemmane sine pengar», sa NHO-direktør Ole Erik Almlid til NRK denne veka. Lier-Hansen skal òg ha nytta hytta til turar med familie og vener.

Denne historia tek seg ekstra dårleg ut om ein ser på rolla Lier-Hansen sjølv spela i Noreg dei siste 20 åra. Knapt nokon av toppane i NHO-systemet har argumentert meir intenst for moderasjon frå fagrørsla.

«Som direktør i Norsk industri fekk Lier-Hansen ei årsløn på 3,5 millionar kroner for å messe om moderasjon.»

Konvertitt

Stein Lier-Hansen er ein paradoksal figur. Han voks opp på Rjukan, men gjekk ikkje inn i industrien sjølv, heller ikkje i anna næringsliv. I staden vart han generalsekretær i Norges Jeger- og Fiskerforbund, direktør for Direktoratet for naturforvalting og statssekretær i Miljøverndepartementet i den første Stoltenberg-regjeringa. Så gjekk han til Prosessindustriens landsforening, før han vart toppsjef for Norsk Industri, den største og mektigaste NHO-foreininga, i 2006.

Det var ikkje opplagt at Ap-mannen Lier-Hansen skulle gå dit. Men som så mange konvertittar vart han særs ivrig i tenesta, og mana trufast til måtehald for å verne konkurranseevna og norsk industri. Seinast i fjor vår slo han fast at folk måtte finne seg i nok eit år med reallønsnedgang for å berge arbeidsplassane sine.

Slikt rollespel er alltid litt komisk: Som direktør i Norsk industri fekk Lier-Hansen ei årsløn på 3,5 millionar kroner for å messe om moderasjon. Men det særmerkte med Lier-Hansen var kor langt han kunne gå i moraliseringa. I eit intervju med Nettavisen i 2012, med tittelen «– Hele landet vårt er et eksperiment», tok det heilt av.

Latskap

«Overfloden av oljepenger gjør mange nordmenn late og flere og flere jobber nå innen en altfor stor offentlig sektor», sa Lier-Hansen. Folk var generelt for lite opptekne av jobben, meinte han. «Fritid har så høy prioritet at det er blitt viktigere enn karrieren. (…) Når man har en slik bra velferd som vi har, blir man rett og slett ikke sultne nok. Man blir litt sedat.»

Dette fekk konsekvensar: «Folk blir latere og prioriterer alt annet enn jobb. Når onsdagen kommer, planlegges langhelgen på hytta eller et sted i Europa», sa Stein Lier-Hansen. Artig nok sa han i 2019 til Dagens Næringsliv at han sjølv var kring 100 dagar på fjellet årleg.

Lier-Hansen-saka er ikkje så interessant som moralsk læresoge. Men ho fortel noko om det norske klassesamfunnet, og litt om Norsk Industri, som òg er arbeidsplassen der fagsjef Sindre Finnes fann tid til nokre tusen aksjehandlar i kontortida. Slike historier stikk hol i illusjonane om norsk egalitet og nasjonalt samhald over klassegrensene, illusjonar som mange har interesse av å halde ved like. «De små forskjellene i Norge gjør at dialogen mellom industriledere og ledelsen i fagbevegelsen alltid er god og tonen bestandig hyggelig», fortalde Sindre Finnes i Ved Ernas side.

Stein Lier-Hansen viste eit mindre idyllisk syn på verda da han snakka om energipolitikk i 2012-intervjuet i Nettavisen: «Det som kjennetegner et menneske, er at alle kjente ressurser blir tatt i bruk. Det å tro på noe annet, er å tro på julenissen. Da forstår man ikke hvordan mennesket er skrudd sammen som art.»

Per Anders Todal er journalist i Dag og Tid.

Digital tilgang til DAG OG TID – heilt utan binding

Prøv ein månad for kr 49.
Deretter kr 199 per månad. Stopp når du vil.

Kommentar

peranders@dagogtid.no

Som dei fleste truleg har fått med seg: Stein Lier-Hansen, som inntil desember var adm. dir. i Norsk industri, er i hardt vêr. På åtte år brukte han 11 millionar på såkalla relasjonaktivitetar i form av jakt- og fisketurar, fortalde E24 førre veke. Mykje av pengane vart nytta til hytteturar, sjøflyleige og jaktrettar på Hardangervidda.

«Uakseptabel bruk av medlemmane sine pengar», sa NHO-direktør Ole Erik Almlid til NRK denne veka. Lier-Hansen skal òg ha nytta hytta til turar med familie og vener.

Denne historia tek seg ekstra dårleg ut om ein ser på rolla Lier-Hansen sjølv spela i Noreg dei siste 20 åra. Knapt nokon av toppane i NHO-systemet har argumentert meir intenst for moderasjon frå fagrørsla.

«Som direktør i Norsk industri fekk Lier-Hansen ei årsløn på 3,5 millionar kroner for å messe om moderasjon.»

Konvertitt

Stein Lier-Hansen er ein paradoksal figur. Han voks opp på Rjukan, men gjekk ikkje inn i industrien sjølv, heller ikkje i anna næringsliv. I staden vart han generalsekretær i Norges Jeger- og Fiskerforbund, direktør for Direktoratet for naturforvalting og statssekretær i Miljøverndepartementet i den første Stoltenberg-regjeringa. Så gjekk han til Prosessindustriens landsforening, før han vart toppsjef for Norsk Industri, den største og mektigaste NHO-foreininga, i 2006.

Det var ikkje opplagt at Ap-mannen Lier-Hansen skulle gå dit. Men som så mange konvertittar vart han særs ivrig i tenesta, og mana trufast til måtehald for å verne konkurranseevna og norsk industri. Seinast i fjor vår slo han fast at folk måtte finne seg i nok eit år med reallønsnedgang for å berge arbeidsplassane sine.

Slikt rollespel er alltid litt komisk: Som direktør i Norsk industri fekk Lier-Hansen ei årsløn på 3,5 millionar kroner for å messe om moderasjon. Men det særmerkte med Lier-Hansen var kor langt han kunne gå i moraliseringa. I eit intervju med Nettavisen i 2012, med tittelen «– Hele landet vårt er et eksperiment», tok det heilt av.

Latskap

«Overfloden av oljepenger gjør mange nordmenn late og flere og flere jobber nå innen en altfor stor offentlig sektor», sa Lier-Hansen. Folk var generelt for lite opptekne av jobben, meinte han. «Fritid har så høy prioritet at det er blitt viktigere enn karrieren. (…) Når man har en slik bra velferd som vi har, blir man rett og slett ikke sultne nok. Man blir litt sedat.»

Dette fekk konsekvensar: «Folk blir latere og prioriterer alt annet enn jobb. Når onsdagen kommer, planlegges langhelgen på hytta eller et sted i Europa», sa Stein Lier-Hansen. Artig nok sa han i 2019 til Dagens Næringsliv at han sjølv var kring 100 dagar på fjellet årleg.

Lier-Hansen-saka er ikkje så interessant som moralsk læresoge. Men ho fortel noko om det norske klassesamfunnet, og litt om Norsk Industri, som òg er arbeidsplassen der fagsjef Sindre Finnes fann tid til nokre tusen aksjehandlar i kontortida. Slike historier stikk hol i illusjonane om norsk egalitet og nasjonalt samhald over klassegrensene, illusjonar som mange har interesse av å halde ved like. «De små forskjellene i Norge gjør at dialogen mellom industriledere og ledelsen i fagbevegelsen alltid er god og tonen bestandig hyggelig», fortalde Sindre Finnes i Ved Ernas side.

Stein Lier-Hansen viste eit mindre idyllisk syn på verda da han snakka om energipolitikk i 2012-intervjuet i Nettavisen: «Det som kjennetegner et menneske, er at alle kjente ressurser blir tatt i bruk. Det å tro på noe annet, er å tro på julenissen. Da forstår man ikke hvordan mennesket er skrudd sammen som art.»

Per Anders Todal er journalist i Dag og Tid.

Fleire artiklar

Forsvarsminister Bjørn Arild Gram er på turné for å fortelje om langtidsmeldinga for Forsvaret. Her besøkjer han ubåten «KMN Utvær» i Bergen 10. april.

Forsvarsminister Bjørn Arild Gram er på turné for å fortelje om langtidsmeldinga for Forsvaret. Her besøkjer han ubåten «KMN Utvær» i Bergen 10. april.

Foto: Paul S. Amundsen / NTB

ForsvarSamfunn

Vil ruste opp ei lekk skute

Regjeringa lovar eit historisk forsvarsløft. I dag slit Forsvaret med å halde på mannskapet som alt er der.

Per Anders Todal
Forsvarsminister Bjørn Arild Gram er på turné for å fortelje om langtidsmeldinga for Forsvaret. Her besøkjer han ubåten «KMN Utvær» i Bergen 10. april.

Forsvarsminister Bjørn Arild Gram er på turné for å fortelje om langtidsmeldinga for Forsvaret. Her besøkjer han ubåten «KMN Utvær» i Bergen 10. april.

Foto: Paul S. Amundsen / NTB

ForsvarSamfunn

Vil ruste opp ei lekk skute

Regjeringa lovar eit historisk forsvarsløft. I dag slit Forsvaret med å halde på mannskapet som alt er der.

Per Anders Todal
Tore Pryser har skrive boka "Samarbeid, tilpasning og motstand. Mer svik og gråsoner". Delar av innhaldet vekkjer debatt.

Tore Pryser har skrive boka "Samarbeid, tilpasning og motstand. Mer svik og gråsoner". Delar av innhaldet vekkjer debatt.

Foto via Wikimedia Commons

Ordskifte
Bjørn Skåret

Tore Pryser og Reidar Hedemann

Tore Pryser gjev nytt liv til ei «ikkje-sak» i boka Samarbeid, tilpasning og motstand.

Kjønnsfilosof Judith Butler

Kjønnsfilosof Judith Butler

Foto: Elliott Verdier / The New York Times / NTB

EssaySamfunn
Ida Lødemel Tvedt

Feltnotat frå kulturkrigane

Kjønnsdebatten har innteke hovudscena i internasjonal politikk. På veg for å intervjue verdas mest innflytelsesrike kjønnsfilosof, Judith Butler, forsøker eg å orientere meg i ein raskt ekspanderande konflikt. 

Erlend Skjetne er frå Melhus og arbeider med norskopplæring for innvandrarar, i tillegg tl å vere forfattar og fast skribent i Dag og Tid.

Erlend Skjetne er frå Melhus og arbeider med norskopplæring for innvandrarar, i tillegg tl å vere forfattar og fast skribent i Dag og Tid.

Foto: Leikny Havik Skjærseth

BokMeldingar
Kjetil Berthelsen

Med lånt lyre

Erlend Skjetne går i nærsynt dialog med Olav Nygard i Liv, eg har drukke.

Etter ein betre middag blei det jam i gardsrommet. Frå venstre Zala Zulu og Deko Ébongué.

Etter ein betre middag blei det jam i gardsrommet. Frå venstre Zala Zulu og Deko Ébongué.

ReportasjeFeature

Om å snuble inn i ein framand kultur

Vi hadde høyrt Manu Dibango spele under Mela-festivalen på Rådhusplassen i Oslo. Det var freistande å følgje sporet hans attende til Kamerun.

Øyvind Pharo
Etter ein betre middag blei det jam i gardsrommet. Frå venstre Zala Zulu og Deko Ébongué.

Etter ein betre middag blei det jam i gardsrommet. Frå venstre Zala Zulu og Deko Ébongué.

ReportasjeFeature

Om å snuble inn i ein framand kultur

Vi hadde høyrt Manu Dibango spele under Mela-festivalen på Rådhusplassen i Oslo. Det var freistande å følgje sporet hans attende til Kamerun.

Øyvind Pharo

les DAG OG TID.
Vil du òg prøve?

Her kan du prøve vekeavisa DAG OG TID gratis i tre veker.
Prøveperioden stoppar av seg sjølv.

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis