Helse
Ingen veg tilbake
Professor Kim Alexander Tønseth (47) og teamet hans ved Rikshospitalet vil vere 99 prosent sikre før dei skjer av eit kjønnsorgan.
Hadde det vore slik at pasienten alltid hadde rett, ville det vore greitt. Men slik er det dessverre ikkje, seier Kim Alexander Tønseth. Her i operasjonssalen.
Foto: Hallgeir Opedal
– Folk flest har dessverre lite forståing for kva dette dreier seg om, seier professor Kim Alexander Tønseth og reiser seg frå stolen.
I ein dryg time har han sete på eit lite kontor i tredje etasje på Rikshospitalet og prøvd å forklare dilemmaa i jobben som leiar for Nasjonal Behandlingstjeneste for Kjønnsinkongruens (NBTK). Tønseth snakkar omstendeleg, og han tek stadige atterhald, for sjølv om han har jobba over 20 år med det som ein gong blei kalla kjønnsskifteoperasjonar, sidan kjønnskorrigerande operasjonar og no kjønnsbekreftande operasjonar, er dette eit minefelt. Det er lett å trø feil, og på begge frontar er det mykje latent aggresjon.
No snakkar han altså om folk flest: den store majoriteten som er fødd gut eller jente, og som lever som mann eller kvinne, og som veit at dei er nettopp det, for kva skulle dei elles vere?
– For mange er det vanskeleg å forstå at nokon kan føle noko anna. Berre med ordet kjønnsinkongruens fell mange av. Kva i all verda er det for noko?
Manglande samsvar
Ordet kongruens kjem av det latinske congruentia, og i matematikken blir det brukt om to geometriske figurar som er like, altså formlikskap. I overført tyding er kongruens samanfall eller samsvar. Og set ein forstavinga in- føre, er det manglande samanfall eller samsvar.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
