Utdanning
Gjev stryk til direktoratet
Utdanningsdirektoratet innfører heildigital matteeksamen i vidaregåande skule, trass i massiv motstand frå fagmiljøa.
Matematikk er eit handverk, og det er ikkje nok å meistre dataverktøya for å skjøne faget, meiner mange av kritikarane av den nye eksamensforma.
Illustrasjonsfoto: Shutterstock / NTB
Er målet med matematikk i skulen at elevane skal finne det rette svaret på oppgåvene? Eller er målet at dei skal lære handverket og forstå prinsippa i matematikken? Dette er kjernen i striden om matematikkeksamen i vidaregåande. Dei som tek Vg1 som privatistar i vår, blir dei første som får den nye heildigitale eksamenen der elevane har fri tilgang på hjelpemiddel. Neste år blir dette malen også for ordinær eksamen om Utdanningsdirektoratet får viljen sin.
Unison motstand
Men mange i Utdannings-Noreg vil noko anna. Da direktoratet i fjor haust slo fast at eksamen i matematikk på første trinn våren 2021 skulle bli fullt ut digital, og med fri bruk av hjelpemiddel, reiste det seg massiv motstand. Kritikken frå fagmiljøa var nærast unison.
«Heldigital eksamen er en ulykke for mattefaget», skreiv til dømes Roar Ekeland, lektor ved Drammen videregående skole i Aftenposten i november i fjor. «Det vil være et stort feilgrep å prøve å fjerne todelt eksamen», sa leiar Rita Helgesen i Norsk Lektorlag.
Til no har matematikkeksamenen hatt ein del der elevane måtte utføre reknestykke med penn og papir, utan tekniske hjelpemiddel. Den delen vil altså Utdanningsdirektoratet fjerne.
Kva er matte?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
