Noreg og Island er dei einaste landa i Norden som ikkje har noka form for trygderefusjon for vanleg tannbehandling av vaksne. I Danmark er det eit statleg tilskot til tannundersøkingar og grunnleggjande tannbehandling. Også Sverige har statlege tilskot til både undersøkingar og tannbehandling og i tillegg eit «høgkostnadsvern»: Tannlegeutgifter på over 3000 svenske kroner i året gjev rett til 50 prosent refusjon, medan utgifter på over 15.000 kroner gjev 85 prosent refusjon. No vurderer svenskane å innføre eit tak på 1100 kroner året for eigendel til tannbehandling.

I Finland er heile befolkninga dekt av den offentlege tannhelsetenesta, og ein kan få ein del av behandlinga også hos private tannlegar dekt av den nasjonale helseforsikringa.