Finnmark
– Det går mot nedlegging av Finnmark utan at vi får noko att, seier ordføraren i Kautokeino. Han er for regionreform, men røystar nei til å slå Finnmark saman med Troms.
Kautokeino-ordførar Johan Vasara (Ap) kjenner seg dolka i ryggen og har gått frå ja til nei til å slå Finnmark saman med Troms.
Foto: Eva Aalberg Undheim
Finnmark: Historia om regionreforma kan forteljast på ulike måtar.
Regjeringa og stortingsfleirtalet med Venstre og KrF snakkar om ei demokratireform og at sterke og robuste regionar kan ta over fleire statlege oppgåver.
Søraust i landet handlar historia om Viken – gigantfylket ingen vil ha.
I Finnmark handlar det om noko få skjønar vitsen med, tvang og eit raseri som kan kome til å sitje i ei tid.
Finnmarksfleirtalet har sagt nei til samanslåing frå starten, i fylkestingsvedtak, i meiningsmålingar og ved å røyste for regjeringsskifte ved stortingsvalet. Den ferdigforhandla samarbeidsavtalen med Troms vart vraka av Finnmark fylkesting. Dei som forhandla, er kalla «Satans svikarar» på Facebook, og Vadsø-ordføraren som forsvarar samanslåing «sjakal» og «svikar».
Måndag er det folkerøysting om samanslåinga i Finnmark, og det er få som trur resultatet vert ja.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
