Fiktivt
Illustrasjon: Vidar Ruud / NTB scanpix / Dag og Tid
Det første eg såg for meg då eg las at Bjørgulv Braanen no gir seg som ansvarleg redaktør i Klassekampen, var opningsscena i den fyrste Indiana Jones-filmen: Indy har tatt seg inn i eit gamalt tempel og stel eit gyllent, religiøst ikon, men plutseleg kjem ein stor, rund stein «frå oven» for å gjere slutt på han – og alle som ser på, får litt avstandspanikk. For kva no?
– Hugsar du?
Bjørgulv nikkar.
– Men du, seier han, eg er ikkje nokon Harrison Ford, altså. Og vi er ikkje i Hollywood. Vi er på Grønland i Oslo.
– Ja, seier eg og hugsar noko anna:
Eg hugsar då Bjørgulv tok til som ansvarleg redaktør i Klassekampen. Eg var der. Eg sat i ein krok med ein gamal PC og freista skrive saker med «minst to kjelder». Noko som kjendest, somme dagar, som å springe for livet bort frå ein trugande stein. Eg trur ikkje Bjørgulv var imponert.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
