Draumen om FN-maktNorsk UD vil ha fleire nordmenn i leiarstillingar i FN. Kvifor det, eigentleg?Politikk
Norsk UD vil ha fleire nordmenn i leiarstillingar i FN. Kvifor det, eigentleg?
Erik Solheim, leiar for miljøprogrammet til FN, under eit besøk i New Delhi 4. juni. Solheim står saman med (frå venstre) Aditya Mukarji, Rajeshwari Singh, Bollywood-skodespelar Dia Mirza og FN-koordinator Jurij Afanasijev. Rajeshwari Singh hadde gått 1100 kilometer til New Delhi for å skape merksemd kring problemet med plastureining.Erik Solheim, leiar for miljøprogrammet til FN, under eit besøk i New Delhi 4. juni. Solheim står saman med (frå venstre) Aditya Mukarji, Rajeshwari Singh, Bollywood-skodespelar Dia Mirza og FN-koordinator Jurij Afanasijev. Rajeshwari Singh hadde gått 1100 kilometer til New Delhi for å skape merksemd kring problemet med plastureining.
Foto: Manish Swarup / AP / NTB scanpixFoto: Manish Swarup / AP / NTB scanpix
Denne veka vart det kjent at Noreg i vår kutta støtta si til FN-organisasjonen Unesco for 2018 med 20 millionar – ein fjerdedel. Det skjedde etter at den norske kandidaten Gry Ulverud ikkje fekk jobben som assisterande generalsekretær i organisasjonen. Det var ikkje vrakinga av Ulverud i seg sjølv som var årsak til kuttet, sa utviklingsminister Nikolai Astrup til Aftenposten, men han meinte at prosessen hadde vore «uryddig og lukka».
Om Astrup hadde sagt at Noreg burde få fleire leiarstillingar i FN fordi Noreg er ein stor økonomisk bidragsytar til verdsorganisasjonen, ville det vore sjokkerande. Slikt seier ingen norsk politikar rett ut. Men oppfatninga av at det er for få nordmenn i FN-stillingar er utbreidd, og har ofte blitt uttrykt offentleg. «Det er ingen tvil om at Norge er kraftig underrepresentert i hele FN-systemet», sa Astrup til Aftenposten denne veka, utan å knyte dette til dei norske FN-bidraga.
Ei anonym «sentral kjelde» i Utanriksdepartementet kopla derimot økonomisk støtte og FN-stillingar heilt eksplisitt i same avis i 2009: «Når vi gir så mye som vi gjør, burde vi heller vært overrepresentert.»
Lyst på verv
Men ein kan ikkje kjøpe seg FN-stillingar, i alle fall ikkje i prinsippet. Som Audrey Azoulay, generalsekretær i Unesco, skreiv i eit svært krast brev til statsminister Erna Solberg 11. juni: «Finansielle bidrag gjev ikkje automatisk rett til internasjonale stillingar». Brevet vart sendt etter at Noreg kutta støtta si til Unesco.
Det er ikkje openbert at byråkraten Gry Ulverud var ein betre kandidat enn den tidlegare italienske utdanningsministeren og universitetsrektoren Stefania Giannini. Men denne artikkelen skal ikkje handle ikkje om jobbsøknaden til Ulverud, og heller ikkje om at ektemannen hennar, Erik Solheim, for tida er i hardt vêr for dei kostbare flyreisene sine som direktør for UNEP, miljøprogrammet til FN. Spørsmålet her er: Kvifor er det så viktig for Noreg som stat å få nordmenn inn i leiande stillingar i FN, og kva rolle spelar norske løyvingar til FN i dette arbeidet?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
