Arendalsjuka i norsk offentlegheitI skuggen av Irangate har kommersielle aktørar overtatt den politiske dagsordenen.

Alle som har makt eller trur dei har makt, alle som vil ha makt eller trur dei kan få makt ved å koma nær dei som har makt, har vore i Arendal denne veka og tatt del i jakta på makta.

Alle skal ned for å vera med. Og fremst mellom dei alle nettverksbyggarane og dei zynkroniserte informatorane, spindoktorane, påverknadsagentane, kommunikasjonsbyråa og fyrstehusa, som har fått betalingsdyktige klientar til å tru at dei ikkje kan klara seg utan kommersielle koplarar mellom politikk, presse, næringsliv og interesseorganisasjonar.

I ARENDALSBOBLA lanserer dei seg, lunsjar saman, leikar seg saman, er gjensidig lausmunna og læst som om alt skjer der dei er. Det blir mykje innavl av slikt, noko som over tid svekker kvaliteten, men fremmar overgangar mellom ulike sider av bordet.

«Er du ikke i Arendal, så er du ikke relevant», sa Gunnar Mathisen i Geelmuyden Kiese i fjor. I år var det endå verre, og fleire framande makter flytta inn. Så sentral har ikkje kanalbyen i bakevja vore sidan blømingsåra på tampen av seglskutetida. Jon Gelius har flytta heim, og det kjem godt med for sjølvbiletet nå som Aust-Agder skal bli eit fylkespolitisk anneks under Kristiansand.

SPALTISTEN og dei gode hjelpeskrivarane har ikkje vore ramma av arendalsjuka. Derfor er dei truleg både avundsjuke og irrelevante og må halda seg til sideblikk frå utsida.

Vertinna har stor tru på den nye fiskeriministeren, Harald Tom Nesvik, for ho liker folk flest med ein litt uryddig CV før politikken tok dei: dørvakt, instruktør på helsestudio, vaskemaskinseljar. For eit par månadar sidan sa han frå seg embetet som fylkesmann i Møre og Romsdal fordi han ikkje ville pendla frå Ålesund til Molde. I staden heldt han fram som samfunnskontakt for brønnbåtreiarlaget Sølvtrans.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare