– Det kan gå bra
Norwegian er tyngd av gjeld og krise, men alt håp er ikkje ute for flyselskapet.
Norwegian har kutta i rutetilbodet og har no fleire fly på bakken enn i lufta.
Foto: Ørn E. Borgen / NTB
Måndag vart det klart at staten ikkje gjev flyselskapet Norwegian den milliardstøtta selskapet har bede om. Norwegian svarte med å permittere ytterlegare 1600 tilsette og parkere 15 av dei 21 flya som har vore i lufta den siste tida.
DN skriv at selskapet i slutten av september hadde 3,4 milliardar kroner i kontantar, og at støtta dei bad om, var på 4,8 milliardar kroner. Regjeringa har peikt på at selskapet har 40 milliardar i gjeld.
– Regjeringa meiner støtta Norwegian har bede om, ikkje ville vore forsvarleg bruk av skattepengane. Er du samd?
– Ja, eg tenkjer at det var riktig å ikkje gje støtte til eit enkelt selskap, som det var snakk om her. Det vil seie at ein kan forskyve éin konkurs og velje kven som skal klare seg. Det skal ikkje staten drive med. Men å støtte luftfarten med eit felles rammeverk, slik at alle kan klare seg betre, tenkjer eg er heilt rett haldning.
– Kva for alternativ her Norwegian for å klare seg no?
– Det eine er hjelpa dei kan få ved at staten kjøper ekstra flyruter. Vi veit jo heller ikkje kva styresmaktene tenkjer: om dei vil kome med nye lånefasilitetar, og om dei i så fall vil gjere det med dei same vilkåra som sist, der alle måtte bidra. Det andre er ved å vende seg til eigarane av flyselskapet.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
