Vil ungdomen berge USA?
USA
For nokre år sidan tok tre unge konservative amerikanarar – Ryan Costello, Carlos Curbelo og Elise Stefanik – initiativ til å skape eit moderne republikansk parti. Meiningsmålingar hadde vist at unge republikanarar var meir moderate enn eldre når det gjaldt spørsmål som immigrasjon, klimakrise, rasespørsmål og fri tilgang til college.
Curbelo og Stefanik slo seg saman for å kjempe for immigrasjonsreformer, ikkje minst med tanke på unge innvandrarar. Dei nekta å slutte seg til høgresida i partiet, som var mot likestilling med omsyn til ekteskap. Stefanik introduserte dessutan ei lov i 2017 saman med Costello og Curbelo til støtte for kampen mot klimaendringar – faktisk det sterkaste framlegget til kamp mot klimakrise ein nokon gong hadde vore vitne til i det republikanske partiet.
Men dei hadde ikkje rekna med Donald Trump. I 2018 hadde hans sprell fått Costello til å pensjonere seg før tida, og same haust gjekk Curbelo, ein skarp kritikar av Trump, glipp av sjansen til nyval. Andre unge forlét partiet på grunn av trumpismen eller lét vere å stille til val i 2020.
Elise Stefanik er ein av dei få unge i Kongressen som har overlevd, men berre ved å bli ein MAGA-krigar (Make America Great Again). I 2020 tok ho del i Trump-kampanjen og omfamna Trumps konspirasjonsteoriar. Det betalte seg. Etter at Trump-kritikaren Liz Cheney vart vraka som nummer tre i det republikanske hierarkiet, fekk den sleipe Stefanik dette toppvervet og vart den høgast rangerte kvinna mellom republikanarane i Kongressen.
Tidlegare hadde Stefanik sett at det republikanske partiet hadde problem med unge veljarar. Men i dag er ho knytt til den personen som kanskje har gjort mest for å drive unge bort frå partiet og over til demokratane. Trump øydela ikkje berre for nye unge talent i det republikanske partiet, men svekte òg lojaliteten til unge republikanske veljarar. Frå desember 2015 til mars 2017 forlét nesten halvparten av republikanarar under 30 partiet sitt. Mange vende tilbake, men i 2017 hadde nesten ein firedel av unge konservative flykta frå partiet.
Fleire unge amerikanarar brukte røysteretten i 2020 enn i 2016, og 60 prosent av unge røysta på Joe Biden, noko som var nok til å vinne statar som Arizona, Michigan, Pennsylvania og Georgia. Ikkje minst kom støtta frå unge farga veljarar.
Ein kan med god grunn spørje om det er ungdomen som vil berge Amerika i dei komande åra.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
USA
For nokre år sidan tok tre unge konservative amerikanarar – Ryan Costello, Carlos Curbelo og Elise Stefanik – initiativ til å skape eit moderne republikansk parti. Meiningsmålingar hadde vist at unge republikanarar var meir moderate enn eldre når det gjaldt spørsmål som immigrasjon, klimakrise, rasespørsmål og fri tilgang til college.
Curbelo og Stefanik slo seg saman for å kjempe for immigrasjonsreformer, ikkje minst med tanke på unge innvandrarar. Dei nekta å slutte seg til høgresida i partiet, som var mot likestilling med omsyn til ekteskap. Stefanik introduserte dessutan ei lov i 2017 saman med Costello og Curbelo til støtte for kampen mot klimaendringar – faktisk det sterkaste framlegget til kamp mot klimakrise ein nokon gong hadde vore vitne til i det republikanske partiet.
Men dei hadde ikkje rekna med Donald Trump. I 2018 hadde hans sprell fått Costello til å pensjonere seg før tida, og same haust gjekk Curbelo, ein skarp kritikar av Trump, glipp av sjansen til nyval. Andre unge forlét partiet på grunn av trumpismen eller lét vere å stille til val i 2020.
Elise Stefanik er ein av dei få unge i Kongressen som har overlevd, men berre ved å bli ein MAGA-krigar (Make America Great Again). I 2020 tok ho del i Trump-kampanjen og omfamna Trumps konspirasjonsteoriar. Det betalte seg. Etter at Trump-kritikaren Liz Cheney vart vraka som nummer tre i det republikanske hierarkiet, fekk den sleipe Stefanik dette toppvervet og vart den høgast rangerte kvinna mellom republikanarane i Kongressen.
Tidlegare hadde Stefanik sett at det republikanske partiet hadde problem med unge veljarar. Men i dag er ho knytt til den personen som kanskje har gjort mest for å drive unge bort frå partiet og over til demokratane. Trump øydela ikkje berre for nye unge talent i det republikanske partiet, men svekte òg lojaliteten til unge republikanske veljarar. Frå desember 2015 til mars 2017 forlét nesten halvparten av republikanarar under 30 partiet sitt. Mange vende tilbake, men i 2017 hadde nesten ein firedel av unge konservative flykta frå partiet.
Fleire unge amerikanarar brukte røysteretten i 2020 enn i 2016, og 60 prosent av unge røysta på Joe Biden, noko som var nok til å vinne statar som Arizona, Michigan, Pennsylvania og Georgia. Ikkje minst kom støtta frå unge farga veljarar.
Ein kan med god grunn spørje om det er ungdomen som vil berge Amerika i dei komande åra.
Fleire artiklar
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.