Sant og usant
St. Olavs hospital i Trondheim.
Foto: Gorm Kallestad / NTB
Det kokar kring Helseplattformen. Ansvarlege på høgt nivå har ved ulike høve kome med opplysningar som etter mitt skjøn ikkje er heilt korrekte.
Dette vart ei sak i Stortinget då stortingsrepresentant Hilde Bae Nyholt oppdaga at den avdøde mor hennar var oppført som næraste pårørande. Som forklaring på dette svarte helse- og omsorgsminister Ingvild Kjerkol at «Pårørendeinformasjonen i Helseplattformen er hentet fra de gamle journalsystemene til kommunene (…) eller fra St. Olavs hospital» (sitat frå Adresseavisen 12. januar 2023). Vidare seier Kjerkol at det er «ingen systematisk gjennomgang av informasjon om pårørende i pasientjournaler».
Dette er ikkje rett. Ved kvar oppstart av behandling ved St. Olavs hospital spør vi pasientane kven dei vil oppgje som næraste pårørande, slik lovgjevinga krev. Pasienten sin preferanse vart ført inn i personaliaopplysningane i det gamle journalsystemet og var tilgjengeleg der ved overgangen til Helseplattformen. Ved eit tastetrykk forsvann alle desse opplysningane tilsette samvitsfullt har henta inn.
Kva for obskur kjelde Helseplattformen har nytta når døde har blitt oppførte som næraste pårørande, treng nærare gransking.
I sjukehustalen hevda Kjerkol at «vi hadde et utdatert journalsystem med mangelfull pasientinformasjon mellom nivåene» (sitat frå Adresseavisen 18. januar 2023).
Det var openbert ein god ide å satse på ei journalløysing som betra kommunikasjonen mellom fastlegar og sjukehus. Men det vart tidleg klart at fastlegane ikkje kom til å kjøpe seg inn i Helseplattformen. Dermed fall ein heilt sentral premiss for implementeringa av Helseplattformen bort. Fastlegar har sjølv gjort greie for den manglande tryggleiken dei opplever i informasjonsutvekslinga med St. Olavs hospital no. Ikkje noko talar for at fastlegar vil kjøpe seg inn i Helseplattformen.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
