Råd og direktorat
Ønskjer du å delta i debatten? Då kan du sende innlegget ditt til ordskifte@dagogtid.no
Kunst
Morten Traavik har fredag 28. oktober eit svar til mitt tilsvar til hans tidlegare innlegg. Han byrjar med å nemne at Kulturrådet frå nyttår er underlagt Kulturdirektoratet. Det er feil. Kulturrådet vart oppretta i 1965 for å forvalte Norsk Kulturfond på armlengds avstand frå styresmaktene. Eit viktig prinsipp. Ein vesentleg del av statens tilskot til kunst og kultur skal bli tildelt utan detaljstyring frå politisk hald.
Dei første tiåra hadde Kulturrådets administrasjon som einaste oppgåve å vere sekretariat for rådet som forvalta Kulturfondet. Frå 2000-talet fekk administrasjonen stadig fleire direktoratsoppgåver frå Kulturdepartementet. Dei siste par tiåra har det difor vore forvirring om kven som er avsendar av bodskap og pengar når det har stått «Kulturrådet» på brevhovudet. Direktoratet som arbeider med kultur for departementet, blir frå nyttår til Kulturdirektoratet.
Rådet som forvaltar Norsk Kulturfond på armlengds avstand og er rådgivande organ for staten i kulturspørsmål, blir heitande Kulturrådet. Kulturrådet blir ikkje underlagt Kulturdirektoratet. Kulturdirektoratet har i oppgåve å vere sekretariat for Kulturrådet. Traavik skriv: «La oss derfor jobbe sammen for å holde avstanden mellom Kulturdirektoratet og Lurekordiktatur.» Ut frå hans innlegg er det vanskeleg å forstå kva han meiner med dette.
Traavik skriv at Traavik.info fekk «for første gang på mange år, og uten forvarsel, avslag på sin søknad om fortsatt statsstøtte gjennom Kulturrådets ordning for fri scenekunst.» Slik 80 prosent av søkarane fekk i denne runden. Forvarsel? Da må alle søkarar få varsel. Når det er søknadsbaserte ordningar, ligg det i korta at avslag er eit mogleg utfall.
Traavik nyttar ein del plass på å skrive om alt han ha fått til. Det er ingen tvil om at han har fått til mykje. Mykje bra. Det er nok også grunnen til at Kulturrådet har gitt han såpass mange millionar i tilskott. Fleire millionar enn dei fleste kunstnarar får.
Traavik spør om eg er samd i påstanden om at han og Are Søberg (sløseriombudsmannen) no og i lang tid framover vil vere «Scenekunst-Norges mest radioaktive menn». Det veit eg ikkje. Men ut frå kva eg ser, held båe to koken og får bra med spalteplass og olbogerom.
Traavik påpeiker at eg ikkje har respondert på ei oversikt han har sendt, over 29 tilfelle av «Kulturrådets negative forskjellsbehandling og utfrysing av Traavik.info fra Norsk Kulturråd mellom januar 2020 og dags dato ( … )». Eg stod i kopifeltet da Traavik sende inn sin klage på vedtak til Kulturrådet, det var der eg fekk lista. Det ville vore spesielt, og uheldig, om eg skulle ha ein kommunikasjon med Traavik om innhaldet i klagen samtidig som klagen blir handsama i Kulturrådet. Og problematisk om eg skulle kommentere klagen her i Dag og Tid. I perioden han nemner, har han mottatt millionar frå Kulturrådet. Han uttalar sjølv at han aldri har fått avslag på ein søknad til Kulturrådet frå 1998 og fram til avslaget i 2022. Det er sjeldan. Av dei drygt 8000 søknadene Kulturrådet får kvart år, er det omkring 5000 som ender med avslag.
Traavik uroar seg over at eg meiner Kulturrådets ordningar skal bli påverka av rådets strategi og våre prioriteringar. Det er Kulturrådets oppgåve å forvalte Norsk Kulturfond til beste for norsk kunst- og kulturliv. Ein naturleg del av denne oppgåva er å gjere prioriteringar og strategiske val. Gjer vi ikkje det, tar vi ikkje det forvaltingsansvaret vi har fått, på alvor.
Sigmund Løvåsen er rådsleiar
i Kulturrådet.
Er du abonnent? Logg på her for å lese vidare.
Digital tilgang til DAG OG TID – heilt utan binding
kr 99 for dei fyrste to månadene.
Deretter kr 199 per månad. Stopp når du vil.
Ønskjer du å delta i debatten? Då kan du sende innlegget ditt til ordskifte@dagogtid.no
Kunst
Morten Traavik har fredag 28. oktober eit svar til mitt tilsvar til hans tidlegare innlegg. Han byrjar med å nemne at Kulturrådet frå nyttår er underlagt Kulturdirektoratet. Det er feil. Kulturrådet vart oppretta i 1965 for å forvalte Norsk Kulturfond på armlengds avstand frå styresmaktene. Eit viktig prinsipp. Ein vesentleg del av statens tilskot til kunst og kultur skal bli tildelt utan detaljstyring frå politisk hald.
Dei første tiåra hadde Kulturrådets administrasjon som einaste oppgåve å vere sekretariat for rådet som forvalta Kulturfondet. Frå 2000-talet fekk administrasjonen stadig fleire direktoratsoppgåver frå Kulturdepartementet. Dei siste par tiåra har det difor vore forvirring om kven som er avsendar av bodskap og pengar når det har stått «Kulturrådet» på brevhovudet. Direktoratet som arbeider med kultur for departementet, blir frå nyttår til Kulturdirektoratet.
Rådet som forvaltar Norsk Kulturfond på armlengds avstand og er rådgivande organ for staten i kulturspørsmål, blir heitande Kulturrådet. Kulturrådet blir ikkje underlagt Kulturdirektoratet. Kulturdirektoratet har i oppgåve å vere sekretariat for Kulturrådet. Traavik skriv: «La oss derfor jobbe sammen for å holde avstanden mellom Kulturdirektoratet og Lurekordiktatur.» Ut frå hans innlegg er det vanskeleg å forstå kva han meiner med dette.
Traavik skriv at Traavik.info fekk «for første gang på mange år, og uten forvarsel, avslag på sin søknad om fortsatt statsstøtte gjennom Kulturrådets ordning for fri scenekunst.» Slik 80 prosent av søkarane fekk i denne runden. Forvarsel? Da må alle søkarar få varsel. Når det er søknadsbaserte ordningar, ligg det i korta at avslag er eit mogleg utfall.
Traavik nyttar ein del plass på å skrive om alt han ha fått til. Det er ingen tvil om at han har fått til mykje. Mykje bra. Det er nok også grunnen til at Kulturrådet har gitt han såpass mange millionar i tilskott. Fleire millionar enn dei fleste kunstnarar får.
Traavik spør om eg er samd i påstanden om at han og Are Søberg (sløseriombudsmannen) no og i lang tid framover vil vere «Scenekunst-Norges mest radioaktive menn». Det veit eg ikkje. Men ut frå kva eg ser, held båe to koken og får bra med spalteplass og olbogerom.
Traavik påpeiker at eg ikkje har respondert på ei oversikt han har sendt, over 29 tilfelle av «Kulturrådets negative forskjellsbehandling og utfrysing av Traavik.info fra Norsk Kulturråd mellom januar 2020 og dags dato ( … )». Eg stod i kopifeltet da Traavik sende inn sin klage på vedtak til Kulturrådet, det var der eg fekk lista. Det ville vore spesielt, og uheldig, om eg skulle ha ein kommunikasjon med Traavik om innhaldet i klagen samtidig som klagen blir handsama i Kulturrådet. Og problematisk om eg skulle kommentere klagen her i Dag og Tid. I perioden han nemner, har han mottatt millionar frå Kulturrådet. Han uttalar sjølv at han aldri har fått avslag på ein søknad til Kulturrådet frå 1998 og fram til avslaget i 2022. Det er sjeldan. Av dei drygt 8000 søknadene Kulturrådet får kvart år, er det omkring 5000 som ender med avslag.
Traavik uroar seg over at eg meiner Kulturrådets ordningar skal bli påverka av rådets strategi og våre prioriteringar. Det er Kulturrådets oppgåve å forvalte Norsk Kulturfond til beste for norsk kunst- og kulturliv. Ein naturleg del av denne oppgåva er å gjere prioriteringar og strategiske val. Gjer vi ikkje det, tar vi ikkje det forvaltingsansvaret vi har fått, på alvor.
Sigmund Løvåsen er rådsleiar
i Kulturrådet.
Fleire artiklar
Ei palestinsk kvinne passerer ruinane av bustadblokker i Hamad i Khan Younis sør på Gaza 13. mars 2024.
Foto: Ahmed Zakot / Reuters / NTB
Alt dette var ikkje nødvendig
Krigen i Gaza er ikkje eit brot, men snarare ei logisk fullbyrding av politikken som er ført dei siste femti åra i Israel.
Ferdigmathylla på butikken er ofte ganske stor. Men er det dei små som handterer ho best?
Foto: Terje Pedersen / NTB
Ferdigmiddag
Det kan sjå ut som smådriftsfordelar bør få dominere norsk ferdigmatproduksjon.
Presidentkandidat Donald Trump gjer honnør når dei spelar av opptaket der dømde etter 6. januar-åtaket på Kongressen syng nasjonalsongen i kor.
Foto: Jeff Dean / AP / NTB
Val på kanten av stupet?
– Om eg ikkje vinn presidentvalet i haust, betyr det slutten på det amerikanske demokratiet, sa Trump på eit valmøte i Ohio sist helg.
29 kvinner i Kremenets-regionen har fått førarkort for traktor dei seinaste vekene.
Foto: Efrem Lukatsky / AP / NTB
Traktorar og forrædarar
I staden for ei fredeleg våronn må Ukraina forsvare seg mot den russiske våroffensiven.
Eugénie arbeider som kokk for den vidgjetne restauranteigaren Dodin i 20 år. Den felles kjærleiken dei har til mat, skapar unike retter som tiltrekkjer seg menneske frå heile verda.
Foto: Carole Bethuel