Norsk Ordbok a–h i søkbar utgåveSpråkPeder Gammeltoft og Johan MykingHåkon Remøy etterlyser i Dag og Tid 2.11.2018 elektronisk tilgjenge til heile den prenta utgåva av
Håkon Remøy etterlyser i Dag og Tid 2.11.2018 elektronisk tilgjenge til heile den prenta utgåva av Norsk Ordbok. Vi som no har ansvaret for Norsk Ordbok, set pris på at det i framlegget til statsbudsjett for 2019 er ført opp to millionar til digitalisering og modernisering av ordboksverket. Det er òg gledeleg at andre ordbokstiltak er tilgodesett i budsjettframlegget, likeins at Nasjonalbiblioteket skal få ti millionar til digitaliseringstiltak. Samla sett vil dette gje norsk språkstyrking og språkteknologi ein monaleg framskuv, og for vår del er planleggingsarbeidet i gang.
Målet for heile arbeidet er å gjera Norsk Ordbok som heilskap digitalt tilgjengeleg med oppdatert innhald. Alfabetbolken i–å er elektronisk tilgjengeleg via nettsida til Språksamlingane ved Universitetet i Bergen (http://no2014.uib.no/perl/ordbok/no2014.cgi). Nett korleis faksimileutgåva av Norsk Ordbok a–h skal koma på plass, er enno ikkje avgjort. Det er rett at Nasjonalbiblioteket har skanna to band og nokre hefte, og i Språksamlingane arbeider vi mot ei løysing som gjev høve til å søkja så nøyaktig i teksten til Norsk Ordbok a–h som mogeleg.
Revisjon av eit vitskapleg ordboksverk krev kvalifiserte redaktørar. Det totale arbeidet med digitalisering og modernisering er kostnadsrekna til rundt 200 millionar 2018-kroner over ti år. Dette er nøkternt rekna det som trengst for ein innhaldsrevisjon av 40 prosent av ordboksteksten. Dei to millionane på budsjettet for 2019 skal brukast til førebuing og tilrettelegging av det samla arbeidet. Søknaden for 2018 om midlar til Norsk Ordbok listar opp fleire tiltak som gjeld betre ressursutnytting, og søknaden vil langt på veg styra kva som blir prioritert, målt mot kva som er mogleg å få til innanfor løyvinga.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
