Nasjonalmuseet ikkje åleine
Ønskjer du å delta i debatten? Då kan du sende innlegget ditt til ordskifte@dagogtid.no
Kunst
Museets ideologiske program spring ut av gjengs norsk museumstenking.
Samlingsdirektør ved Nasjonalmuseet, Stina Högkvist, har skapt brudulje med si grunngjeving i Aftenposten (18. februar 2023) for å utelate måleriet «Leiv Eiriksson oppdager Amerika» hjå nymuseet. Ho har bede om orsaking for ytringa.
Let vi Leiv sine slitne skipsdrengar liggje, sa Högkvist også at utstilte kunstnarar ikkje skal fangast i ein nasjonalitet – museet oppgjev berre årstal og fødestad. Og kanon er ikkje noko dei driv med på Nasjonalmuseet.
Hard kost for mange, men for museumsfolk er dette ein kjend tone. Dei siste tiåra har styresmaktene fremja mangfald, dialog og inkludering ovanfor sektoren. Frå den skilsetjande utgreiinga «Museum» (NOU 1996: 7) til den ferske stortingsmeldinga «Musea i samfunnet» har ein hevda at musea lett kan misbruke makta si til å gjenta gamle storbondeskrøner som ekskluderer. Ei vettug nyorientering i 1996, men plata har no spelt ei god stund på eit stadig høgare mangfaldsvolum.
Den kulturkritiske boringa i ei påstått problematisk makt har gjort musea til identitetsømme møtestader for dialog. Skal ein kurator forvalte sanninga på vegner av fellesskapet? Nei, kuratoren må gje ordet til dei utanfor – dei som ber på ei anna sanning. Den fagleg sjølvsikre påstanden har i ideologisk forstand hamna i bakgrunnen. Notida har rykka inn med sine eigne stridsspørsmål. Samlingane er like ofte kulisser for samtidsdiagnosar som inngangar til ei uransakeleg fortid.
I eit slikt ljos må vi forstå Nasjonalmuseet si vegring mot kanon – altså det å føre fram ein påstand om kva som utgjer dei sentrale verka eller kunstnarkalla i Noreg. Ein er rett ut usikker på om eit museum bør ha definisjonsmakta. Nasjonalmuseet kan sjølvsagt ikkje sno seg unna øvinga, men dei står korkje åleine eller på museumspolitisk sandgrunn i det Högkvist vil «fange opp blindsoner og bredde ut perspektivet», men ikkje kanonisere.
Så lenge Nasjonalmuseet ikkje vil snakke kanon, kan ein utstilt kvinneleg eller samisk kunstnar eigentleg aldri vite om deira verk er målte etter kvalitet eller museets ideologiske lune. Ikkje publikum heller.
Etter mitt syn tener ingen på eit slikt program.
Petter Snekkestad er direktør ved Varanger museum og forfattar av boka Museale tilstander – en konservativ kritikk av norsk museumstenkning.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ønskjer du å delta i debatten? Då kan du sende innlegget ditt til ordskifte@dagogtid.no
Kunst
Museets ideologiske program spring ut av gjengs norsk museumstenking.
Samlingsdirektør ved Nasjonalmuseet, Stina Högkvist, har skapt brudulje med si grunngjeving i Aftenposten (18. februar 2023) for å utelate måleriet «Leiv Eiriksson oppdager Amerika» hjå nymuseet. Ho har bede om orsaking for ytringa.
Let vi Leiv sine slitne skipsdrengar liggje, sa Högkvist også at utstilte kunstnarar ikkje skal fangast i ein nasjonalitet – museet oppgjev berre årstal og fødestad. Og kanon er ikkje noko dei driv med på Nasjonalmuseet.
Hard kost for mange, men for museumsfolk er dette ein kjend tone. Dei siste tiåra har styresmaktene fremja mangfald, dialog og inkludering ovanfor sektoren. Frå den skilsetjande utgreiinga «Museum» (NOU 1996: 7) til den ferske stortingsmeldinga «Musea i samfunnet» har ein hevda at musea lett kan misbruke makta si til å gjenta gamle storbondeskrøner som ekskluderer. Ei vettug nyorientering i 1996, men plata har no spelt ei god stund på eit stadig høgare mangfaldsvolum.
Den kulturkritiske boringa i ei påstått problematisk makt har gjort musea til identitetsømme møtestader for dialog. Skal ein kurator forvalte sanninga på vegner av fellesskapet? Nei, kuratoren må gje ordet til dei utanfor – dei som ber på ei anna sanning. Den fagleg sjølvsikre påstanden har i ideologisk forstand hamna i bakgrunnen. Notida har rykka inn med sine eigne stridsspørsmål. Samlingane er like ofte kulisser for samtidsdiagnosar som inngangar til ei uransakeleg fortid.
I eit slikt ljos må vi forstå Nasjonalmuseet si vegring mot kanon – altså det å føre fram ein påstand om kva som utgjer dei sentrale verka eller kunstnarkalla i Noreg. Ein er rett ut usikker på om eit museum bør ha definisjonsmakta. Nasjonalmuseet kan sjølvsagt ikkje sno seg unna øvinga, men dei står korkje åleine eller på museumspolitisk sandgrunn i det Högkvist vil «fange opp blindsoner og bredde ut perspektivet», men ikkje kanonisere.
Så lenge Nasjonalmuseet ikkje vil snakke kanon, kan ein utstilt kvinneleg eller samisk kunstnar eigentleg aldri vite om deira verk er målte etter kvalitet eller museets ideologiske lune. Ikkje publikum heller.
Etter mitt syn tener ingen på eit slikt program.
Petter Snekkestad er direktør ved Varanger museum og forfattar av boka Museale tilstander – en konservativ kritikk av norsk museumstenkning.
Fleire artiklar
Krasukha-4 er juvelen i den elektromagnetiske krigføringa til russarane.
Kjelde: Vitaly V. Kuzmin / Wikimedia Commons
Elektromagnetisk krigføring
Militære styrkar brukar radio, radarar og infraraude detektorar for å koordinera operasjonar og finna fienden.
Når den medisinske utviklingen gjør at vi kan redde barn stadig tidligere, er utvidelse av abortloven helt feil vei å gå, skriver KrF-leder Olaug Bollestad.
Foto: Jan-Petter Dahl, TV 2 / TV 2 / NTB
Blottet for etiske refleksjoner
Fjerner Arbeiderpartiet nemndene, fjerner de rettsvernet for det ufødte livet frem til svangerskapet er nesten halvgått.
Teikning: May Linn Clement
Votten
Like ved der huset til Olav og Margit så vidt kan skimtast bak ein haug, heng ein blaut vott i toppen av ei brøytestikke. Ein liten gut står på tå og prøver å rekke opp.
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Den andre boka i septologien til Asta Olivia Nordenhof er no komen på norsk.
Foto: Albert Madsen
Kapital, kjærleik og Scandinavian Star
Asta Olivia Nordenhof held på med ein dyster romanserie om dødsbrannen på «Scandinavian Star». Ho vil likevel ikkje gi opp vona om at dagens verdsorden kan endrast til noko betre.