Barn som døyr er det som sterkast krenkjer

natur og rettferd. Bortkasta å spørja kvifor.

Kva rettferd er, fattar ingen.

Kva slags straff kan nokon gong retta dette opp?

Det finst ikkje påskot, årsak eller alibi.

Barn som døyr er det som krenkjer mest.

Alle som pratar om dette, læst som

dei kjenner lagnadens vegar. Trass i at

vi må tru på kva rettferd er, fattar ingen

korleis lagnad og slumpetreff er samanvovne.

Han som berre trur på sunn fornuft, han lyg.

Barn som døyr er det som krenkjer mest.

Døden fortener ikkje å hausta grøde

frå desse som knapt fekk leva. Foreldra græt.

Kva rettferd er, fattar ingen.

Kom med trøyst, då, og mot. Ukjende, vener,

er vi ikkje alle foreldre når barn døyr?

Kva rettferd er, fattar ingen.

Barn som døyr er det som krenkjer mest.

Richard Berengarten
Norsk gjendikting ved Jostein Sæbøe