Holmøy og helsepersonellkommisjonen
Ønskjer du å delta i debatten? Då kan du sende innlegget ditt til ordskifte@dagogtid.no
Helse
I eit intervju med Dag og Tid går SSB forskar Erling Holmøy hardt ut imot deler av helsepersonellkommisjonens NOU. Holmøy seier me kan halde fram med å tilsette stadig fleire i helsetenestene. Problemet er at hans kollegaer i SSB har grundig dokumentert at me ikkje veit heilt kor alle nye tilsette skal kome frå.
Det er krevjande å rekruttere tilsette til helsetenestene. Det er ikkje ei teoretisk problemstilling som vil møte oss ein gong i framtida, men noko me står midt oppe i no. Fagforbundet får høyre dette dagleg frå medlemmar og tillitsvalde, og det er dokumentert gjennom til dømes Nav si bedriftsundersøking. Og altså: Skal me tru på Holmøy sine kollegaer i SSB, så vert det ikkje enklare heller, seinast dokumentert i rapporten «Arbeidsmarkedet for helsepersonell fram mot 2040». Når dei store etterkrigskulla no når den alderen at dei treng meir helsetenester, vert det endå meir krevjande.
Heilt uavhengig av kva ein tenkjer om kva økonomien kan tole, så veit me at det allereie med dagens nivå er vanskeleg å få nok sjukepleiarar, helsefagarbeidarar, legar, portørar, helsesekretærar og anna helsepersonell. I alle fall om me tenkjer at me skal utdanne og rekruttere desse sjølv, og ikkje støvsuge nabolanda våre og fattigare EØS-land for helsepersonell som dei treng like mykje som oss.
Debatten om kor stor del av sysselsettinga det er gagnleg at helsetenestene skal legge beslag på, kan godt statistikarane og økonomane ta. Det derimot verken Holmøy eller Dag og Tid nemner, er at dei fleste av tiltaka til helsepersonellkommisjonen ikkje handlar om å stogge veksten i helsetenestene, men korleis me kan rekruttera og utdanne fleire og betre.
Kommisjonen kjem mellom anna med framlegg om at me skal satse på fagarbeidarane, gjere det lettare for fagarbeidarane å utdanne seg vidare, jobbe betre med oppgåvedeling, nytta kompetanse rett og syte for at fleire får heil og fast stilling. Dette er gode og naudsynte framlegg for å sikre at me har ei god helseteneste også i framtida.
Iren Mari Luther er sjukepleiar, medlem i Helsepersonellkommisjonen og leiar for Yrkesseksjon helse og sosial i Fagforbundet.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ønskjer du å delta i debatten? Då kan du sende innlegget ditt til ordskifte@dagogtid.no
Helse
I eit intervju med Dag og Tid går SSB forskar Erling Holmøy hardt ut imot deler av helsepersonellkommisjonens NOU. Holmøy seier me kan halde fram med å tilsette stadig fleire i helsetenestene. Problemet er at hans kollegaer i SSB har grundig dokumentert at me ikkje veit heilt kor alle nye tilsette skal kome frå.
Det er krevjande å rekruttere tilsette til helsetenestene. Det er ikkje ei teoretisk problemstilling som vil møte oss ein gong i framtida, men noko me står midt oppe i no. Fagforbundet får høyre dette dagleg frå medlemmar og tillitsvalde, og det er dokumentert gjennom til dømes Nav si bedriftsundersøking. Og altså: Skal me tru på Holmøy sine kollegaer i SSB, så vert det ikkje enklare heller, seinast dokumentert i rapporten «Arbeidsmarkedet for helsepersonell fram mot 2040». Når dei store etterkrigskulla no når den alderen at dei treng meir helsetenester, vert det endå meir krevjande.
Heilt uavhengig av kva ein tenkjer om kva økonomien kan tole, så veit me at det allereie med dagens nivå er vanskeleg å få nok sjukepleiarar, helsefagarbeidarar, legar, portørar, helsesekretærar og anna helsepersonell. I alle fall om me tenkjer at me skal utdanne og rekruttere desse sjølv, og ikkje støvsuge nabolanda våre og fattigare EØS-land for helsepersonell som dei treng like mykje som oss.
Debatten om kor stor del av sysselsettinga det er gagnleg at helsetenestene skal legge beslag på, kan godt statistikarane og økonomane ta. Det derimot verken Holmøy eller Dag og Tid nemner, er at dei fleste av tiltaka til helsepersonellkommisjonen ikkje handlar om å stogge veksten i helsetenestene, men korleis me kan rekruttera og utdanne fleire og betre.
Kommisjonen kjem mellom anna med framlegg om at me skal satse på fagarbeidarane, gjere det lettare for fagarbeidarane å utdanne seg vidare, jobbe betre med oppgåvedeling, nytta kompetanse rett og syte for at fleire får heil og fast stilling. Dette er gode og naudsynte framlegg for å sikre at me har ei god helseteneste også i framtida.
Iren Mari Luther er sjukepleiar, medlem i Helsepersonellkommisjonen og leiar for Yrkesseksjon helse og sosial i Fagforbundet.
Fleire artiklar
Fargerikt om tolsemd
Me får garantert høyra meir til komponisten Eilertsen.
Birger Emanuelsen har skrive både romanar, essay og sakprosa etter debuten i 2012.
Foto: Christopher Helberg
Endringar til godt og vondt
Birger Emanuelsen skriv om folk slik at ein trur på det.
Me drog til månen av di det var teknologisk mogleg. Eit strålande døme på det teknologiske imperativet. Her vandrar astronaut Buzz Aldrin frå Apollo 11 rundt og les sjekklista si på venstre arm på ekte ingeniørvis.
Kjelde: Nasa
Teknologisk imperativ!
«Birkebeinerne på ski over fjellet med kongsbarnet».
Foto: Morten Henden Aamot
Eit ikonisk stykke kunst er kome heim
Medan gode krefter arbeider for å etablere eit museum for kunstnarbrørne Bergslien på Voss, har den lokale sparebanken sikra seg ein originalversjon av eit hovudverk av målaren Knud Bergslien.
Frå rettsoppgjeret i Trondheim etter krigen. Henry Rinnan på veg inn i tinghuset i Trondheim 30. april 1946.
Foto: NTB
Rett i fella
Nikolaj Frobenius tar seg altfor godt til rette i kjeldematerialet. Rinnan-romanen hans er både problematisk og uinteressant.
Papiravisa