Folketalsutvikling og innvandringFlyktningkrisaGudmund SolstadFosnavågNår ein ser på tala for innvandring hit til landet og andre europeiske land, blir tala nokså puslete i forhold til folketalsutviklinga her på jorda, i alle verdsdelane, og også i Noreg.
Når ein ser på tala for innvandring hit til landet og andre europeiske land, blir tala nokså puslete i forhold til folketalsutviklinga her på jorda, i alle verdsdelane, og også i Noreg. Svein Ramsnes peika i Dag og Tid 2. februar på flyktningkrisa vi står overfor, relatert til folketalsutviklinga her på jorda.
Då eg gjekk på folkeskulen, lærte eg at det budde 3 millionar menneske her i Noreg. No har det nesten dobla seg: I Syria var det i 1950 om lag som i Noreg, 3,4 millionar, som i 1912 har auka til meir enn 22 millionar. I same perioden har talet på innbyggjarar i Iran auka frå 17 til 81 millionar, Egypt frå 20,7 til 97,5, Pakistan frå 37,5 til 197 millionar og tilsvarande rundt om på jorda. I 1950 budde det 2,5 milliardar menneske her på jorda, i 2017 var vi komne opp i 7,5 milliardar.
Denne auken, som altså også gjeld i den delen av verda som vi i Europa tilhøyrer, har klart å auke velstanden vesentleg trass i at det også her er nokså stor folkevekst. Og denne avstanden i velstand mellom den sokalla rike delen av verda og den fattige delen vert berre større og større.
Så lever dei fleste menneske under svært kummerlege tilhøve, på sveltegrensa eller rett og slett svelt. Dei landa dei bur i, klarer ikkje å skaffe mat nok. Folk svelt og lever elles under så elendige tilhøve som vi har problem med å førestille oss. Av og til ser vi elendet på fjernsyn.
Sjølv om dei er aldri så fattige, har mange høve til å sjå fjernsyn, og dei ser korleis vi lever her i den rike delen av verda: flotte hus, bilar overalt, fine klede, badeliv og skisport og mykje anna. Er det rart at dei har ein draum om å kome seg hit?
Denne draumen vert berre større og meir attraktiv etter som tida går. Samtidig vert avstanden i folketettleik stadig større. Trengselen, fattigdommen og matmangelen i dei fattige landa blir endå meir påtrengjande. Ønsket om å kome seg vekk og nærare vår velstand blir stadig sterkare. I 2015 fekk vi den store flyktningstraumen av folk som prøvde å kome seg ut av elendet og over til vår velstand. Men dei vart for mange, fleire enn vi kunne rekne med å kunne integrere i våre samfunn. Grensene vart stengde.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
