Det var med djup sorg vi i Samlaget fekk meldinga om at vår gode kollega gjennom fleire år var gått bort.
Erle Stokke starta i Samlaget for å utvikle den nynorske barnebokklubben Blåmann. Etter kvart blei ho også ansvarleg for boktilbodet over nettbokhandelen bokdykk.no.
I 2011 blei Erle ein del av redaksjonen for barn og unge i Samlaget. Ho var mellom anna redaktør for den brageprisvinnande Jakob og Neikob – boka Tjuven slår tilbake av Kari Stai i 2012.
Etter dette slutta Erle i Samlaget for å jobbe vidare med barnelitteraturen i Omnipax.
Under Erle sin leiarskap blei Blåmann ein særs viktig kanal for nynorsk barnelitteratur, og ei like viktig kjelde til litteratur for tusenvis av unge lesarar. Ein generasjon nye lesarar så vel som ein generasjon nye forfattarar står igjen etter hennar uslitelege arbeid for å fremje nynorsk barnelitteratur.
Viktigast var ho likevel for alle dei tusenvis av unge som ho nådde med si engasjerte formidling.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
