Verdfulle tekstar og melodiar
Gode utøvarar har laga nye versjonar av gamle melodiar frå Nordland.
Folkemusikk
Susanne Lundeng, Bjørn Andor Drage og Nils-Olav Johansen:
Kimer I klokker
Heilo
Treng me eigentleg fleire juleplater? Same kva ein vil svara på det spørsmålet, er det ingen tvil om at straumen av artistar som legg ut på juleturnear og lagar nye versjonar av velkjende julesongar, ser ut til å vera endelaus.
Det som gjer Kimer I klokker-prosjektet originalt, er at repertoaret berre er basert på folketonar frå Nordland som har vore nytta til kjende julesalmar frå mellomalderhymnen «Et barn er født i Betlehem», via «Christi naaderlige fødsel» av Petter Dass til nynorske salmar av Elias Blix. Nokre av melodiane kjenner me variantar av frå andre stader i landet, men dei fleste vil verka heilt ukjende for dei fleste av oss. Og nettopp det er atter ei påminning om kor mykje god musikk som finst i form av gamle noteoppskrifter og lydbandopptak som ventar på å bli tatt i bruk.
Felespelaren Susanne Lundeng er mest kjend for – på den eine sida – høgenergiske framføringar av nordlandspols, og – på den andre sida – smektande stillferdige folketonar. Men på denne plata er ho først og fremst songar, og syngemåten er enkel og nøktern – noko som styrker tekstformidlinga.
Sjølv om dette handlar om eldre melodiar og tekstar, er arrangement og produksjon i høg grad prega av dei mangfaldige røynslene til dei tre musikarane. Organist Bjørn Andor Drage har i tillegg til sin klassiske bakgrunn drive med improvisasjon og populærmusikk, og Nils-Olav Johansen er ein jazzgitarist som òg har jobba mykje med balkanmusikk, mellom anna som medlem av Farmers Market.
Stilistisk er ikkje dette særleg originalt, nettopp fordi svært mange som lagar nye plater baserte på folkemusikk, gjer det ved å blanda saman impulsar frå til dømes tidlegmusikk, jazz og populærmusikk utan at det er så lett å kategorisera. Slik sett føyer plata seg inn i den store straumen av stilblanding, men ho forsvarar likevel plassen sin ved å visa korleis verdfulle tekstar og melodiar atter kan verta aktualiserte i møte med gode utøvarar.
Sigbjørn Apeland
Sigbjørn Apeland er musikar, musikkvitar og fast musikk-
meldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Folkemusikk
Susanne Lundeng, Bjørn Andor Drage og Nils-Olav Johansen:
Kimer I klokker
Heilo
Treng me eigentleg fleire juleplater? Same kva ein vil svara på det spørsmålet, er det ingen tvil om at straumen av artistar som legg ut på juleturnear og lagar nye versjonar av velkjende julesongar, ser ut til å vera endelaus.
Det som gjer Kimer I klokker-prosjektet originalt, er at repertoaret berre er basert på folketonar frå Nordland som har vore nytta til kjende julesalmar frå mellomalderhymnen «Et barn er født i Betlehem», via «Christi naaderlige fødsel» av Petter Dass til nynorske salmar av Elias Blix. Nokre av melodiane kjenner me variantar av frå andre stader i landet, men dei fleste vil verka heilt ukjende for dei fleste av oss. Og nettopp det er atter ei påminning om kor mykje god musikk som finst i form av gamle noteoppskrifter og lydbandopptak som ventar på å bli tatt i bruk.
Felespelaren Susanne Lundeng er mest kjend for – på den eine sida – høgenergiske framføringar av nordlandspols, og – på den andre sida – smektande stillferdige folketonar. Men på denne plata er ho først og fremst songar, og syngemåten er enkel og nøktern – noko som styrker tekstformidlinga.
Sjølv om dette handlar om eldre melodiar og tekstar, er arrangement og produksjon i høg grad prega av dei mangfaldige røynslene til dei tre musikarane. Organist Bjørn Andor Drage har i tillegg til sin klassiske bakgrunn drive med improvisasjon og populærmusikk, og Nils-Olav Johansen er ein jazzgitarist som òg har jobba mykje med balkanmusikk, mellom anna som medlem av Farmers Market.
Stilistisk er ikkje dette særleg originalt, nettopp fordi svært mange som lagar nye plater baserte på folkemusikk, gjer det ved å blanda saman impulsar frå til dømes tidlegmusikk, jazz og populærmusikk utan at det er så lett å kategorisera. Slik sett føyer plata seg inn i den store straumen av stilblanding, men ho forsvarar likevel plassen sin ved å visa korleis verdfulle tekstar og melodiar atter kan verta aktualiserte i møte med gode utøvarar.
Sigbjørn Apeland
Sigbjørn Apeland er musikar, musikkvitar og fast musikk-
meldar i Dag og Tid.
Fleire artiklar
Christian Treutmann-orgelet frå 1737 i stiftskyrkja St. Georg i Grauhof.
Foto via Wikimedia Commons
Monumental pedal
Masaaki Suzukis frasering gjev rom for smertelege dissonansar.
Trålar utanfor Måløy sentrum.
Foto: Gorm Kallestad / NTB
Barents blues, også et flytende samfunn
Min tiårige til-og-fra-periode i den tøffe trålbobla har preget meg nokså sterkt.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Salman Rushdie har skrive 15 romanar. Den siste boka handlar om knivåtaket på han i 2022.
Foto: Rachel Eliza Griffiths
Ein takk til livet
Salman Rushdie nyttar språket som terapi.