Hip-hop

CupcakKe :

Eden

Uavhengig utgjeving

Chicago-artisten CupcakKe kom ut med nye album multiple gonger i 2018 – først med Ephorize i januar, deretter med Eden mot slutten av året, og sanneleg dukka det ikkje brått opp eit nytt spor på internettet i januar: «Squidward Nose», som ikkje berre har den Midtausen-inspirerte dabke- og raggaetonaktige beaten til felles med «Garfield», eit av dei mest umiddelbart fengjande låtane frå Eden-albumet: Ver åtvara, ingen av desse musikkstykka er noko for motfalne øyro. «Squidward Nose» brukar nasen til Svampebob Firkants blekksprutkompis (på norsk kjend som Bleke Fangarm) som målestokk for mannlege kjønnsorgan, og på liknande vis vil ein aldri meir kunne gruble over Pusurs fedme med uforderva sinn etter å ha fått refrenget til «Garfield» på hjernen.

Men lat det ikkje vere tvil kring dette: CupcakKe, eller Elizabeth Eden Harris, er ein stor artist i både bokstaveleg og overført tyding. Med sitt enorme verbale talent meistrar ho å setje i hop maskingeværaktige rim grovare enn dei fleste, på same tid som ho utfordrar og utvidar det smale kroppsidealet som herskar i popkulturen. Og dersom lyttaren meistrar å høyre gjennom kroppsvæskene som flyt over, i og mellom linene, vil ein finne flust med viktige og usedvanlege kritiske perspektiv i tillegg til opprop om inkludering, openheit og evne til å sjå verdi i det som finst utanfor normalen – «A unique-thinking individual strongly matters», som ho seier i låta «A.U.T.I.S.M.».

Rasmus Hungnes

Rasmus Hungnes er musikar og fast musikkmeldar i Dag og Tid.