Urdudisco
Ein tverrkulturell synthpopskatt er tatt ut or gløymeboka.
New Wave
Nermin Niazi og Feisal Mosleh:
Disco Se Aagay
Discostan
I 1984 blei LP-en Disco Se Aagay, signert den Birmingham-baserte britisk-pakistanske duoen Nermin Niazi og Feisal Mosleh, lansert. Tittelen, på urdu tyder noko i retning av «bortanfor disco», og musikken er ei smakfull miks av discopåverka new wave og pakistansk musikktradisjon. Duoen, som den gongen var 14 og 19 år, opptredde på BBC, men gjekk likevel i den store kulturelle gløymeboka. No har Discostan, eit «diasporisk diskotek» som utforskar Vest-Asias og Nord-Afrikas soniske landskap gjennom radioprogram, arkiv, scene og plateselskap, gitt ut musikken på nytt.
Ved sida av vokalen på urdu er lydbiletet hovudsakleg samansett av spretne bassliner, trommemaskiner og synthesizerar som vi kjenner frå 80-tals postpunk. Der mange samtidige britiske new-wave-band – Depeche Mode, New Order og The Human League, til dømes – uttrykker ambivalensen mellom maskinell depresjon og elektronisk eskapisme, utstråler Disco Se Aagay ein djup varme som kjennest genuin.
Arshia Fatima Haq, den Los Angeles-baserte kunstnaren som driv Discostan-prosjektet, fann LP-en frå 1984 ved eit slumpetreff, og nyutgjevinga er gjord i samarbeid med artistane. Det er noko bittersøtt ved tanken på all den unike musikken frå fortida som kanskje aldri blir gjenoppdaga, men arbeidet til dei moderne musikkarkeologane som vert kalla «crate diggers», skal vi vere takksame for.
Disco Se Aagay er ei plate alle med sans for synthpop, italo-disco og postpunk burde unne seg å høyre på.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
New Wave
Nermin Niazi og Feisal Mosleh:
Disco Se Aagay
Discostan
I 1984 blei LP-en Disco Se Aagay, signert den Birmingham-baserte britisk-pakistanske duoen Nermin Niazi og Feisal Mosleh, lansert. Tittelen, på urdu tyder noko i retning av «bortanfor disco», og musikken er ei smakfull miks av discopåverka new wave og pakistansk musikktradisjon. Duoen, som den gongen var 14 og 19 år, opptredde på BBC, men gjekk likevel i den store kulturelle gløymeboka. No har Discostan, eit «diasporisk diskotek» som utforskar Vest-Asias og Nord-Afrikas soniske landskap gjennom radioprogram, arkiv, scene og plateselskap, gitt ut musikken på nytt.
Ved sida av vokalen på urdu er lydbiletet hovudsakleg samansett av spretne bassliner, trommemaskiner og synthesizerar som vi kjenner frå 80-tals postpunk. Der mange samtidige britiske new-wave-band – Depeche Mode, New Order og The Human League, til dømes – uttrykker ambivalensen mellom maskinell depresjon og elektronisk eskapisme, utstråler Disco Se Aagay ein djup varme som kjennest genuin.
Arshia Fatima Haq, den Los Angeles-baserte kunstnaren som driv Discostan-prosjektet, fann LP-en frå 1984 ved eit slumpetreff, og nyutgjevinga er gjord i samarbeid med artistane. Det er noko bittersøtt ved tanken på all den unike musikken frå fortida som kanskje aldri blir gjenoppdaga, men arbeidet til dei moderne musikkarkeologane som vert kalla «crate diggers», skal vi vere takksame for.
Disco Se Aagay er ei plate alle med sans for synthpop, italo-disco og postpunk burde unne seg å høyre på.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Fleire artiklar
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.