Trio av internasjonalt format
Albumet Being byr på leik og perfeksjon i sjeldan blanding.
Jazz
Eyolf Dale:
Being
Eyolf Dale, piano og ampli-celeste, Per Zanussi, bass og sag og Audun Kleive, trommer.
Edition Records EDN1167
Eyolf Dale har med åra utvikla seg til å bli ein av dei fremste jazzpianistane her på berget. Det er ikkje berre som pianist han har teke store steg. Han framstår også som ein særs interessant komponist og arrangør gjennom samarbeidet med Scheen jazzorkester og hans eigen Wolf Valley-oktett.
Både komposisjonane og arrangementa står sentralt i denne bautaen av ei trioplate, men det er den spontane skapinga av musikk mellom tre musikantar fullstendig på bølgelengd som gjer at plata hevar seg godt over gjennomsnittet.
Kommunikasjonen gjev ein leiken fridom som trioen aldri tøyer for langt. Dei er lojale mot det heilskaplege. Arrangementa er minimalistiske, og ein sit aldri att med kjensla av at dei har lagt rigide grenser for den improvisatoriske tilnærminga. Trioen greier det kunststykket å skapa åtte tilnærma formfullenda stykke og likevel etterlata seg inntrykket av at dette er skapt i uendeleg stor fridom.
«Ace» er ein Jarrettsk vamp som etter kvart tek overraskande vendingar og fører Dale og Kleive inn i nærkamp med Zanussi, som det groovande ankeret. I den sambaliknande «Northern Brewer» viser Dale fram Bill Evans-sida av pianospelet sitt.
Ingen kan som Kleive groova så frenetisk med eit par vispar og ei skarptromme, og Zanussi dansar av garde med effektiv bruk av pausar og registeret på bassen. I hyllinga til Misha Alperin, «Behind 315», skapar Zanussi fantastisk musikk med sag. Oftast er dette «instrumentet» brukt som ein gimmick, men her er det i front på eit av dei sterkaste stykka på plata. Åtte krutsterke meldingar!
Lars Mossefinn
Lars Mossefinn er lærar ved Voss gymnas og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Eyolf Dale:
Being
Eyolf Dale, piano og ampli-celeste, Per Zanussi, bass og sag og Audun Kleive, trommer.
Edition Records EDN1167
Eyolf Dale har med åra utvikla seg til å bli ein av dei fremste jazzpianistane her på berget. Det er ikkje berre som pianist han har teke store steg. Han framstår også som ein særs interessant komponist og arrangør gjennom samarbeidet med Scheen jazzorkester og hans eigen Wolf Valley-oktett.
Både komposisjonane og arrangementa står sentralt i denne bautaen av ei trioplate, men det er den spontane skapinga av musikk mellom tre musikantar fullstendig på bølgelengd som gjer at plata hevar seg godt over gjennomsnittet.
Kommunikasjonen gjev ein leiken fridom som trioen aldri tøyer for langt. Dei er lojale mot det heilskaplege. Arrangementa er minimalistiske, og ein sit aldri att med kjensla av at dei har lagt rigide grenser for den improvisatoriske tilnærminga. Trioen greier det kunststykket å skapa åtte tilnærma formfullenda stykke og likevel etterlata seg inntrykket av at dette er skapt i uendeleg stor fridom.
«Ace» er ein Jarrettsk vamp som etter kvart tek overraskande vendingar og fører Dale og Kleive inn i nærkamp med Zanussi, som det groovande ankeret. I den sambaliknande «Northern Brewer» viser Dale fram Bill Evans-sida av pianospelet sitt.
Ingen kan som Kleive groova så frenetisk med eit par vispar og ei skarptromme, og Zanussi dansar av garde med effektiv bruk av pausar og registeret på bassen. I hyllinga til Misha Alperin, «Behind 315», skapar Zanussi fantastisk musikk med sag. Oftast er dette «instrumentet» brukt som ein gimmick, men her er det i front på eit av dei sterkaste stykka på plata. Åtte krutsterke meldingar!
Lars Mossefinn
Lars Mossefinn er lærar ved Voss gymnas og fast jazzmeldar i Dag og Tid.
Fleire artiklar
Judith Butler er filosof og ein frontfigur innanfor kjønnsteori.
Foto: Elliott Verdier / The New York Times / NTB
Ein endrar ikkje naturen med talemåtar
Dombås Hotell brenn 19. mai 2007.
Foto: Kari Anette Austvik / NTB
Frå bridgeverda: Svidd utgang
Kjersti Halvorsen er psykolog og forfattar.
Foto: Lina Hindrum
Fadesar og fasadar
Roboten blir til mens vi ror.
Det er naturleg å rykkja til når ein skjønar at laget ein spelar eller heiar på, rykkjer ned (jf. opprykk, nedrykk), skriv Kristin Fridtun. Her tek Ranheims Mads Reginiussen til tårene etter nedrykk i eliteseriekampen i fotball mellom Rosenborg og Ranheim på Lerkendal Stadion (3-2).
Foto: Ole Martin Wold / NTB
I rykk og napp
Det er naturleg å rykkja til når ein skjønar at laget ein spelar eller heiar på, rykkjer ned.
Ein soldat ber eit portrett av den drepne våpenbroren og aktivisten Pavel Petrisjenko i gravferdsseremonien hans i Kyiv 19. april. Petrisjenko døydde i kamp mot russiske okkupantar aust i Ukraina. Han er tidlegare omtalt i denne spalta fordi han arbeidde for å stogge pengespel som finansiering av det ukrainske forsvaret.
Foto: Valentyn Ogirenko / Reuters / NTB
Hagen til Kvilinskyj finst ikkje lenger
Alle historier, det gjeld òg dei som ser ut til å ha nådd slutten, har eit framhald.