To stk. komikkmusikk
To ganske like komikarar lagar heilt ulik musikk.
Elektronisk
musikk
BLARF
Cease and Desist
Stones Throw Records
Rock
Tim Heidecker
What the Brokenhearted Do
Jagjaguwar Records
To av dagens mest forvitnelege komikarar er ute med ny musikk. Blarf, ein klovnekarakter med røff språkbruk i Ronald McDonald-kostyme, nektar rett nok for at han er den han er, men det herskar ingen tvil om at det er Eric André, vert for det absurde og uhemma frekke talk-, stunt- og sketsjshowet Eric André Show, som skjuler seg bak sminke og parykk.
André er utdanna kontrabassist, men musikken som blir servert her, kan best kallast mashup, ein samplebasert stilart der nye uttrykk blir laga ved å stable allereie eksisterande (musikalske) element oppå kvarandre og mose dei i hop. Her blir vitsar av standupkomikarar som Richard Pryor og temasongar frå filmar som Rosemary’s Baby blanda saman med hardtslåande jazztrommesamplingar, intenst feedbackarbeid og ihuga rap, og resultatet er faktisk blant det betre mashuparbeidet underteikna nokosinne har høyrt. Dette er vanvittig solide, om enn ganske så intense greier, tufta på djup innsikt i eit breitt spekter av uttrykk.
Medan Tim Heidecker, den eine halvdelen av Tim & Eric Awesome Show, til vanleg lagar like uhemma humor som André – sketsjar av typen som ikkje eignar seg som taffelfilm under noko som helst slags form for måltid – går den siste musikkutgjevinga hans i ei ganske anna retning: What the Brokenhearted Do er, samanlikna med Blarfs heller brutale lydkollasjar, av det trauste slaget. Likar du James Taylor, så likar du truleg dette overraskande habile singer-songwriter-handverket, kjenslevart og blotta for det parodiske.
Rasmus Hungnes
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk
musikk
BLARF
Cease and Desist
Stones Throw Records
Rock
Tim Heidecker
What the Brokenhearted Do
Jagjaguwar Records
To av dagens mest forvitnelege komikarar er ute med ny musikk. Blarf, ein klovnekarakter med røff språkbruk i Ronald McDonald-kostyme, nektar rett nok for at han er den han er, men det herskar ingen tvil om at det er Eric André, vert for det absurde og uhemma frekke talk-, stunt- og sketsjshowet Eric André Show, som skjuler seg bak sminke og parykk.
André er utdanna kontrabassist, men musikken som blir servert her, kan best kallast mashup, ein samplebasert stilart der nye uttrykk blir laga ved å stable allereie eksisterande (musikalske) element oppå kvarandre og mose dei i hop. Her blir vitsar av standupkomikarar som Richard Pryor og temasongar frå filmar som Rosemary’s Baby blanda saman med hardtslåande jazztrommesamplingar, intenst feedbackarbeid og ihuga rap, og resultatet er faktisk blant det betre mashuparbeidet underteikna nokosinne har høyrt. Dette er vanvittig solide, om enn ganske så intense greier, tufta på djup innsikt i eit breitt spekter av uttrykk.
Medan Tim Heidecker, den eine halvdelen av Tim & Eric Awesome Show, til vanleg lagar like uhemma humor som André – sketsjar av typen som ikkje eignar seg som taffelfilm under noko som helst slags form for måltid – går den siste musikkutgjevinga hans i ei ganske anna retning: What the Brokenhearted Do er, samanlikna med Blarfs heller brutale lydkollasjar, av det trauste slaget. Likar du James Taylor, så likar du truleg dette overraskande habile singer-songwriter-handverket, kjenslevart og blotta for det parodiske.
Rasmus Hungnes
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?