Tankar og bøner
Markant politisk sørstatsrock frå Drive-By Truckers.
Drive-By Truckers er eit alternativt rockeband frå Athen i USA.
Foto: Andy Tennile
Rock
Drive-By
Truckers:
The Unraveling
ATO / Border
«Thougths and prayers». Du har kanskje høyrt frasen? Han dukkar opp, i sosiale medium og i kondolansar i andre kanalar, ikkje minst frå politikarar, med kvar ny tragedie. I ein nordamerikansk kontekst har særleg orda raskt dukka opp når nok ei masseskyting flimrar over skjermane, som respons til desse botnlause tragediane som berre latar til å kome med tettare frekvens.
Låtskrivar Patterson Hood i Drive-By Truckers har bite seg merke i denne kanskje ikkje alltid så forpliktande bruken av ord, som nokon har referert til som «slacktivism», for «Thoughts and Prayers» er også fjerde låt på The Unraveling, det ferske albumet frå bandet.
I Hoods hender får frasen noko beiskt og holt over seg, som i ei forflata, automatisert medkjensle med patriotiske undertonar, før han i dei siste verselinene avskriv tankar og bøner som nyttelause. «Thoughts and Prayers» er ein bitande, direkte og kraftfull song.
Avmakt og avsky
The Unraveling, det tolvte studioalbumet frå Drive-By Truckers, følgjer American Band (2016) og er like markant politisk, takka vere grunntonen låtskrivarane og dei formative medlemmane i bandet – songarane og gitaristane Hood og Mike Cooley – valde seg. Der den førre plata peikte fram mot dei siste turbulente åra under Trump, er den nye skriven i vrakrestane, for å sitere bandet sjølv i ei pressemelding.
Det kan vi ta ganske bokstavleg, viser det seg, ikkje minst med «Babies in Cages», som berre ved å mane fram biletet i tittelen gir ord til ei overveldande kjensle av avmakt og avsky. Hood refererer sjølvsagt til Trump-administrasjonens separasjonspolitikk: «Wrapped up in a tinfoil blanket without any shoes/ babies in cages».
«21st Century» teiknar eit bilete av eit generisk amerikansk bylandskap prega av dei store kjedene, og difor lik alle andre byar, der folk arbeider livet av seg for å få endane til å møtest, med stadig mindre å rutte med.
Mykje tristesse og agg, altså, kompromisslaust uttrykt i hjartet av Trumps USA, i eit stykke radiovennleg, men subversiv sørstatsrock. Hood er vel trøytt av å høyre det, men han er jo nærast fødd inn i uttrykket, oppvaksen som han er i Muscle Shoals i Alabama, og son av bassist David Hood, som var med på å lage ei rekkje ikoniske rockeutgivingar i den vesle musikkbyen i si tid. Innspelinga er gjort i september 2018 i Sam Phillips Recording Service i Memphis.
Viktig
Drive-By Truckers står i 2020-utgåva fram som tett og hardtslåande, med Matt Patton på bass, Jay Gonzalez på strengar (og mangt anna) og Brad Morgan på trommer. Fleire gjestar spelar også mindre, men likevel viktige roller, mellom dei Cody Dickinson (North Mississippi All-Stars), som med eit elektrisk vaskebrett i hendene får nett «Babies in Cages» til å høyrest akkurat så uhyggeleg ut som han skal. The Unraveling kjem til å verte ståande som ei av dei viktigaste rockeplatene i 2020.
Øyvind Vågnes
Øyvind Vågnes er forfattar og fast musikkskribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock
Drive-By
Truckers:
The Unraveling
ATO / Border
«Thougths and prayers». Du har kanskje høyrt frasen? Han dukkar opp, i sosiale medium og i kondolansar i andre kanalar, ikkje minst frå politikarar, med kvar ny tragedie. I ein nordamerikansk kontekst har særleg orda raskt dukka opp når nok ei masseskyting flimrar over skjermane, som respons til desse botnlause tragediane som berre latar til å kome med tettare frekvens.
Låtskrivar Patterson Hood i Drive-By Truckers har bite seg merke i denne kanskje ikkje alltid så forpliktande bruken av ord, som nokon har referert til som «slacktivism», for «Thoughts and Prayers» er også fjerde låt på The Unraveling, det ferske albumet frå bandet.
I Hoods hender får frasen noko beiskt og holt over seg, som i ei forflata, automatisert medkjensle med patriotiske undertonar, før han i dei siste verselinene avskriv tankar og bøner som nyttelause. «Thoughts and Prayers» er ein bitande, direkte og kraftfull song.
Avmakt og avsky
The Unraveling, det tolvte studioalbumet frå Drive-By Truckers, følgjer American Band (2016) og er like markant politisk, takka vere grunntonen låtskrivarane og dei formative medlemmane i bandet – songarane og gitaristane Hood og Mike Cooley – valde seg. Der den førre plata peikte fram mot dei siste turbulente åra under Trump, er den nye skriven i vrakrestane, for å sitere bandet sjølv i ei pressemelding.
Det kan vi ta ganske bokstavleg, viser det seg, ikkje minst med «Babies in Cages», som berre ved å mane fram biletet i tittelen gir ord til ei overveldande kjensle av avmakt og avsky. Hood refererer sjølvsagt til Trump-administrasjonens separasjonspolitikk: «Wrapped up in a tinfoil blanket without any shoes/ babies in cages».
«21st Century» teiknar eit bilete av eit generisk amerikansk bylandskap prega av dei store kjedene, og difor lik alle andre byar, der folk arbeider livet av seg for å få endane til å møtest, med stadig mindre å rutte med.
Mykje tristesse og agg, altså, kompromisslaust uttrykt i hjartet av Trumps USA, i eit stykke radiovennleg, men subversiv sørstatsrock. Hood er vel trøytt av å høyre det, men han er jo nærast fødd inn i uttrykket, oppvaksen som han er i Muscle Shoals i Alabama, og son av bassist David Hood, som var med på å lage ei rekkje ikoniske rockeutgivingar i den vesle musikkbyen i si tid. Innspelinga er gjort i september 2018 i Sam Phillips Recording Service i Memphis.
Viktig
Drive-By Truckers står i 2020-utgåva fram som tett og hardtslåande, med Matt Patton på bass, Jay Gonzalez på strengar (og mangt anna) og Brad Morgan på trommer. Fleire gjestar spelar også mindre, men likevel viktige roller, mellom dei Cody Dickinson (North Mississippi All-Stars), som med eit elektrisk vaskebrett i hendene får nett «Babies in Cages» til å høyrest akkurat så uhyggeleg ut som han skal. The Unraveling kjem til å verte ståande som ei av dei viktigaste rockeplatene i 2020.
Øyvind Vågnes
Øyvind Vågnes er forfattar og fast musikkskribent i Dag og Tid.
Fleire artiklar
Teikning: May Linn Clement
Historieforvanskingar
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.