Songar om svik
Sunhae Im er suveren i rolla som dronninga av Kartago.
Kraftig koloratur: Den sørkoreanske lyriske sopranen Sunhae Im.
Foto: EMK Entertainment
CD
Hasse, Sarro, Ristori, Faggioli, Vinci, Jomelli, Venier, Porpora, Tartini:
Didone abbandonata
Sunhae Im, sopran; Teatro del mondo; cembalo og leiing: Andreas Küppers. CPO 2019.
Ho er ein av dei største tragiske kvinnefigurane i antikken, skildra i den romerske diktaren Vergils epos Æneiden: Dido, dronninga av Kartago, som blir sviken av mannen ho elskar, den trojanske helten Æneas. Fortvila kastar ho seg på bålet, der ho – for å vera på den sikre sida – drep seg med sverd. Finst der ei betre historie for ein barokk opera?
Den italienske diktaren Pietro Metastasio (1698–1782) lét seg inspirera. Soga handlar om brennande kjærleik versus botnlaus sorg, von versus vonløyse og ikkje minst om konflikten mellom fornuft og kjensler. Det var nemleg pliktkjensla andsynes gudane – pietas på latin – som fekk Æneas til å svikta Dido, for lagnaden hans var å grunnleggja Romarriket. Metastasio nytta historia i sin fyrste libretto (operatekst) Didone abbandonata, «Den forlatne Dodo» (1723).
Uvanleg fleksibel
Metastasios libretto blei tonesett over 60 gonger i operaar og kantatar. Den tyske dirigenten Andreas Küppers og ensemblet Teatro del mondo har difor hatt nok å velja mellom til albumet Didone abbandonata, som inneheld ariar frå ulike Dido-tonesetjingar.
Heltinna blir sungen av den sørkoreanske sopranen Sunhae Im, som er eit namn ein lyt merka seg. For når det gjeld det dramatiske, er røysta hennar uvanleg fleksibel. Dei fleste operasongarar er nemleg enten best i fyrig-dramatiske ariar, eller i dei langsame og følsame. Dette gjeld til dømes den vidgjetne italienske mezzosopranen Cecilia Bartoli. Ho er suveren i virtuose koloraturariar, men i langsame satsar greier ho liksom ikkje å gira ned. Sunhae Im, derimot, får det til, noko som kan eksemplifiserast gjennom to av Dido-ariane.
Truverdige affektar
Albumet byrjar med «Ombra Cara» frå Dido-operaen til tyske Johann Adolf Hasse (1699–1783), ein av dei fremste representantane for den overdådige napolitanske operastilen. Arien er i moderat tempo og blir spelt med dempa uttrykk av Teatro del mondo – Hasse har då òg føreskrive bruk av sordinar, små dempeklossar som blir sette på strengene hjå strykarane. Dette milde uttrykket greier sopranen å imitera, med mjuke vokalar og minimal vibratobruk som smeltar samen med fiolinklangen.
Kontrasten er stor til arien «Son Regina» av den for meg ukjende venetianske komponisten Girolamo Venier (1650–1735). Her er Dido på sitt mest kampdjerve, med eldfull koloratur akkompagnert av lynande fiolintiradar. Også her demonstrerer Sunhae Im kvalitetane som gjer albumet så vakkert, nemleg evna til å tilpassa uttrykket sitt til orkesteret, uansett tempo. Heilskaplege og kontrastrike affektar er resultatet.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
CD
Hasse, Sarro, Ristori, Faggioli, Vinci, Jomelli, Venier, Porpora, Tartini:
Didone abbandonata
Sunhae Im, sopran; Teatro del mondo; cembalo og leiing: Andreas Küppers. CPO 2019.
Ho er ein av dei største tragiske kvinnefigurane i antikken, skildra i den romerske diktaren Vergils epos Æneiden: Dido, dronninga av Kartago, som blir sviken av mannen ho elskar, den trojanske helten Æneas. Fortvila kastar ho seg på bålet, der ho – for å vera på den sikre sida – drep seg med sverd. Finst der ei betre historie for ein barokk opera?
Den italienske diktaren Pietro Metastasio (1698–1782) lét seg inspirera. Soga handlar om brennande kjærleik versus botnlaus sorg, von versus vonløyse og ikkje minst om konflikten mellom fornuft og kjensler. Det var nemleg pliktkjensla andsynes gudane – pietas på latin – som fekk Æneas til å svikta Dido, for lagnaden hans var å grunnleggja Romarriket. Metastasio nytta historia i sin fyrste libretto (operatekst) Didone abbandonata, «Den forlatne Dodo» (1723).
Uvanleg fleksibel
Metastasios libretto blei tonesett over 60 gonger i operaar og kantatar. Den tyske dirigenten Andreas Küppers og ensemblet Teatro del mondo har difor hatt nok å velja mellom til albumet Didone abbandonata, som inneheld ariar frå ulike Dido-tonesetjingar.
Heltinna blir sungen av den sørkoreanske sopranen Sunhae Im, som er eit namn ein lyt merka seg. For når det gjeld det dramatiske, er røysta hennar uvanleg fleksibel. Dei fleste operasongarar er nemleg enten best i fyrig-dramatiske ariar, eller i dei langsame og følsame. Dette gjeld til dømes den vidgjetne italienske mezzosopranen Cecilia Bartoli. Ho er suveren i virtuose koloraturariar, men i langsame satsar greier ho liksom ikkje å gira ned. Sunhae Im, derimot, får det til, noko som kan eksemplifiserast gjennom to av Dido-ariane.
Truverdige affektar
Albumet byrjar med «Ombra Cara» frå Dido-operaen til tyske Johann Adolf Hasse (1699–1783), ein av dei fremste representantane for den overdådige napolitanske operastilen. Arien er i moderat tempo og blir spelt med dempa uttrykk av Teatro del mondo – Hasse har då òg føreskrive bruk av sordinar, små dempeklossar som blir sette på strengene hjå strykarane. Dette milde uttrykket greier sopranen å imitera, med mjuke vokalar og minimal vibratobruk som smeltar samen med fiolinklangen.
Kontrasten er stor til arien «Son Regina» av den for meg ukjende venetianske komponisten Girolamo Venier (1650–1735). Her er Dido på sitt mest kampdjerve, med eldfull koloratur akkompagnert av lynande fiolintiradar. Også her demonstrerer Sunhae Im kvalitetane som gjer albumet så vakkert, nemleg evna til å tilpassa uttrykket sitt til orkesteret, uansett tempo. Heilskaplege og kontrastrike affektar er resultatet.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Fleire artiklar
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Sofi Oksanen er av dei forfattarane som har fått flest prisar i Norden. Bøkene hennar er omsette til 46 språk. Biletet er frå bokmessa i Wien i 2022.
Foto: Nicola Montfort / Wikimedia Commons
Vald mot kvinner som våpen
Sofi Oksanen ønskte å skrive ei bok som er tilgjengeleg for vanlege lesarar, som kan lesast utan kart og utan at ein treng følgje krigsnyhenda dag for dag. At essayet Putins krig mot kvinner skulle bli så skremmande, såg ho ikkje heilt for seg.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.