Sokkelesten ut or sofakroken
Unik klubbmusikk frå Sør-Afrika tar verdas stovegolv med storm.
Frå det sørafrikanske musikkbiletet kjenner vi humor-rap-gruppa Die Antwoord, som med tekstar på afrikaans og engelsk med tjukk afrikaansaksent, spelar hardt på harry estetikk lånt frå 90-tals eurodance og sørafrikansk rånekultur.
Dei siste åra har ein dunkel klubbmusikksjanger frå Durban, kalla gqom, blitt popularisert på dansegolv rundt den ganske verda. For tida er ampiano, ein avart av house, loungemusikk og jazz, svært populær på den sørafrikanske klubbmusikkscena. Og no har den 20 år unge produsenten DJ Black Low sleppt debutplata si, Uwami, på plateselskapet Tapes From Africa.
Uwami er ein interessant affære. Den unge produsenten hentar inspirasjon frå ampiano, men driv fri omgang med sjangerkonvensjonane. Dei drivande rytmane er spekka med smakfulle variasjonar og vokal (av forskjellige songarar med tekstar på språk som sepedi, setswana og isizulu). Akustisk perkusjon vert blanda, eller, med tanke på den trillande skarptrommeprogrammeringa, kvervla saman med elektroniske etterlikningar av ymse instrument av så syntetisk karakter at det stundom nærast læt som lydane er støypte i den reinaste plastikk.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
