Samtidssongar
Hege Høisæter syng ny norsk musikk med poesi frå Hölderlin til Fosse.
Mezzosopranen Hege Høisæter syng norske samtidssongar.
Foto: Anna-Julia Granberg
CD
Kverndokk, Mørk Karlsen, Skoun, Sleeper, Sparre Olsen, Wallin:
Jordlys
Hege Høisæter, mezzo-
sopran; m.fl. Lawo 2019.
Den bergenske songaren Hege Høisæter gjev seg ikkje så lett. Etter at ho pensjonerte seg som solist ved Den Norske Opera og Ballett, er ho i gang med nye opera- og kammermusikkprosjekt. Denne spanande CD-en med samtidsmusikk for mezzosopran og ymse instrument er delvis komponert med røysta hennar i tankane. Alle komponistane er nolevande nordmenn, med to unntak: Éin er avliden, Sparre Olsen frå Stavanger, og éin er utlending, Thomas Sleeper (fødd 1956) frå USA. Lat oss byrja med desse.
Melodiske hikst
Sparre Olsen fylgde i studietida i Berlin undervisinga til stordomar som Arnold Schönberg og Paul Hindemith. Hans Trøytt hjarte, der han toneset tre Jan-Magnus Bruheim-dikt for song og klarinett, er eterisk intime. Dette er ekte duoar mellom instrument og røyst, både når det gjeld strukturen i satsen (to likeverdige melodiar) og den klanglege jamstillinga (stemmene opererer i same register). Høisæter syner god teknisk evne til å tilpassa seg klarinetten, som blir mjukt spelt av oslooperaens soloklarinettist Andjei Maevski.
Thomas Sleepers Triptych for song og cello har verkeleg form av eit triptykon, ei tredelt altartavle med midtparti og to sidefløyer som kan lukkast som eit skap. Spesielt for tonesetjinga av Rainer Maria Rilke-dikta frå Das Marienleben (1913) er at midtpartiet, som komponisten kallar «Crucifixus», er for cello åleine. Fin er tolkinga av det andre Rilke-diktet «Pietà», som svarar til triptykonets høgre sidefløy. Høisæter og cellisten Frida Frederikke Waaler Wærvågen framfører dette med fri frasering som gjev rom for såre melodiske hikst.
Opp or djupna
Fleire songar er altså skrivne spesielt til Høisæter, og me kan difor gå ut frå at dei er tilpassa den mogne, vektige røysta hennar. Mellom dei er Kjell Mørk Karlsens (fødd 1947) Engel og stjerne, òg for song og cello. Desse tonesetjingane av fem dikt frå Jon Fosses samling Stein til stein (2013) har spesielt varierte celloparti som fungerer som kontrapunkt til den jamne songen: Fyrste satsen «Dette eine» er minimalistisk, med ein cello som ligg roleg under røysta med éin lang akkord, før han bryt opp or djupna med ein stigande melodi som går direkte over i neste song, «Kvarandre». Også denne går direkte vidare, til «Jamne bølgjer», der det jamne er framstilt med regelfaste tonerekkjer i celloen. Vakrast både poetisk og musikalsk tykkjer eg det fjerde diktet «Engel og stjerne» er – her brusar celloen med brotne akkordfigurar, livfulle som preludia til J.S. Bachs cellosuitar.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
CD
Kverndokk, Mørk Karlsen, Skoun, Sleeper, Sparre Olsen, Wallin:
Jordlys
Hege Høisæter, mezzo-
sopran; m.fl. Lawo 2019.
Den bergenske songaren Hege Høisæter gjev seg ikkje så lett. Etter at ho pensjonerte seg som solist ved Den Norske Opera og Ballett, er ho i gang med nye opera- og kammermusikkprosjekt. Denne spanande CD-en med samtidsmusikk for mezzosopran og ymse instrument er delvis komponert med røysta hennar i tankane. Alle komponistane er nolevande nordmenn, med to unntak: Éin er avliden, Sparre Olsen frå Stavanger, og éin er utlending, Thomas Sleeper (fødd 1956) frå USA. Lat oss byrja med desse.
Melodiske hikst
Sparre Olsen fylgde i studietida i Berlin undervisinga til stordomar som Arnold Schönberg og Paul Hindemith. Hans Trøytt hjarte, der han toneset tre Jan-Magnus Bruheim-dikt for song og klarinett, er eterisk intime. Dette er ekte duoar mellom instrument og røyst, både når det gjeld strukturen i satsen (to likeverdige melodiar) og den klanglege jamstillinga (stemmene opererer i same register). Høisæter syner god teknisk evne til å tilpassa seg klarinetten, som blir mjukt spelt av oslooperaens soloklarinettist Andjei Maevski.
Thomas Sleepers Triptych for song og cello har verkeleg form av eit triptykon, ei tredelt altartavle med midtparti og to sidefløyer som kan lukkast som eit skap. Spesielt for tonesetjinga av Rainer Maria Rilke-dikta frå Das Marienleben (1913) er at midtpartiet, som komponisten kallar «Crucifixus», er for cello åleine. Fin er tolkinga av det andre Rilke-diktet «Pietà», som svarar til triptykonets høgre sidefløy. Høisæter og cellisten Frida Frederikke Waaler Wærvågen framfører dette med fri frasering som gjev rom for såre melodiske hikst.
Opp or djupna
Fleire songar er altså skrivne spesielt til Høisæter, og me kan difor gå ut frå at dei er tilpassa den mogne, vektige røysta hennar. Mellom dei er Kjell Mørk Karlsens (fødd 1947) Engel og stjerne, òg for song og cello. Desse tonesetjingane av fem dikt frå Jon Fosses samling Stein til stein (2013) har spesielt varierte celloparti som fungerer som kontrapunkt til den jamne songen: Fyrste satsen «Dette eine» er minimalistisk, med ein cello som ligg roleg under røysta med éin lang akkord, før han bryt opp or djupna med ein stigande melodi som går direkte over i neste song, «Kvarandre». Også denne går direkte vidare, til «Jamne bølgjer», der det jamne er framstilt med regelfaste tonerekkjer i celloen. Vakrast både poetisk og musikalsk tykkjer eg det fjerde diktet «Engel og stjerne» er – her brusar celloen med brotne akkordfigurar, livfulle som preludia til J.S. Bachs cellosuitar.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.