Persisk poesi møter lyrisk jazz
Uttrykket er gjennomført heilskapleg med mange detaljar.
Verdsmusikk
Mahsa Vahdat:
Enlighten the Night
Kirkelig kulturverksted
Mahsa Vahdat er ein songar frå Iran som gjennom samarbeidet med Kirkelig kulturverksted og produsent Erik Hillestad har sunge mykje i Noreg og har fleire plateutgjevingar bak seg, ofte saman med systera Marjan Vahdat og komponist/arrangør Atabak Elyasi.
Sistnemnde står for det meste av arrangementa på denne plata, der Vahdat har laga melodiar til persisk lyrikk – både klassisk og nyskriven. Tekstane, som er omsette til engelsk i tekstheftet, handlar ofte om håp i ei mørk og vanskeleg verd. Og nett dette er noko Vahdat sjølv lever midt oppi, sidan ho – som kvinne – ikkje får opptre offentleg i heimlandet og difor er nøydd til å framføra songane sin i Europa og USA.
Lågmælt
Det er alvor og sterke kjensler som vert uttrykte, men likevel er det ei lågmælt form for formidling. Røysta til Vahdat er kraftfull, men mjuk og varm, og ho fell ikkje for freistinga til å overdriva ekspressiviteten.
Medmusikarane føyer seg fint inn i heilskapen. Tord Gustavsen er ein av dei fremste lyriske jazzpianistane våre for tida. Han serverer elegante improviserte melodilinjer mellom songfrasane og går aldri i vegen for formidlinga av tekst og melodi. Bassist Gjermund Silset og trommeslagar Kenneth Ekornes har òg denne evna til å gjera nett det som trengst for å skapa framdrift og balanse i uttrykket. Av og til høyrer me òg Shervin Mohajer på det persiske strengeinstrumentet kamancheh.
Velbalansert
Det er eit gjennomført heilskapleg uttrykk gjennom heile plata, og det er mange detaljar å gle seg over, både når det gjeld dei vokale og dei instrumentale prestasjonane. Det heile gjev eit noko polert inntrykk, men formidlinga er levande og tippar aldri over i det overflatiske. Dessutan er koplinga mellom tradisjonell persisk songstil og lyrisk jazz velbalansert, og lybiletet til teknikar Martin Abrahamsen er førsteklasses.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Verdsmusikk
Mahsa Vahdat:
Enlighten the Night
Kirkelig kulturverksted
Mahsa Vahdat er ein songar frå Iran som gjennom samarbeidet med Kirkelig kulturverksted og produsent Erik Hillestad har sunge mykje i Noreg og har fleire plateutgjevingar bak seg, ofte saman med systera Marjan Vahdat og komponist/arrangør Atabak Elyasi.
Sistnemnde står for det meste av arrangementa på denne plata, der Vahdat har laga melodiar til persisk lyrikk – både klassisk og nyskriven. Tekstane, som er omsette til engelsk i tekstheftet, handlar ofte om håp i ei mørk og vanskeleg verd. Og nett dette er noko Vahdat sjølv lever midt oppi, sidan ho – som kvinne – ikkje får opptre offentleg i heimlandet og difor er nøydd til å framføra songane sin i Europa og USA.
Lågmælt
Det er alvor og sterke kjensler som vert uttrykte, men likevel er det ei lågmælt form for formidling. Røysta til Vahdat er kraftfull, men mjuk og varm, og ho fell ikkje for freistinga til å overdriva ekspressiviteten.
Medmusikarane føyer seg fint inn i heilskapen. Tord Gustavsen er ein av dei fremste lyriske jazzpianistane våre for tida. Han serverer elegante improviserte melodilinjer mellom songfrasane og går aldri i vegen for formidlinga av tekst og melodi. Bassist Gjermund Silset og trommeslagar Kenneth Ekornes har òg denne evna til å gjera nett det som trengst for å skapa framdrift og balanse i uttrykket. Av og til høyrer me òg Shervin Mohajer på det persiske strengeinstrumentet kamancheh.
Velbalansert
Det er eit gjennomført heilskapleg uttrykk gjennom heile plata, og det er mange detaljar å gle seg over, både når det gjeld dei vokale og dei instrumentale prestasjonane. Det heile gjev eit noko polert inntrykk, men formidlinga er levande og tippar aldri over i det overflatiske. Dessutan er koplinga mellom tradisjonell persisk songstil og lyrisk jazz velbalansert, og lybiletet til teknikar Martin Abrahamsen er førsteklasses.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Fleire artiklar
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.