Original stemme
Musikken til Karoline Wallace minner om fillerya på omslaget.
Jazz
Karoline Wallace:
Lang vinter
Karoline Wallace, vokal; Arnfinn Gursli Langesæter, saksofon og klarinett; Helga Myhr, hardingfele, fele og vokal; Henriette Hvidsten Eilertsen, fløyte og vokal; Åsmund Løvland Solberg, pedal steel; Kjetil Jerve, piano; Bjørnar Kaldefoss Tveite, bass; Øystein Aarnes Vik, trommer
Øra Fonogram OF145
Karoline Wallace blei eg for alvor merksam på då ho gav ut Louder Than You i 2017. Lang vinter er den første plata i eige namn. Her har Wallace samla eit band med bakgrunn i norsk jazz og folkemusikk spesielt for denne innspelinga. Bandet har ikkje berre fått musikken under huda, men også det naivistiske estetiske universet som pregar mange av komposisjonane og tekstane hennar.
Tydelege idear
Komposisjonane varierer frå dei enkle melodisnuttane til lengre tematiske strekk med sære intervall og harmoniar. I kvar samanheng står klangutforsking sentralt i prosjektet til Wallace. Ho har eit spanande instrumentarium å dra vekslar på. I tillegg brukar ho dei tre kvinnerøystene på særs leikent og variert vis. Både «Ved kjøkkenbordet» og «Lo du» illustrerer dette poenget godt. Arrangementa byggjer på tydelege idear, men dei verkar langt meir lause i snippen enn dei faktisk er. Når ein ved nokre høve opplever pianist Kjetil Jerve i fri utfalding, tek ein seg i å ynskja meir av det.
Surrealisme
Tekstane er ein slags kvardagspoesi som aldri er meir enn ei armlengd unna surrealismen. Lyrikk med eit glimt i auge, som Siv Jensen ville ha sagt det. «Nå skal det fan bli vår» er poetisk vårlengt så god som nokon annan. Karoline Wallace har laga ei plate som overraskar og begeistrar.
Lars Mossefinn
Lars Mossefinn er lærar ved Voss gymnas og fast jazzmeldar i
Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Karoline Wallace:
Lang vinter
Karoline Wallace, vokal; Arnfinn Gursli Langesæter, saksofon og klarinett; Helga Myhr, hardingfele, fele og vokal; Henriette Hvidsten Eilertsen, fløyte og vokal; Åsmund Løvland Solberg, pedal steel; Kjetil Jerve, piano; Bjørnar Kaldefoss Tveite, bass; Øystein Aarnes Vik, trommer
Øra Fonogram OF145
Karoline Wallace blei eg for alvor merksam på då ho gav ut Louder Than You i 2017. Lang vinter er den første plata i eige namn. Her har Wallace samla eit band med bakgrunn i norsk jazz og folkemusikk spesielt for denne innspelinga. Bandet har ikkje berre fått musikken under huda, men også det naivistiske estetiske universet som pregar mange av komposisjonane og tekstane hennar.
Tydelege idear
Komposisjonane varierer frå dei enkle melodisnuttane til lengre tematiske strekk med sære intervall og harmoniar. I kvar samanheng står klangutforsking sentralt i prosjektet til Wallace. Ho har eit spanande instrumentarium å dra vekslar på. I tillegg brukar ho dei tre kvinnerøystene på særs leikent og variert vis. Både «Ved kjøkkenbordet» og «Lo du» illustrerer dette poenget godt. Arrangementa byggjer på tydelege idear, men dei verkar langt meir lause i snippen enn dei faktisk er. Når ein ved nokre høve opplever pianist Kjetil Jerve i fri utfalding, tek ein seg i å ynskja meir av det.
Surrealisme
Tekstane er ein slags kvardagspoesi som aldri er meir enn ei armlengd unna surrealismen. Lyrikk med eit glimt i auge, som Siv Jensen ville ha sagt det. «Nå skal det fan bli vår» er poetisk vårlengt så god som nokon annan. Karoline Wallace har laga ei plate som overraskar og begeistrar.
Lars Mossefinn
Lars Mossefinn er lærar ved Voss gymnas og fast jazzmeldar i
Dag og Tid.
Fleire artiklar
Små-ulovleg: Godtet er smått, men er denne reklamen retta mot små eller store menneske? Det kan få alt å seie dersom ei ny forskrift vert vedteken.
Foto: Cornelius Poppe / NTB
«Om høyringsinnspela frå Helsedirektoratet vert inkluderte, risikerer ein å kriminalisere heilt vanleg mat.»
To unge mormonmisjonærar, søster Paxton (Sophie Thatcher) og søster Barnes (Chloe East), blir tvinga til å setje trua si på prøve i møtet med herr Reed (Hugh Grant).
Foto: Ymer Media
«Mange av skrekkfilmane no til dags liknar meir på filmar frå syttitalet»
I tillegg til å vere forfattar er Kristina Leganger Iversen også litteraturvitar, samfunnsdebattant og omsetjar.
Foto: Sara Olivia Sanderud
Nedslåande sanning
Kristina Leganger Iversen leverer eit grundig studium av noko som burde vere opplagt for fleire.
Teikning: May Linn Clement
«Me har ikkje grunnlag for å seia at bokmålsbrukarar har kvassare penn enn andre, men nokre av dei evnar å kløyva kvass i to.»
Gjennom Hitlers progagandaminister Joseph Goebbels får vi eit innblikk i sanninga bak Nazi-Tysklands propagandamaskin.
Foto: Another World Entertainment
Propaganda på agendaen
Fører og forfører er ein drivande historietime om tidenes skumlaste skrønemakar.
Papiravisa