Opptur for Skarpeid
Den vanskelege andreplata er fleire hakk betre enn debuten.
Jazz/pop
Grete Skarpeid:
Beyond Other Stories
Grete Skarpeid, vokal; Aruán Ortiz, piano; Rob Waring, vibrafon og perkusjon; Cameron Brown, bass; Gerald Cleaver, trommer.
Origin Records 82813
Korleis det musikalske samarbeidet mellom Grete Skarpeid og Aruán Ortiz kom i stand, er eit moderne eventyr. 22. mars 2014 spelte Don Byron Quartet på Voss. Den cubanskætta pianisten Ortiz var med kvartetten som vikar, og etter konserten kom Skarpeid og Ortiz i prat. Skarpeid spelte nokre av songane sine som ho hadde lasta ned på Iphonen. Ortiz fatta meir enn høfleg interesse og blei orkesterleiar og arrangør då Skarpeid debuterte på det tyske plateselskapet Neuklang med My Songs i 2016.
På Beyond Other Stories har Skarpeid fått med seg eit stjernelag. Interessant er kombinasjonen vibrafon og piano. Dette gjev klangspekteret ein spesiell karakter og byr på rytmiske vriar på arrangementa. (Det er ikkje overraskande at ein får assosiasjonar til legendariske Steps Ahead?) Først og fremst er det med på å setja den glasklare røysta til Skarpeid i sentrum. Arrangementa er trugne mot det Skarpeid har å melda. Dei til tider finurlege tekstane følgjer ein lett, og alle fraseringsnyansar står fram som relieff i lydbiletet. At Skarpeid også er ein god tolkar av andre sine verk, syner ho i ein spenstig versjon av «My Favorite Things».
Skarpeid har ei skulert røyst, men ho har ein rytmisk spenst i fraseringa som gjer at ho passar perfekt inn i det musikalske landskapet. Sjølv om både Ortiz og Waring har sine improvisatoriske innsmett, er dette så til dei grader Skarpeid si plate, og ho leverer med bravur.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz/pop
Grete Skarpeid:
Beyond Other Stories
Grete Skarpeid, vokal; Aruán Ortiz, piano; Rob Waring, vibrafon og perkusjon; Cameron Brown, bass; Gerald Cleaver, trommer.
Origin Records 82813
Korleis det musikalske samarbeidet mellom Grete Skarpeid og Aruán Ortiz kom i stand, er eit moderne eventyr. 22. mars 2014 spelte Don Byron Quartet på Voss. Den cubanskætta pianisten Ortiz var med kvartetten som vikar, og etter konserten kom Skarpeid og Ortiz i prat. Skarpeid spelte nokre av songane sine som ho hadde lasta ned på Iphonen. Ortiz fatta meir enn høfleg interesse og blei orkesterleiar og arrangør då Skarpeid debuterte på det tyske plateselskapet Neuklang med My Songs i 2016.
På Beyond Other Stories har Skarpeid fått med seg eit stjernelag. Interessant er kombinasjonen vibrafon og piano. Dette gjev klangspekteret ein spesiell karakter og byr på rytmiske vriar på arrangementa. (Det er ikkje overraskande at ein får assosiasjonar til legendariske Steps Ahead?) Først og fremst er det med på å setja den glasklare røysta til Skarpeid i sentrum. Arrangementa er trugne mot det Skarpeid har å melda. Dei til tider finurlege tekstane følgjer ein lett, og alle fraseringsnyansar står fram som relieff i lydbiletet. At Skarpeid også er ein god tolkar av andre sine verk, syner ho i ein spenstig versjon av «My Favorite Things».
Skarpeid har ei skulert røyst, men ho har ein rytmisk spenst i fraseringa som gjer at ho passar perfekt inn i det musikalske landskapet. Sjølv om både Ortiz og Waring har sine improvisatoriske innsmett, er dette så til dei grader Skarpeid si plate, og ho leverer med bravur.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Christian Treutmann-orgelet frå 1737 i stiftskyrkja St. Georg i Grauhof.
Foto via Wikimedia Commons
Monumental pedal
Masaaki Suzukis frasering gjev rom for smertelege dissonansar.
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.