Ny leikekamerat for Molvær
Albumet Sulamadiana er enkelt, gjennomsiktig og kontemplativt.
Namnet på albumet til Mino Cinélu og Nils Petter Molvær er inspirert av heimstadene deira, høvesvis Madiana og Sula.
Foto: Craig Gallery / Peder Otto Dypvik
Jazz
Mino Cinélu og Nils Petter Molvær:
Sulamadiana
Mino Cinélu, perkusjon, gitar, fløyte og vokal; Nils Petter Molvær, trompet og elektronikk.
Modern Recordings
Molvær og Cinélu møttest i Tyrkia i 2015 og kom så godt på talefot at dei bestemte seg for å samarbeida musikalsk. Slike fromme ynske har det vore mange av, men to år seinare møttest dei på ein scene i Paris, og no blei orda gjorde om til handling. Innspelinga byrja i Oslo og blei sluttført i Cinélus studio i Brooklyn. Koronapandemien har gjeve dei utfordringar i etterarbeidet, men resultatet er ein glitrande miks av groovar og små melodisnuttar der Cinélus arsenal av akustiske perkusjonsinstrument passar perfekt til Molværs trompet og elektronikk.
Meditativt preg
Innimellom finn ein også små lyriske perler spelte rubato som bryt opp og understrekar det meditative preget til plata. «Le monde qui change» og «Theories of Dreaming» er to slike oasar i vandringa frå groove til groove.
Dei to har eit samanfallande syn på musikalsk dramaturgi. Båe forstår svært godt kva det vil seia å skunda seg langsamt. «New York Stroll» fortel det meste i så måte.
Ikkje overlest
Sjølv om dei to har eit utal perkusjonsinstrument og ditto elektroniske variantar til rådvelde, er produksjonen aldri overlest, sjølv ikkje på det mest hektiske og kaotiske i «Take The A# Train». «Rose of Jericho» er høgdepunktet på plata og syner kor enkelt og elegant det kan gjerast. It takes two to tango, men det er også nok.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Mino Cinélu og Nils Petter Molvær:
Sulamadiana
Mino Cinélu, perkusjon, gitar, fløyte og vokal; Nils Petter Molvær, trompet og elektronikk.
Modern Recordings
Molvær og Cinélu møttest i Tyrkia i 2015 og kom så godt på talefot at dei bestemte seg for å samarbeida musikalsk. Slike fromme ynske har det vore mange av, men to år seinare møttest dei på ein scene i Paris, og no blei orda gjorde om til handling. Innspelinga byrja i Oslo og blei sluttført i Cinélus studio i Brooklyn. Koronapandemien har gjeve dei utfordringar i etterarbeidet, men resultatet er ein glitrande miks av groovar og små melodisnuttar der Cinélus arsenal av akustiske perkusjonsinstrument passar perfekt til Molværs trompet og elektronikk.
Meditativt preg
Innimellom finn ein også små lyriske perler spelte rubato som bryt opp og understrekar det meditative preget til plata. «Le monde qui change» og «Theories of Dreaming» er to slike oasar i vandringa frå groove til groove.
Dei to har eit samanfallande syn på musikalsk dramaturgi. Båe forstår svært godt kva det vil seia å skunda seg langsamt. «New York Stroll» fortel det meste i så måte.
Ikkje overlest
Sjølv om dei to har eit utal perkusjonsinstrument og ditto elektroniske variantar til rådvelde, er produksjonen aldri overlest, sjølv ikkje på det mest hektiske og kaotiske i «Take The A# Train». «Rose of Jericho» er høgdepunktet på plata og syner kor enkelt og elegant det kan gjerast. It takes two to tango, men det er også nok.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Marie Blokhus, Gard Skagestad og Kirsti Refseth spelar stykket til den tyske dramatikaren Marius von Mayenburg.
Foto: Monica Tormassy / Det Norske Teatret
Kven har makt over kven?
Velspelt om medviten og umedviten makt, sanning, manipulasjon og illusjon.
The Lady (Willa Fitzgerald) må flykte frå ein galen mann.
Foto: Another World Entertainment
Skrekkfilmen Strange Darling tuklar med tida for å trekke i gang tankane.
President Joe Biden (f. 1942) og statsminister Jonas Gahr Støre (f. 1960) stiller opp til familiefoto på Nato-toppmøtet i Washington i år.
Foto: Javad Parsa / NTB
Å fjerne Støre no vil vere ei panikkhandling som skaper fleire problem enn det løyser for Arbeidarpartiet.
Ein demonstrant med gassmaske protesterer i Tblisi 2. desember mot at den nye regjeringa vil leggja vekk EU-søknaden.
Foto: Irakli Gedenidze / Reuters / NTB
«Med unntak av presidenten har ikkje demonstrantane i Georgia stor tiltru til politikarane.»
Sveinung Rotevatn (V), som ser opp, talte ikkje under behandlinga av den nye abortlova 3. desember. Den som gjekk fram til talarstolen flest gonger, var Marian Hussein (SV).
Foto: Thomas Fure / AP / NTB
Mors liv i salen
Debatten vi fekk høyre då den nye abortlova blei behandla tysdag, strekte seg frå 10.00 til 14.30, frå 1915 til framtida og frå fosteret til den store verda.
Papiravisa