Virtuos rytmisk kollaps
Elektronisk musikkpioner overgår seg sjølv på ny EP.
Elektronika
Aphex Twin:
Collapse EP
Warp Records
Shakespeare har – på internett – blitt kalla litteraturens svar på Aphex Twin, pseudonymet til den avantgardistiske elektroniske musikkpioneren Richard D. James, som vart fødd i Limerick i Irland i 1971, og som òg jobbar under namn som AFX, Polygon Window og user48736353001. Sistnemnde var éin av fire anonyme Soundcloud-konti som artisten posta 268 nye spor på i 2015. Den slags kreative PR-stunt har, i tillegg til det umiskjennelege musikalske handverket, blitt eit av James’ varemerke – denne gongen i form av obskure banner kamuflerte mot murveggen i London-metroen og i Los Angeles-buskas, i tillegg til ei kryptisk pressemelding som kollapsar på både litterært og typografisk vis.
Utgjevinga denne inkognito reklamekampanjen viste seg å marknadsføre, Collapse EP, kom ut førre fredag, og eg kan med glede melde at Aphex Twin er i storform. Hektiske, synkoperte rytmar med syngande basstrommer vrengjer seg inn i seg sjølv, solslegne ørkensynthar transformerer seg i korte augneblunkar til orientalske harper, og stemninga skiftar saumlaust frå melankolsk mørke til det nærast koselege, inn i eit komplett rytmisk samanbrot og tilbake att.
Gjennomblaute synthar og virrande rytmar fyk om kvarandre og vrir hjernemassen som ein svamp, og ein har knapt anna val enn å sprette rundt etter pulsen. Trass i at mellomdelen til tittelsporet visstnok har om lag 150 temposkift på rundt 80 sekund, misser musikken her aldri grooven. Vene og vakre melodiar finst det òg flust av i dette virtuose virvaret.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronika
Aphex Twin:
Collapse EP
Warp Records
Shakespeare har – på internett – blitt kalla litteraturens svar på Aphex Twin, pseudonymet til den avantgardistiske elektroniske musikkpioneren Richard D. James, som vart fødd i Limerick i Irland i 1971, og som òg jobbar under namn som AFX, Polygon Window og user48736353001. Sistnemnde var éin av fire anonyme Soundcloud-konti som artisten posta 268 nye spor på i 2015. Den slags kreative PR-stunt har, i tillegg til det umiskjennelege musikalske handverket, blitt eit av James’ varemerke – denne gongen i form av obskure banner kamuflerte mot murveggen i London-metroen og i Los Angeles-buskas, i tillegg til ei kryptisk pressemelding som kollapsar på både litterært og typografisk vis.
Utgjevinga denne inkognito reklamekampanjen viste seg å marknadsføre, Collapse EP, kom ut førre fredag, og eg kan med glede melde at Aphex Twin er i storform. Hektiske, synkoperte rytmar med syngande basstrommer vrengjer seg inn i seg sjølv, solslegne ørkensynthar transformerer seg i korte augneblunkar til orientalske harper, og stemninga skiftar saumlaust frå melankolsk mørke til det nærast koselege, inn i eit komplett rytmisk samanbrot og tilbake att.
Gjennomblaute synthar og virrande rytmar fyk om kvarandre og vrir hjernemassen som ein svamp, og ein har knapt anna val enn å sprette rundt etter pulsen. Trass i at mellomdelen til tittelsporet visstnok har om lag 150 temposkift på rundt 80 sekund, misser musikken her aldri grooven. Vene og vakre melodiar finst det òg flust av i dette virtuose virvaret.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.