Vakker tankevekkjar
Tangerine Reef byd på flytande lydbilete og kunstig naturdokumentar i mellomsanseleg harmoni.
Pop
Animal Col-
lective:
Tangerine Reef
Domino Records
Det amerikanske bandet Animal Collective er ikkje så lett å setje i bås. Dei har halde det gåande sidan 2003, og mykje av musikken på dei til no elleve studioalbuma deira kan kallast eksperimentell pop. Rett som det er, kan ein kjenne att element som slektar på band som Beach Boys (om enn helst frå dei meir eksperimenterande fasane deira), Silver Apples og krautrock à la Can – og på førre album, Painting With, hadde dei med seg John Cale frå Velvet Underground. Dei leikar seg likeins frimodig med konvensjonar og ikkje-konvensjonar og lagar låtar med fri instrumentering og struktur som dessutan ofte er svært fengjande.
No har dei saman med kunst- og vitskapsduoen Coral Morphologic laga det audiovisuelle symbiosealbumet Tangerine Reef. Musikken lener definitivt mot den eksperimentelle sida og er meir abstrakt enn mykje av det vi tidlegare har høyrt frå Animal Collective. Her legg dei mindre vekt på melodiar som er lette å syngje og rytmar som er lette å danse til, enn på flytande lydbilete som rører seg i sanseleg harmoni med det som hender på skjermen.
Korallane som Coral Morphologic har dokumentert med makrolinser og timelapse-videoteknikkar, ser ut som dei kjem frå ei anna verd. I røynda er dei hypersensitive for endringar i temperaturen her på jorda – lite skal til før desse urgamle, fargesprakande «regnskogane» under vatnet døyr og berre bleike kalsiumstrukturar står att. Etter den rekordvarme sumaren er det tankevekkjande å oppleve denne synestetiske festen – og det kan du dertil gjere gratis på Youtube.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop
Animal Col-
lective:
Tangerine Reef
Domino Records
Det amerikanske bandet Animal Collective er ikkje så lett å setje i bås. Dei har halde det gåande sidan 2003, og mykje av musikken på dei til no elleve studioalbuma deira kan kallast eksperimentell pop. Rett som det er, kan ein kjenne att element som slektar på band som Beach Boys (om enn helst frå dei meir eksperimenterande fasane deira), Silver Apples og krautrock à la Can – og på førre album, Painting With, hadde dei med seg John Cale frå Velvet Underground. Dei leikar seg likeins frimodig med konvensjonar og ikkje-konvensjonar og lagar låtar med fri instrumentering og struktur som dessutan ofte er svært fengjande.
No har dei saman med kunst- og vitskapsduoen Coral Morphologic laga det audiovisuelle symbiosealbumet Tangerine Reef. Musikken lener definitivt mot den eksperimentelle sida og er meir abstrakt enn mykje av det vi tidlegare har høyrt frå Animal Collective. Her legg dei mindre vekt på melodiar som er lette å syngje og rytmar som er lette å danse til, enn på flytande lydbilete som rører seg i sanseleg harmoni med det som hender på skjermen.
Korallane som Coral Morphologic har dokumentert med makrolinser og timelapse-videoteknikkar, ser ut som dei kjem frå ei anna verd. I røynda er dei hypersensitive for endringar i temperaturen her på jorda – lite skal til før desse urgamle, fargesprakande «regnskogane» under vatnet døyr og berre bleike kalsiumstrukturar står att. Etter den rekordvarme sumaren er det tankevekkjande å oppleve denne synestetiske festen – og det kan du dertil gjere gratis på Youtube.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.