Uhøyrde ikkje-hits
Uneven Paths byr på jamt over god avvikarpop.
Pop
Ymse
artistar:
Uneven Paths: Deviant Pop From Europe 1980–1991
Music From Memory
Det hollandske plateselskapet Music From Memory spesialiserer seg på å finne fram uutgjeven, oftast elektronisk og ambientprega musikk av undervurderte kultartistar frå notid og fortid. I tilfellet Uneven Paths har dei alliert seg med Raphaël Top-Secret, ein parisbasert DJ og såkalla «digger» – ein som iherdig grev gjennom nedstøva platebunkar og kassettesker etter bortgløymd musikalsk gull – og sett saman ei samling obskur, men merkeleg fengjande musikk med «ein fot i avantgarden og den andre godt planta i popen».
Høg kvalitet
Her får vi høyre eit vell av artistar og band som vanlegvis har operert innan sjangrar som jazz, punk og italowave, ta svippturar innom poplandskapet. Kvaliteten er jamt over høg, og sjølv når vokalprestasjonane stundom haltar, diksjonen slurvar og pianolyden skurrar, har det heile ein eigen, aparte nestenpop-sjarm. Uttrykket er leikent og eksperimentelt, og det varierer frå funky new wave og synthpop til bossanova og afrikansk- og arabiskinspirerte perkussive utblåsingar – stundom alt dette på ein gong.
Varmt lydbilete
Dei tjukke og gode basslinene er mange, ofte med vokalmelodiar og refreng som sporenstreks klistrar seg til hjernebarken, og lydbiletet er varmt og avslappande. Det er inspirerande og frigjerande å høyre desse meir eller mindre mislukka forsøka på å appellere til det store 80-talspublikummet, og ein kan saktens undre seg over kva for forunderlege samlingar av obskur kvasipop frå vår tid framtida vil bringe.
Rasmus Hungnes
Rasmus Hungnes er musikar og fast platemeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop
Ymse
artistar:
Uneven Paths: Deviant Pop From Europe 1980–1991
Music From Memory
Det hollandske plateselskapet Music From Memory spesialiserer seg på å finne fram uutgjeven, oftast elektronisk og ambientprega musikk av undervurderte kultartistar frå notid og fortid. I tilfellet Uneven Paths har dei alliert seg med Raphaël Top-Secret, ein parisbasert DJ og såkalla «digger» – ein som iherdig grev gjennom nedstøva platebunkar og kassettesker etter bortgløymd musikalsk gull – og sett saman ei samling obskur, men merkeleg fengjande musikk med «ein fot i avantgarden og den andre godt planta i popen».
Høg kvalitet
Her får vi høyre eit vell av artistar og band som vanlegvis har operert innan sjangrar som jazz, punk og italowave, ta svippturar innom poplandskapet. Kvaliteten er jamt over høg, og sjølv når vokalprestasjonane stundom haltar, diksjonen slurvar og pianolyden skurrar, har det heile ein eigen, aparte nestenpop-sjarm. Uttrykket er leikent og eksperimentelt, og det varierer frå funky new wave og synthpop til bossanova og afrikansk- og arabiskinspirerte perkussive utblåsingar – stundom alt dette på ein gong.
Varmt lydbilete
Dei tjukke og gode basslinene er mange, ofte med vokalmelodiar og refreng som sporenstreks klistrar seg til hjernebarken, og lydbiletet er varmt og avslappande. Det er inspirerande og frigjerande å høyre desse meir eller mindre mislukka forsøka på å appellere til det store 80-talspublikummet, og ein kan saktens undre seg over kva for forunderlege samlingar av obskur kvasipop frå vår tid framtida vil bringe.
Rasmus Hungnes
Rasmus Hungnes er musikar og fast platemeldar i Dag og Tid.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?