Modulærsynth og buzukklimpring
Framifrå arabiskinspirert postindustrial med politiske over- og undertonar.
Eksperimentell verdsmusikk / Rock
Jerusalem in my Heart:
Daqa’iq Tudaiq
Constellation Records
Come to Canada You Will Like It, heitte det i tittelen til Project Pablos chill out-plate frå i sumar. Eg følgde rådet, og den første levande musikken eg sjå og høyre fekk der, var av det Montreal- og Beirut-soknande, eksperimentelle bandet Jerusalem In My Heart. Konserten markerte platesleppet til det tredje albumet deira, Daqa’iq Tudaiq.
Første del av plata læt – etter halvtanna minutt med ulande, lumsk synthstøy – til forveksling lik tradisjonell musikk frå Levanten. Ved nærare ettersyn viser dei første fire spora seg å vere JIMHs tolking av den kjende egyptiske songen «Ya Garat al Wadi», ein tittel som tyder noko slikt som «Kjære nabo i dalen». I denne versjonen, akkompagnert av 15 musikarar, er tittelen blitt skifta til ei av dei andre strofene i songen, «Wa Ta’atalat Lought Al Kalam»: «Talespråket har mista meining». Den frasen har nærast dystopiske undertonar i kontekst av vår tid. Ikkje minst konflikten i Midtausten, som den merksame lesaren kan hende har dedusert seg fram til at ulmar ikkje så langt i bakgrunnen her. Albumtittelen tyder da også noko i retning av «minutt/småting/bagatellar som er til bry/undertrykkjer/sjikanerer».
I andre halvdel blir det tydeleg at sjangeren vi her har med å gjere, er arabiskinspirert postindustrial. På spor fem blir intense doumbekrytmar og stemningsfull buzukklimpring blanda med ihuga modulærsynthar. Sporet som følgjer, byr på den råaste, synthmodulerte minaretsongen som tenkjast kan. Sanneleg, eg likte det.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Eksperimentell verdsmusikk / Rock
Jerusalem in my Heart:
Daqa’iq Tudaiq
Constellation Records
Come to Canada You Will Like It, heitte det i tittelen til Project Pablos chill out-plate frå i sumar. Eg følgde rådet, og den første levande musikken eg sjå og høyre fekk der, var av det Montreal- og Beirut-soknande, eksperimentelle bandet Jerusalem In My Heart. Konserten markerte platesleppet til det tredje albumet deira, Daqa’iq Tudaiq.
Første del av plata læt – etter halvtanna minutt med ulande, lumsk synthstøy – til forveksling lik tradisjonell musikk frå Levanten. Ved nærare ettersyn viser dei første fire spora seg å vere JIMHs tolking av den kjende egyptiske songen «Ya Garat al Wadi», ein tittel som tyder noko slikt som «Kjære nabo i dalen». I denne versjonen, akkompagnert av 15 musikarar, er tittelen blitt skifta til ei av dei andre strofene i songen, «Wa Ta’atalat Lought Al Kalam»: «Talespråket har mista meining». Den frasen har nærast dystopiske undertonar i kontekst av vår tid. Ikkje minst konflikten i Midtausten, som den merksame lesaren kan hende har dedusert seg fram til at ulmar ikkje så langt i bakgrunnen her. Albumtittelen tyder da også noko i retning av «minutt/småting/bagatellar som er til bry/undertrykkjer/sjikanerer».
I andre halvdel blir det tydeleg at sjangeren vi her har med å gjere, er arabiskinspirert postindustrial. På spor fem blir intense doumbekrytmar og stemningsfull buzukklimpring blanda med ihuga modulærsynthar. Sporet som følgjer, byr på den råaste, synthmodulerte minaretsongen som tenkjast kan. Sanneleg, eg likte det.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.