Mangfaldig slåttespel
Plata kan gjerne nyttast som ei innføring i norsk slåttespel.
Folkemusikk
Britt Pernille Frøholm:
Nordfjord
Mere
Records
Nordfjord er eit område der den vanlege fiolinen har vore det viktigaste folkemusikkinstrumentet. Men i byrjinga av 1900-talet kom dessutan hardingfela på moten, med Alfred Maurstad og Jon Rosenlid som sentrale ambassadørar, og sidan har dei fleste felespelarane i området nytta begge feletypane. Rosenlid budde det meste av livet i Bergen, og var ein viktig inspirator for miljøet rundt Fjellbekken spelemannslag. Den fremste læresveinen hans var Finn Vabø (1931–2017), som lærte nordfjordspelet vidare til Britt Pernille Frøholm frå Hornindal.
Ho er ikkje den einaste kvinna frå Nordfjord som spelar fele. For rundt 150 år sidan var Lise Jyvall og Samuline Seljeset kjende som dyktige speledamer, i 1980-åra oppstod gruppa Honndalstausene, og i vår tid gjer dessutan Liv Merete Kroken og Sigrid Moldestad ein stor innsats for å halda musikken levande.
Frøholms spel er prega av ro og overskot anten ho spelar høgtidsame bruremarsjar, dansemusikk eller Gabriel Reeds virtuose bravurnummer «Fjelljom». Utvalet av slåttar syner at folkemusikken i Nordfjord har eit mangfaldig uttrykk. Her er musikk for sorg og glede, fest og ettertanke.
Plata kan gjerne nyttast som ei generell innføring i norsk slåttespel: Her kling begge feletypane, her er både bygdedans (særleg springar) og runddans (reinlender og vals), brureslåttar og nasjonalromantiske lydarslåttar. Men framfor alt: Spelet er framifrå og kan like gjerne nytast som sjølvstendig kunstverk.
Sigbjørn Apeland
Sigbjørn Apeland er musikar, musikkvitar og fast musikk-
meldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Folkemusikk
Britt Pernille Frøholm:
Nordfjord
Mere
Records
Nordfjord er eit område der den vanlege fiolinen har vore det viktigaste folkemusikkinstrumentet. Men i byrjinga av 1900-talet kom dessutan hardingfela på moten, med Alfred Maurstad og Jon Rosenlid som sentrale ambassadørar, og sidan har dei fleste felespelarane i området nytta begge feletypane. Rosenlid budde det meste av livet i Bergen, og var ein viktig inspirator for miljøet rundt Fjellbekken spelemannslag. Den fremste læresveinen hans var Finn Vabø (1931–2017), som lærte nordfjordspelet vidare til Britt Pernille Frøholm frå Hornindal.
Ho er ikkje den einaste kvinna frå Nordfjord som spelar fele. For rundt 150 år sidan var Lise Jyvall og Samuline Seljeset kjende som dyktige speledamer, i 1980-åra oppstod gruppa Honndalstausene, og i vår tid gjer dessutan Liv Merete Kroken og Sigrid Moldestad ein stor innsats for å halda musikken levande.
Frøholms spel er prega av ro og overskot anten ho spelar høgtidsame bruremarsjar, dansemusikk eller Gabriel Reeds virtuose bravurnummer «Fjelljom». Utvalet av slåttar syner at folkemusikken i Nordfjord har eit mangfaldig uttrykk. Her er musikk for sorg og glede, fest og ettertanke.
Plata kan gjerne nyttast som ei generell innføring i norsk slåttespel: Her kling begge feletypane, her er både bygdedans (særleg springar) og runddans (reinlender og vals), brureslåttar og nasjonalromantiske lydarslåttar. Men framfor alt: Spelet er framifrå og kan like gjerne nytast som sjølvstendig kunstverk.
Sigbjørn Apeland
Sigbjørn Apeland er musikar, musikkvitar og fast musikk-
meldar i Dag og Tid.
Fleire artiklar
Skodespelar Svein Tindberg flettar saman eigne barndomserfaringar med 4000 år gamle forteljingar frå Bibelen.
Foto: Marcel Leliënhof
Høgaktuelle forteljingar frå Midtausten
Trur vi Bibelen er ei utdatert bok, tek vi feil. Svein Tindberg syner korleis gamle jødisk-kristne soger talar til vår eksistens no når bombene fell mellom folkeslag.
Foto: Dag Aanderaa
Pyntesjuke og luksuslov
Christian Kvart ville styre pynten, krydderet og konfekten.
Miridae, ei bladtege med oval form.
Foto: via Wikimedia Commons
Levande innsikt om døyande insekt
Ein optimistisk tone råder i ei tettpakka faktabok om dystre utsikter for insekta.
Moss–Horten-ferja er den mest trafikkerte i landet. Skjer det noko uføresett, som då dei tilsette blei tatt ut i LO-streik i fjor, veks køane på begge sider av fjorden.
Foto: Terje Bendiksby / AP / NTB
Pengegaloppen i ferjetoppen
Det står ei Norled-ferje her og ei Torghatten-ferje der – innstilte. Ferja, ein livsnerve for mange, er eigd av folk vi ikkje aner kven er, utanfor vår kontroll.
Yrka med det høgste sjukefråværet er kvinnedominerte med relasjonelt arbeid og høge emosjonelle krav, skriv Lill Sverresdatter Larsen.
Foto: Gorm Kallestad / NTB
Langvarig overbelastning gir rekordhøyt sykefravær
«Vi har lenge drevet en dugnad for å holde skuta flytende.»
Papiravisa