Elektroniske røter
Early Tape Works er ei fredsam plate frå ein durkdriven artist.
Elektronika
Kuniyuki Takahashi:
Early Tape Works (1986–1993) Vol. 2
Music From Memory
Kuniyuki Takahashi, som kjem frå Sapporo i Japan, er ein produsent av elektronisk musikk, mest kjend for djup, suggererande housemusikk som ofte er iblanda jazz og eksperimentelle element. Det nederlandske plateselskapet Music From Memory sette tidlegare i år søkelys på dei musikalske røtene til artisten med ei retrospektiv samleplate kalla Early Tape Works (1986–1993) Vol. 1, og no er Vol. 2 ute. På desse platene vert det servert eksperimentell, men likevel svært tilgjengeleg og melodisk elektronisk musikk som slett ikkje passar inn i klubbmusikkategorien.
For her er det ikkje tekno og elektronisk musikk i sedvanleg forstand vi får høyre. Vol. 1 var framifrå, og bydde på halvt om halvt med flytande ambientorientert musikk utan stødige trommebeats, og spor med spor etter tysk krautrock og industrial. Vol. 2 er likeins gjæv, men held seg på den meir flytande sida plata gjennom. Det tvitydige andresporet «Your Home» kunne – med sine rolege, men ulmande melodiar, vore vignettsongen til Twin Peaks. «Echoes of the Past» rører seg rundt i liknande terreng – det læt som ein mørk, sensuell og forskrudd ballade frå seint i 80-åra. «Asia» læt som ein hyperrealistisk simulasjon av austasiatisk tradisjonsmusikk, medan «Sakua no mizu» har eit meir midtaustleg preg.
Kuniyuki er ein durkdriven klubbmusikkartist, og desse tidlege verka, frie for pumpande basstrommer, syner kor solide evnene hans er. Plata har jamt over ei magisk, drøymande eksotisk og hypnotisk effekt som absolutt kan tilrådast.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronika
Kuniyuki Takahashi:
Early Tape Works (1986–1993) Vol. 2
Music From Memory
Kuniyuki Takahashi, som kjem frå Sapporo i Japan, er ein produsent av elektronisk musikk, mest kjend for djup, suggererande housemusikk som ofte er iblanda jazz og eksperimentelle element. Det nederlandske plateselskapet Music From Memory sette tidlegare i år søkelys på dei musikalske røtene til artisten med ei retrospektiv samleplate kalla Early Tape Works (1986–1993) Vol. 1, og no er Vol. 2 ute. På desse platene vert det servert eksperimentell, men likevel svært tilgjengeleg og melodisk elektronisk musikk som slett ikkje passar inn i klubbmusikkategorien.
For her er det ikkje tekno og elektronisk musikk i sedvanleg forstand vi får høyre. Vol. 1 var framifrå, og bydde på halvt om halvt med flytande ambientorientert musikk utan stødige trommebeats, og spor med spor etter tysk krautrock og industrial. Vol. 2 er likeins gjæv, men held seg på den meir flytande sida plata gjennom. Det tvitydige andresporet «Your Home» kunne – med sine rolege, men ulmande melodiar, vore vignettsongen til Twin Peaks. «Echoes of the Past» rører seg rundt i liknande terreng – det læt som ein mørk, sensuell og forskrudd ballade frå seint i 80-åra. «Asia» læt som ein hyperrealistisk simulasjon av austasiatisk tradisjonsmusikk, medan «Sakua no mizu» har eit meir midtaustleg preg.
Kuniyuki er ein durkdriven klubbmusikkartist, og desse tidlege verka, frie for pumpande basstrommer, syner kor solide evnene hans er. Plata har jamt over ei magisk, drøymande eksotisk og hypnotisk effekt som absolutt kan tilrådast.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.